1 Samuweli 16:16 - Mazu Otchena a Mulungu

¹⁶ Yapamiwa inafwanela munirume hiyo anamalabinyu, nidowe namusake maliba imba arpa aze. Aza, tempu inafuna nyo hindiwa na munemba wabure orumiwa na Mulugu, maliba imba ule aimbaga arpa waye, nyo munerege kala pama akoka.>>

1 Samuweli 16:16 ပူးပေါင်းရင်းမြစ်များ

Jenesesi 41:46

Joze aromaga laba mabasa a Farawu mwene wa Ijipitu afwanyeya aganna yaka 30. Mwa enne liye ohokumagavo vamentoni va mwene Farawu, liye roma vira mwilamboni mwatene mwa Ijipitu.

1 Amwene 10:8

Orelihiwa ba alombwana enyu atene vamohi na anamalaba enyu ala anafwanyeya na nyo malambo matene, anno anavwa zelru denyu.

2 Amwene 3:15

Noira enne, ohowongagave eraga: <<Kadowani mwanvende maliba imba arpa mmuzena.>> Evale maliba arpa agazile, aimbaga, kopolo da Yehova dohomuzelaga Elizewu.

1 Samuweli 10:5

Jaireya eno, ionihedo yogomiheda, weyo uvenye udowe mwango wenno unaitaniwa Jibeya wa Mulugu, wewo unafwanyeya misasa da anyakondo a aFilistewu. Wavolowaga musidadi mule, unofwanya nikuru na anamafiyiheda katitelaga nimburo notama na mukuto, kakumaga ibuwani. Unaafwanya kaimbaga joimbana jiwa jinafwanyeya jagali lira, makotcho, mafalauta na arpa. Eto tempu yenno aliwa anerege wonga ja Mulugu.

1 Samuweli 16:14

Noira eno, Munemba wa Yehova afwanyeya na mwene Sawuli ohokumamo, evale munemba mmohiwa wabure orumiwa na Yehova ohoza roma muzuzumihaga Sawuli.

1 Samuweli 16:15

Evale anamalaba a Sawuli kohomuwongana, aliwa ira: <<Mbwiyeni hiyo nihiiziwa ira munemba wabure orumiwa na Mulugu, uhuza, uzuzumihagani.

1 Samuweli 16:17

Evale Sawuli ohawakulaga anamalabaye ira: <<Ihikala pama! Dowani mwamusake mutu unawanda imba arpa pama, mmuzena wa miyo.>>

1 Samuweli 18:10

Mmetcheloni muwa, munemba wabure okumela wa Mulugu ule, ohomuzelaga mwene Sawuli. Evale liye ohoromaga sakanya jengo ja mihala mmba mwaye. Mwa enne Davi ohoroma imba arpa waye nnga molemelela. Tempu yenne Sawuli ohokana mwanango mmandani mwaye.

1 Samuweli 19:9

Siku nimohi niwa, Sawuli agali ogaratene mmba mwaye agahidedile mwanango mmandani mwaye, Yehova ohomurumaga munemba wabure, liye muzela akoka. Mwa enne Davi ohotukulaga arpa waye, liye imbaga.