1 Samuweli 17:20 - Mazu Otchena a Mulungu

²⁰ Evale mmetcheloni muwa muzombwe Davi ohovenyihanaga na mabebehene, liye muhiyeda mabila ale mutu mmohiwene ira aing'anelege. Liye ohotukulaga mivaho dile, liye maruwa dowaga nnga mwemo babaye Jese mwamurumele liye. Mwa enne liye afiyaga wene vakapamentoni vale, erege alinganana aIzarayeli kavenyihanaga no kuwa ira kadowege kondoni.

1 Samuweli 17:20 ပူးပေါင်းရင်းမြစ်များ

Lukaji 19:43

Tchoira anofiya malambo oira amwidanawo kamale barela marampa otawelamo eto anoza kauwerewere no utiyelela pandi datene.

Jozuwe 3:1

Evale mulombwana Jozuwe ohovenyaga na mabebehene vamohi na Ana Izarayeli atene, aliwa kuma nimburo nafwanyeya atu Sitimi, aliwa dowa muhindje Jordawu. Mbwenye aliwa kahanalambuwe muhindje Jordawu, karomilege kunga misasa diwa mutcherelani mwa muhindje mule.

1 Samuweli 15:12

Mmetcheloni muwa na mabebehene, ohovenyaga ira adowe angumanena Sawuli. Mbwenye atu kohomuwandelaga ira: <<Sawuli ohodowa sidadi ya Karimelo, liye imetcha nimbozo noira nzina naye nivweyege. Eto akumaga wewo, liye ohokwaranya, liye dowaga Jiligali.>>

1 Samuweli 17:19

Tchoira abalawo na mwene Sawuli vamohi na alombwana a aIzarayeli atenene anafwanyeya ndabo na Karvaliyo, anawana na aFilistewu.>>

1 Samuweli 17:21

Evale aIzarayeli na aFilistewu kohatanda anyakondo ewa ira kawane, ala wu, ala wu.

1 Samuweli 17:28

Evale Davi vaafukaga liye anyakondo ale zela jejile, kamuwandelagamo, mbalaye wa mulukuluwa wenno aitaniwa Eliyabe, aganvwile Davi awongaga enne, ohotakaleliwaga na makalelo ohokala a masika zela Davi, liye nfuka eraga: <<Kodi weyo wazelawo nni uno? Nnga mabila a vang'ono ale umuhiyedile ani muisalesaleni? Miyo dihiiziwa makalelo awo na ibure ya murimawo uyo. Weyo eno wazela ira uone kondo bahi!>>

1 Samuweli 26:5

Davi ohozembaga na mahiyu, liye dowa vamisasani vafwanyeya Sawuli. Agafiyile evale, ohoonaga nimburo nagonantile mwene Sawuli na Abineri mwana Neri, musogolrelri wa nikuru na anyakondo a mwene Sawuli. Fwanyeya ira Sawuli agonantilege vamisasani vale, atwaye atene anne gonanti momuwerewera. Davi agamanle ona jatene ejile, ohorungunuwaga, liye welela mundulri.

1 Samuweli 26:7

Mwa enne mahiyu mamohive anne Davi na Abizayi kohomaruwaga, aliwa dowa fiya vamusasani va anyakondo a Sawuli. Kanfwannyege Sawuli agonaga eto mwanango waye agazoromeyiwe vati wandamelana miruzuni waye ule. Eto Abineri na atu atene kagonantilege kagamuwerewerile mwene Sawuli.