1 Samuweli 16:12 - Mazu Otchena a Mulungu

¹² Evale Jese oharuma atu, aliwa mudowela. Fwanyeya ira liye ali muzombwe oriya, okana maningo apama eto meso aye kong'asimela. Evale Yehova ohomuwandela mulombwana Samuweli, liye ira: <<Mutu dimusakunlre miyo gwenno, umuhambihe na makura.>>

1 Samuweli 16:12 ပူးပေါင်းရင်းမြစ်များ

Jenesesi 39:6

Mwa enne mulombwana Potifare omuhiyeda Joze johinda jatene ja vande vale ira asogolrelrege. Potifare kabalra yengo yali yatene ya vande vale, so yaye ali yodja yadja liye bahi.

2 Samuweli 23:1

Ala ba mazu ogomiheda a mwene Davi mwana Jese. Ba mazu a Davi wenno ahambihiwe na Mulugu wa Jako ira akale mwene eto wenno ali mwinnya oimba nyumbo dapama muwari mwa Izarayeli.

2 Samuweli 7:8

Yehova ohowongaga na Nata eraga: <<Na mwasa wenno, weyo uvenye udowe wamuwandele namalaba waga Davi wire: <Yehova wa Makuru Matene gunawonga ira: <<Miyo dukumihile mukokolani mwemo mwawenda we mundulri mwa mabila ira udowe wakale musogolrelri wa atwaga aIzarayeli!

1 Amwene 1:34

Mwadowa, namakuta Zadoki na namafiyiheda Nata kamuhambihe ira akale mwene wa aIzarayeli. Mwagamanle muhambiha, muimbe palraza, mukuwe muire: <Mwene Salomawu oye!>

Ezodu 2:2

Kagatelanne, muhiyanole ohokana vambani, liye mbala mwanapongwe. Muhiyanole agaonne ira mwanole ohosimbwa riya, ohomukoyaga fiyeda medi miraru.

Joira ja Anamarumiwa 4:27

Aliwa koholobelave keraga: <<Mwa ibaribari so Nabwiya, sidadi ili hiyo ila, jatene jawongile Davi jihifiya mwa Yesu. Tchoira nyo mwagamuhambihile Namalaba wenyu Otchena, mwene Erodi na Ponsiyu Pilatu na atu amohi ohokala aJudewu vamohi na aIzarayeli kohogumanela ira kawanawane na liye.

Joira ja Anamarumiwa 7:20

Tempu yenno tchi tempu yabaliwa Mozeji. Mozeji abaliwaga, ali mwana oriya, obaleya vamentoni va Mulugu. Ababaye kohomukoya mmba mwiwa pakana mala medi miraru.

Eberewu 11:23

Mwa nroromelo Mozeji agabaliwe, ababaye tchaovile nlamulo nakumihile mwene Farawu ira: <<Mwanapongwe abaliwa, apiwe.>> Mwa nroromelo, muwari moona ira: <<Mwanihu uhuriya>>, aliwa tchampile mbwenye kohomukoya medi miraru.

1 Samuweli 16:18

Evale namalaba mmohi ohowongaga eraga: <<Sidadi ya Beleme uhukalawo mulombwana mmohi uneriwa Jese. Liye uhumukana mwanaye mmohi unawanda imba pama arpa. Liye eto gu mutu olimba murima, mutu owanda wana, owanda wonga pama, mutu oriya eto liye gosogolrelriwa na Yehova.>>

1 Samuweli 17:42

Afiyaga vali Davi vale, ohoromaga muing'ana, liye roma mulramwisaga, mwasiwa Davi alive muzombwe eto ali muzombwe oriya, wa makalelo apama.

1 Samuweli 17:55

Fwanyeya ira Davi ahanampe nFilistewu Goliya ule, amaruwaga wene ira amuwanena, Sawuli agamuonne Davi adowaga ira awane na Goliya, ohonfukaga Abineri, musogolrelri wa nikuru na anyakondo, liye ira: <<Abineri, kodi muzombwe ule babaye bani?>> Evale Abineri amuwakunlege, liye ira: <<Miyo nnolumbela na nzina nenyu mwagali mwene ira babaye miyo kadimuiziwile!>>

1 Samuweli 9:17

Evale Samuweli agamuonne Sawuli, Yehova ohomuwandela, liye ira: <<Wenno gu mulombwana wenne dauwandenle miyo. Liye gunafuna asogolrelraga atwaga.>>