1 Samuweli 17:10 - Mazu Otchena a Mulungu

¹⁰ NFilistewu ule ohowongagave eraga: <<Miyo peno nnaona ira nyo alombwana atene a aIzarayeli, kamuli yengo. Mmusakulre mutu mmohi ira aze awane na miyo.>>

1 Samuweli 17:10 ပူးပေါင်းရင်းမြစ်များ

2 Samuweli 21:21

Evale liye ohozaga, roma apokihaga aIzarayeli. Mbwenye mwene Davi mbalaye Simeya mwanayiwa eriwa Jonata, ohodowaga liye mpa.

2 Samuweli 23:9

Omuharela ali mulombwana Eliyazari, mwana Dodo. Dodo babaye ali Awoyi. Liye afwanyeya muwari mwa alombwana araru a kopolo a Davi. Siku nimohi aFilistewu kohomaruwaga, aliwa dowa kondoni ira kawane na aIzarayeli. Eliyazare na Davi kohapokiha aFilistewu. Evale aFilistewu kagavenyihanne kazaga, aIzarayeli kohotawaga.

2 Amwene 19:4

Mwene wa Asiriya ohomuruma mundimuwa ule unawongetcha mazwaye ira aze wa hiyo, ampokihe Mulugu Okalawo. Yehova Mulugu wenyu avuruwane joruwana jatene jeji eto amutonge mutu wenne uwongile mazu abure matene anna. Mwa eno, inafwanela munilobelele hiyo atu a vang'onove nihanlewo.>>

Daniyeli 4:37

Mbwenye va eni miyo mwene Nabukodonozore nnomutamalela eto nnomuulukuliha eto nnomutitimiha Mwene wa Zulu. Mwasiwa mabasaye matene ba pama eto ndila daye datene ti ndila dotchena eto liye unowanda ayeviha atu anne anawenda movitukulela!

1 Samuweli 17:11

Evale mwene Sawuli na aIzarayeli atene kagavwile mazu awongaga nFilistewu ule, kohorendjeyaga, aliwa roma kana ova wohokala wa masika.

1 Samuweli 17:36

Miyo namalaba wenyu, dahaapa apodogoma na aurusu. Eto nnafuna dimusakanye na makalelo amohive nFilistewu ule, mutu ohoineliwa, mwasiwa liye upokihile nikuru na anyakondo a Mulugu Okalawo.

1 Samuweli 17:45

Evale Davi ohowongaga na Goliya eraga: <<Weyo unaza wa miyo na supada na mwanango vamohi na mwanango wawo mung'onong'ono. Mbwenye miyo nnafuna dize wa weyo na nzina na Yehova wa Makuru Matene, Mulugu wa nikuru na anyakondo a aIzarayeli anno unaapokiha we.