1 Samuweli 17:25 - Mazu Otchena a Mulungu

²⁵ <<Alombwana, munomuona mulombwanole?! Liye uhuza nipokiha hiyo aIzarayeli. Mutu wenne unampe mulombwana wenne, mwene Sawuli unonvaha jorayela eto unonvaha mwanaye ira amutele. Eto abalaye atene a babaye, kiza kasokiwaga misoko.>>

1 Samuweli 17:25 ပူးပေါင်းရင်းမြစ်များ

Matewuji 17:26

Evale Peduru ohowakulaga eraga: <<Amwene anaasoketcha atu amohiwa hiya ahimiwa!>> Mwa enne Yesu ohowonga eraga: <<Uhuwakula pama! Ku wonga ana mwene kinasokiwa misoko.

Jozuwe 15:16

Evale mulombwana Kalebi ohowongaga, liye ira: <<Mutu wenne unadowe awana na sidadi ya Kiriyati-Seferi afiyeda igondjiha, miyo nnonvaha mwanaga Akisa ira akale muhiyanaye.>>

Jowandeliwa 2:17

<<Ule unna mabaru, avwe jejo Munemba unaawandela liye makuru a atu omuroromela Yesu. Mutu wenno unagondjihe, miyo vasogolro nnonvaha ira adje mana anno kakoyiwe, eto nnoza dinvahe mwana nibwe notchena vagalrembiwe nzina nixa, nzina neno nahaiziweyile na mutu mmohiwa. So unaiziwa gwenno unafuna vahiwa.> >>

Jowandeliwa 2:7

Ule unna mabaru, avwe jejo Munemba unaawandela liye makuru a atu omuroromela Yesu. Mutu wenno unagondjihe, miyo nnonvaha ira adje Mutengo wa Ingumi wenno unafwanyeya ilambo ya ibaribari ya Mulugu zulu.> >>

Jowandeliwa 3:12

Mutu wenno unagondjihe, miyo nnomutimbela ira akale nimbozo muNyumbani mwa Mulugu waga. Liye muNyumbani mule kaza akumamo. Miyo nnoza dimulrembe mazina mararu. Nzina noroma, nzina na Mulugu waga. Nzina nanembinli, nzina na sidadi ya Mulugu waga, sidadi ya Jeruzalemu Muxa yenno inafuna kumela zulu wa Mulugu. Nzina naneraru nnakala nzina naga.

Jowandeliwa 3:21

Miyo voira dihigondjiha, dihivahiwa utongi ira digarati mpando wa umwene wa Baba. Nona mutu wenne unagondjihe, nnonvaha ira agarati na miyo vano mpando wa umwene mmohive digaratile miyo.

Jowandeliwa 3:5

Mutu wenno unagondjihe, unowarihiwa jowara jotchena eto miyo kadiza ditimiha nzina naye muwari mwa Livuru na Ingumi. Eto nnoza dimurumelele vamentoni va Baba na angelrwaye ira: <<Na ibaribari mutula gwaga!>>

1 Samuweli 17:24

Eto aIzarayeli kagamuonne mulombwana Goliya awongaga mazu anne, kohomuovaga, aliwa roma tawa, keraga:

1 Samuweli 17:27

Evale anamwindji kohomuwandelaga mazu mamohive anne kawongaga keraga: <<Hiyo niwongile ira mutu wenne unampe mulombwanole, mwene Sawuli unonvaha jorayela eto unonvaha mwanaye ira amutele. Eto abali atene a babaye, kiza kasokiwaga misoko.>>