1 Samuweli 17:12 - Mazu Otchena a Mulungu

¹² Ora yenno Davi akumbuza mabila a Babaye. Babaye ali Jese, nkuda Efarayimi eto akala tatamo ya Beleme muwari mwa ilambo ya Juda. Eto Jese anna anapongwe atanu na araru. Tempu yatonga Sawuli nnga mwene wa aIzarayeli, mulombwana Jese afwanyeya agali mundimuwa oulula bure aganna yaka didjindji.

1 Samuweli 17:12 ပူးပေါင်းရင်းမြစ်များ

Jenesesi 35:19

Mwa enne Rakeli ohokwa, liye koyiwa wandamelana ndila inadowa Efarata, wewo unaitaniwa na nzina na Beleme malambwala.

2 Samuweli 23:1

Ala ba mazu ogomiheda a mwene Davi mwana Jese. Ba mazu a Davi wenno ahambihiwe na Mulugu wa Jako ira akale mwene eto wenno ali mwinnya oimba nyumbo dapama muwari mwa Izarayeli.

Matewuji 1:6

Jese ohombala mwene Davi. Mwene Davi muwari mwa muhiyana wenno ali mwadi Uriya ohombala Salomawu;

Matewuji 2:1

Yesu abaliwaga, abaliwe Beleme, porovinsiya ya Judeya. Tempu yenne atonga ilambo yenne ali mwene Erodi. Evale kohokalawo andimuwa a toto kavennye pandi ya makumelo wa nzuwa, aliwa fiya sidadi ya Jeruzalemu,

Matewuji 2:6

<We Beleme masiki uyevileve muwari mwa ilambo ya Judeya, uhukana mabasa malukulu. Masiki tatamo datene nnafwanyeya ilambo ya Juda dindjive, mwa weyo Beleme punaza mubaliwe mwene wenno unafuna akumbuzaga atwaga akuda Izarayeli.> >>

Ruti 1:2

Mulombwanole nzina naye aitaniwa Elimeleki, muhiyanaye aitaniwa Nowemi eto ahimaye ambinli ale, mmohi aitaniwa Malomi, mmohiwa aitaniwa Kiliyomi. Aliwa kali a nlogo na Efarata eto kakaletcha tatamo ya Beleme muwari mwa Juda. Evale kohovenya, aliwa dowa kala ilambo ya Mowabe ile.

Ruti 4:17

Evale ahiyana aawandamannena liye, kagaonne jejile, kohowongaga keraga: <<Nowemi uhubaleliwa mwanapongwe!>> Evale kohonvaha mwanole nzina na Obedi. Obedi gumbanle mulombwana Jese, Davi babaye.

Ruti 4:22

Obedi mbala Jese, Jese gumbanle Davi. Kukala mazu a livuru na Ruti.

1 Samuweli 1:1

Ohokalawo mulombwana mmohi wa nlogo na Efarayimi, akaletcha sidadi ya Ramatayimi-Zofimi, ilambo ya mmwangoni ya Efarayimi, nzina naye aitaniwa Elikana. Babaye ali Jerowawu, Jerowawu ali mwana Eliyu, Eliyu ali mwana Towu eto Towu ali mwana Zufe.

1 Samuweli 16:1

Evale Yehova ohowongaga na Samuweli eraga: <<Kodi unaza uhiye mukumbanya Sawuli alini, agali miyo dihimala munyanyala ira liye ahakale mwene wa mulogo wa Izarayeli akoka? Uvenye utukule nnyanga, uzalihemo makura, umaruwe udowe sidadi ya Beleme. Wafiya wewo, udowe vande va mulombwana mmohi unaitaniwa Jese. Liye uhumukana mwanaye mmohi wenno dimusakunlre miyo ira akale mwene.>>

1 Samuweli 16:18

Evale namalaba mmohi ohowongaga eraga: <<Sidadi ya Beleme uhukalawo mulombwana mmohi uneriwa Jese. Liye uhumukana mwanaye mmohi unawanda imba pama arpa. Liye eto gu mutu olimba murima, mutu owanda wana, owanda wonga pama, mutu oriya eto liye gosogolrelriwa na Yehova.>>

1 Samuweli 17:11

Evale mwene Sawuli na aIzarayeli atene kagavwile mazu awongaga nFilistewu ule, kohorendjeyaga, aliwa roma kana ova wohokala wa masika.

1 Samuweli 17:58

Sawuli ohonfuka, liye ira: <<Muzombwe we, kodi babawo bani?>> Liye ohowakulaga, liye ira: <<Miyo dili mwana wa namalaba wenyu Jese nkuda Beleme!>>