1 Samuweli 15:22 - Mazu Otchena a Mulungu

²² Evale Samuweli ohowongaga, liye ira: <<Kodi na ibaribari weyo unaumbuwela ira Yehova unaziveliwa jovelela mikuto dotumeya hiya vwelela inawonga liye? Uvwe pama, ili yapama nvwelela Yehova hiyaniha no kuta mikuto. Eto vuruwana inawonga liye tchapama hiyaniha no tukula mabila a alombwana oruva velelaga mukuto.

1 Samuweli 15:22 ပူးပေါင်းရင်းမြစ်များ

Jenesesi 4:4

Mbwenye Abeli ohotukula mwa jifuwo jaye, mwanainyama wapama, oroma baliwa, liye pa. Agapile, ohotukula jonuna japama, liye velela wa Yehova. Mwa enne Yehova ohomurumela Abeli na yovelela yaye.

Ezodu 19:5

Mwa eno, mwavwelela mazu anafuna miyo wonga, mwaharihagamo yopangana inafuna miyo uwandelani, munokala mulogo waga osakulreya, mulogo ohiyana na malogo matene. Ineriha ilambo yatene ya vati, mwinnya gu miyo.

Matewuji 12:7

Nyo ahakanlege muiziwa yotapulela ya mazu a Mulugu oira: <Miyo nnafuna tangaranga hiya mikuto.>, kamwaatongege atu ohokana mulandu.

Matewuji 23:23

<<Udilu wa nyo anamafundjiha malamulo na aFarizewu! Nyo angongomwa nyo! Mwasiwa nyo munovelela yanekumi ya jomela jing'onong'ono nnga masirikawu, ndjani, nari pilripilri. Mbwenye munolramwisa matongelo a ibaribari no muwendela nfwawo tangaranga no kana nroromelo, jengo jejo jili jofuneyetchetcha mmalamuloni. Na ibaribari yohofwanela muiragana jeji eto mwahalramwisaga jengo jimohi jiwa joroma ji.

Matewuji 5:24

inafwanela uhiye mukuto wawo ule wewule sogolro wa ibuwa, udowe wababihe teyihana na mbalawo ule ira jejile jimale. Amala we podi wela dowa velela mukutole pama wa Mulugu.

Matewuji 9:13

Mudowe mwafundje pama ira muiziwe yotapulela ya mazu a Mulugu oira: <Miyo nnafuna tangaranga hiya mikuto!> >> Yesu ohowongagave eraga: <<Mwasiwa miyo dizaga mwilamboni, kadizele aitana atu apama, mbwenye dizele aitana atu otega!>>

Markuji 12:33

Nimuziveliwegeni Mulugu na murimihu watene, no onelramo wihu watene, na kopolo dihu datene eto naazivelegeni afwihu amohiwa nnga munavizivela hiyo oka. Tchoira tchapama vwelelaga malamulo menli anna, hiyaniha no zana wa Mulugu jovelela jotumeya jatene na mikuto datene.>>

1 Samuweli 13:12

Noira eno, miyo dohoumbuwela ira aFilistewu anoza Jiligali uno tchineneva ira katatamule kondo eto anoza kadifwanye dahananvepe Yehova. Mwa eno, miyo ona ira inafwanela divelele mukuto otumeya.>>

1 Samuweli 13:13

Evale Samuweli ohomuwandela eraga: <<Weyo uhusakanya ja uvuruvuru. Kufunile harihamo nlamulo na Yehova Mulugu wehu. Ahakanlege uvwelela nlamulo na Yehova, liye ogouhiya ira weyo vamohi na ahimawo, mwaatongege aIzarayeli malambo a mukalakala.