1 Samuweli 16:7 - Mazu Otchena a Mulungu

⁷ Mbwenye Yehova ohowongaga na Samuweli eraga: <<Weyo kuing'ane baleya wa mutu, nne ulukula wa mutu. Miyo wenno kadinfunile mwasiwa miyo kannaing'ana nnga makalelo anaing'ana atu. Tchoira atu anaing'ana makalelo a mutu, mbwenye miyo dagali Yehova nnaing'ana mmirimani mwa mutu.>>

1 Samuweli 16:7 ပူးပေါင်းရင်းမြစ်များ

Jenesesi 4:5

Mbwenye Yehova kamurumenle Kayini vamohi na jovelela jaye. Na mwasa wenne, Kayini ohotakaleliwa valukulu, liye pota makwizi vakoveni vaye.

2 Samuweli 14:25

Fwanyeya ira muwari mwa ilambo yatene ya Izarayeli kafwanyeyamo mulombwana oriyetchetcha kwaranya mulombwana Abisalawu. Liye ali mutu oriya maningo matene, romela vati va vanyalo ante muruni, nne kaanna yano yotakala.

2 Samuweli 7:20

Nabwiya Yehova miyo namalaba wenyu dagavwile jatene jiwongile nyo, kadinna yengo inafuna miyo wonga. Tchoira nyo muhumala iziwa jatene jili mmirimani mwaga dagali namalaba wenyu!

1 Amwene 8:39

vuruwanani zulu wewo munakala nyo. Mwaakurumuwele eto mwaakamihede. Mmulabe kada mutu na makalelo aye onfwanelela, voira nyo muhumala iziwa joumbuwela jaye jokoyeya mmirimani mwewa. Na ibaribari nyo bahi gunawanda iziwa joumbuwela jokoyeya ja kada mutu.

1 Koronika 17:18

Nnga miyo dagali Davi, nnafuna diwonge yengo nni wa nyo zela upama watene mudiirele nyo miyo namalaba wenyu? Tchoira nyo muhumuiziwa pama namalaba wenyu.

1 Koronika 28:9

Eto weyo mwanaga Salomawu, umuiziwe pama Mulugu wa babawo eto umulabege liye na murimawo watene no funa wawo watene. Tchoira Yehova unaona jatene jili mmirimani mwa mutu uli watene eto uiziwa joumbuwela na jofuna jatene. Weyo wanvenda, liye unorumela ira unfwanye, mbwenye wamuhiya, liye unoukonda kala no kala.

Lukaji 16:15

Evale Yesu ohowongaga kwi: <<Nyo muli atu ovikaliha pama vamentoni va atu. Mbwenye Mulugu umala iziwa jili mmirimani mwinyu. Tchoira yengo yenno inateteliwa na atu mwilamboni, vamentoni va Mulugu tchi yengo yotakaletchetcha.

Juwawu 7:24

Kamutongege muwari moing'ana makalelo a mutu. Mbwenye mutongege na matongelo a ibaribari.>>

Juwawu 8:15

<<Nyo mwatongaga, munatonga na matongelo anaumbuwela nyo mofuna mwenyu. Miyo mbwenye kannamutonga mutu meka.

Joira ja Anamarumiwa 1:24

Evale aliwa koholobela keraga: <<Nabwiya nyo guiziwile yenno ili mmirimani mwa kada mutu. Nnavepa ira mwa ambinli ala, munionihe wenno mmusakunlre nyo

2 Korinto 10:10

Tchoira miyo nnovwa atu anawonga ira: <<Makarta analremba Pawulo bonyemela, bokana kopolo. Mbwenye wamuona mutuwa, govuta. Awongaga, jowonga jaye ti jowonga jolramwiseya.>>

2 Korinto 10:7

Nyo munaing'ana makalelo kanna atu undeve bahi. Akala ukala muwari mwa nyo mutu unawanda wonga ira: <<Miyo dili wa Kiristu>>, inafwanela aumbuwele eto ira: <<Sawasawa nnga miyo dili wa Kiristu, na aPawulo anne ba a Kiristu.>>

Eberewu 4:13

Mwa jatene jejo jipandutchiwe, kilivo yengo ili yokoyeya vamentoni va Mulugu. Mbwenye jatene jili vaheno vene, jatene jinnana oniwa na wenno unafuna hiyo za muwandelagamo jatene jiirile hiyo.

1 Peduru 2:4

Nabwiya Yesu unafwanyeya agali nibwe na ingumi neno nakondile atu. Mbwenye vamentoni va Mulugu, Yesu unafwanyeya agali nibwe nosakulriwa eto nofuneya. Nyo muwari moza wa liye,

1 Peduru 3:4

Mofutukula, nyo riya wenyu inafwanela ukale riya wa mirima denyu. Tchoira wakana makalelo opwaseya, omiyala, riya wewo ku riya wohowanda dimela eto ku riya wofuneya valukulu vamentoni va Mulugu.

Jowandeliwa 2:23

Eto nnoatukula ahima a muhiyanole, daape ira makuru matene a atu omuroromela Yesu kaiziwe ira miyo vano dili wenno unaiziwa joumbuwela ja mutu vamohi na jofuna ja mmirimani mwaye eto miyo gunamutambilriha kada mutu zela joira jaye.

1 Samuweli 2:3

Kuwongegeve mazu ovitukulela. Mmulomoni mwawo kamukale mazu ovitetela mwasiwa Yehova gu Mulugu oiziwa jatene. Liye gunapima joira jatene.

1 Samuweli 9:2

Liye ohomukana mwanaye mmohi oriya aitaniwa Sawuli. Muwari mwa Ana Izarayeli atene kaalimo mutu oriya olingana na muzombwe Sawuli. Liye eto ali muzombwe olapetchetcha akwaranya atu atene. Liye aimela vari va atu atenene, atu atene kamugomela mmafudini.