1 Samuweli 15:24 - Mazu Otchena a Mulungu

²⁴ Evale Sawuli ohowakula eraga: <<Miyo dihitega! Miyo dihiya jadiwandenle Yehova na jadiwandenle nyo, mwasiwa daaova aIzarayeli, miyo irana yenno yawonga atu.

1 Samuweli 15:24 ပူးပေါင်းရင်းမြစ်များ

Jenesesi 3:12

Adawu ohowakula eraga: <<Muhiyana wenne mudivahile nyo ira akalege na miyo, gwenno udivahile yovaha ya mutengole, miyo dja.>>

Jenesesi 3:17

Mulugu eto ohowonga na mulombwana Adawu ira: <<Na mwasa oira uhuvwelela jowonga ja muhiyanawo, we dja yovaha ya mutengo daukondihile miyo ira: <Kudje>, eni teya itembelrelreya na mwasa wawo. Kalawo wawo watene weyo unerege lima mmindani mwa goyi ira ukayegena jodja.

2 Samuweli 12:13

Evale mwene Davi ohomuwongana Nata eraga: <<Miyo dihimutegela Yehova!>> Eto Nata ohowongaga eraga: <<Eto Yehova na liyene uhukurumuwela yotega yawo. Weyo eni kunakwa.

Ezodu 10:16

Mwene Farawu ohaitanihaga Mozeji na Arawu mobaranya aawandelaga eraga: <<Miyo dihimutegela Yehova Mulugu wenyu vamohi na nyo.

Ezodu 23:2

Waaona atu oindjiva kairagana yengo yotakala, we kwaahare ira uiregena yengo imohive yenno inaira atu. Eto kuhidedelege umboni onama moahara atu oindjiva ira ugombihe matongelo a ibaribari.

Ezodu 9:27

Mwa enne Farawu ohomuitaniha mulombwana Mozeji na Arawu, liye awandela eraga: <<Fendo ila miyo dihitega. Yehova unafwanyeya agali otonga mwa ibaribari. Mbwenye miyo na atwaga nili atu abure.

Matewuji 27:4

Agaafwanyile, ohowongaga eraga: <<Miyo dihitega muwari moguliha sangiri na mutu ahategileve!>> Evale aliwa kohowakulaga, aliwa ira: <<Hiyo jejo kaniiziwile. Jejo jawo weka!>>

Galasiya 1:10

Nyo mwadivwa diwongaga eno, kodi nnawonga ira atu kaziveliwege? Nari. Nnawongela eno ira Mulugu aziveliwege. Wanle miyo dali mutu oaziveliwiha atu. Mbwenye peno ahakale difunagave kala mutu oaziveliwiha atu, miyo kadakala muzari wa Kiristu.

Jowandeliwa 21:8

<<Mbwenye aliba ova atene, atu ohororomela, atu otakala, apanga, atu oraruwa, ale analowa, aliba hara amilugu, na aliba nama atene, yotambilra yewa inaza ikale vokediwa ntiyani wewo unahinda munlo na mabwe onuka. Volowa ntiya neno ku wonga ukwa wanembinli.>>

1 Samuweli 15:15

Sawuli ohowakulaga eraga: <<Alombwana aga baawakile aAmaleki ale, aliwa zagana. Aliwa kohotukula japama, mabila apama vamohi na ng'ombe dapama ira kavelele mukuto wa Yehova Mulugu wenyu. Mbwenye hiya ejo, jatene jene nihimala tolotcha.>>

1 Samuweli 15:30

Evale Sawuli ohowongaga eraga: <<Miyo dihitega! Masiki eno nnouvepani ira mudirihede vamentoni va andimuwa a mulogo waga na aIzarayeli atene. Mudihiye dikale vamohi na nyo akoka ira didowege damutamalelegeve Yehova Mulugu wenyu.>>

1 Samuweli 15:9

Sawuli vamohi na alombwanaye kohomuhiya mwene Agagi ule vamohi na anavinyama atene apama romela ng'ombe, mabila, vamohi na ana mabila, ana ng'ombe oruva na jengo jatene japama tchatolotchilege. Mbwenye katolotchilege jengo johokala pama na jengo johokana mabasa bahi.

1 Samuweli 2:29

Nnga mwasiwa gwa nni nyo luluvihaga mikuto daga na jovelela jejo jaurumileni miyo ira muirena, mufunaga nnga jikale jenyu? We mulombwana Eli, kodi mwasiwa gwa nni we atetelaga ahimawo dikwaranya miyo? Kodi mwasiwa gwa nni we viruvihaga vamohi na ahimawo muwari modja japama japama ja mikuto datene nnavelela atwaga aIzarayeli?> >>

1 Samuweli 26:21

Evale Sawuli ohowongaga eraga: <<Na ibaribari mwanaga Davi miyo duhutegela! Mwanaga, kawelela vande na miyo! Miyo kadiza duirela yabure ili yatene, mwasiwa weyo uhuwanda koya ingumi yaga mahiyu anna, we kudipile. Miyo dali nnga zimora mwa joira jaga. Na ibaribari miyo dihiviringaniha!>>