1 Samuweli 15:29 - Mazu Otchena a Mulungu

²⁹ Eto Mulugu, wenno unafwanyeya agali Ibaribari ya aIzarayeli, kananama eto youmbuwela yaye kanatchindja. Liye kahi mutu nnga hiyo ira amala unotchindja youmbuwela yaye, liye hairagana yenno iwongile liye.>>

1 Samuweli 15:29 ပူးပေါင်းရင်းမြစ်များ

1 Koronika 29:11

Nyo Yehova muli wa kopolo, muli mundimuwa, otitimihiwa, owareya eto okana utongi. Jatene jinafwanyeya ilambo ya zulu na ilambo ya vati ti jenyu. Nyo muli Mwene, jatene jinatongiwa na nyo.

Izaiya 45:24

<<Atu anerege wonga zela miyo ira: <Upama na kopolo jinafwanyeya muwari mwa Yehova bahi.> Mbwenye atene anno kamutakaleliwilena, anoza kaze wa liye, kakayena manyazo.

2 Korinto 12:9

Liye mbwenye karumenle yovepa yaga. So wakula waye, kwi: <<Sayi daga dihikwakwana para weyo. Tchoira kopolo daga nnakwakwanela muwari movuta mwawo.>> Nona miyo nnovititimiha mohagalala zela johokana kopolo jaga ira kopolo da Kiristu dikale na miyo.

Detoronomiyo 33:27

Mulugu wenno unakalawo kala no kala gu nimburo nenyu nokala. Liye gunaukoyani na kopolo daye dohomala. Liye uhatatilela amwidaninyu olapela na nyo kwi: <Kaatolotcheni.>

Filipo 4:13

Miyo nnowanda irana jengo jatene muwari mwa wenno unadilimbiha.

2 Timoteyo 2:13

Eto hiyo nahakayena nroromelo, liye mbwenye unokalave ororomeleyene. Mwasiwa liye eka kanawanda viruna.

Titu 1:2

muwari mokana yoing'anela ira nnoza nivahiwe ingumi yohomala yenno Mulugu wenno ahananama, alumbenle liye nivaha, romelave wanle ahanapandutche zulu na ilambo ya vati.

Eberewu 6:18

Mulugu wenno ahananama univaha nipangano naye nohotchindjeya na yolumbela yaye yohotchindjeya, ku wonga jengo mbinli johotchindjeya ira hiyo aliba tamangela wa Yesu ira nivuneliwe niwande limbiha kopolo ira nihidedegeve yoing'anela yenno ilumbenle Mulugu ira anivahe.