1 Samuweli 16:4 - Mazu Otchena a Mulungu

⁴ Samuweli agavwile mazu anne, ohoiragana nnga mwemo mwamurumele Yehova. Liye venyihana, dowaga ilambo ya Beleme. Agafiyile wewule, andimuwa a wewule kagamuonne, kohorendjeyaga, aliwa dowa nfuka kangurumelaga, aliwa ira: <<Kodi za wenyu kwa murendele?>>

1 Samuweli 16:4 ပူးပေါင်းရင်းမြစ်များ

Jenesesi 35:19

Mwa enne Rakeli ohokwa, liye koyiwa wandamelana ndila inadowa Efarata, wewo unaitaniwa na nzina na Beleme malambwala.

Jenesesi 48:7

Miyo nnairela eno na mwasa wa mmawo Rakeli. Tchoira hiyo nikumaga ilambo ya Padani, miyo dohokukumuwaga muwari moira liye ohokwa mwilamboni mwa Kana nahanafiye ilambo ya Efarata. Agakwile miyo dohomukoya mmambalo mwa ndila yodowa Efarata.>> (Efarata malambo anna unaitaniwa na nzina na Beleme.)

2 Samuweli 6:9

Mwa enne Davi agaonne ira: <<Eni mutu mmohi uhukwa na mwasa wa Kaxa ya Yehova ila>>, ohomuovaga Yehova siku nenne. Muwari moova ohowongaga eraga: <<Nnga miyo nnawande tukula avi Kaxa ya Yehova ila ira ifiye Jeruzalemu unakala miyo?!>>

1 Amwene 17:18

Mwa enne muhiyanole ohomuwongana Eliya eraga: <<Nyo mutu wa Mulugu, miyo dutegenleni yengo nni? Kodi muzele vande vaga vano ira mudiwumbutchede yotega yaga eto ira mumpe mwanaga?>>

1 Amwene 2:13

Siku nimohi mulombwana Adoniya mwana Ajite, ohodowaga wa Bateseba, mmaye Salomawu. Agazile, Bateseba ohonfukaga eraga: <<Kodi za wenyu kwa murendele?>> Liye ohowakulaga eraga: <<He, za waga kwa murendele.>>

2 Amwene 9:22

Mwa enne mwene Jorawu agamuonne Jewu, ohonfukaga eraga: <<Mulombwana Jewu kodi za wawo unaza mwa murendele?>> Evale mulombwana Jewu ohomuwakulaga eraga: <<Vinawandeye avi ira miyo dizege na murendele agali mmawo Jezabeli ante peno unnana simbwave dowaga musogolro zela makalelo aye oraruwa na ja ukwiri jaye!>>

Lukaji 2:4

Voira kada mutu alrembelriwa wewo wafwanyeya nlogo naye, mulombwana Joze ohovenyaga Nazareti, porovinsiya ya Galileya, adowaga sidadi ya Davi yaitaniwa Beleme, yafwanyeya muwari mwa porovinsiya ya Judeya. Joze adowile lrembelriwa wewule mwasiwa liye abaliwe muwari mwa nlogo na mwene Davi.

Lukaji 5:8

Noira enne, mulombwana Simawu Peduru agaonne zela ejile jaireyile, ohozaga kokora valigi Yesu eraga: <<Nabwiya, susanivo vili miyo vano, mwasiwa miyo dili mutu otega!>>

Lukaji 8:37

Noira eno, atu atene kakala ilambo ya Jeraza kohonvepaga Yesu ira avenyemo mwilamboni mwiwa mule mwasiwa aliwa kohokagana ova ulukulu. Evale Yesu ohogwelaga mmwadeyani akoka ira awelele wakumile liye.

1 Samuweli 21:1

Nomala enne, Davi ohomaruwaga adowaga sidadi ya Nobe. Agafiyile wewule, ohodowaga wa namakuta mmohi wa ilambo ya Nobe ule, aitaniwa Aimeleki. Davi aganfwanyile, Aimeleki ule ohorendjeyaga valukulu, liye roma ngurumelaga. Nomala enne, ohonfukaga Davi, liye ira: <<Kodi mwasiwa gwa nni we zaga wekave eni?>>