1 Samuweli 15:11 - Mazu Otchena a Mulungu

¹¹ <<Miyo nnokumbanya na mwasa omusakulra Sawuli ira akale mwene. Tchoira liye uhudihiya, uhulramwisa jejo jamuwandenle miyo.>> Samuweli agavwile mazu anne, ohokana kumbanya ulukulu. Mahiyu matene anne ohokalela lobela na mwasa wa jengo jawongile Yehova.

1 Samuweli 15:11 ပူးပေါင်းရင်းမြစ်များ

Jenesesi 6:6

Mwa enne Yehova ohokumbanya ira: <<Dairele nni vale dimusakanyaga mutu, dimuhelaga mwilamboni ya vati?!>> Liye kukumuwaga mmirimani mwaye.

Jenesesi 6:7

Yehova moona ejile, ohowonga ira: <<Nnoatolotcha atu atene daapandutchile miyo ira kahafwanyeye mwilamboni. Roma atu, dowa vinyama, na jomburunuwa jatene, na mbalrame datene nnavava zulu, mwasiwa dapandutchele miyo kadizi.>>

2 Samuweli 24:16

Nomala eno, mungelro otolotcha ule agawongonle muwono waye ira atolotche Jeruzalemu, Yehova eto omuhiyiha mungelrole yabure yafuna liye ira. Liye kwi: <<Ikwakwana! Kakumihawo ndanda nawo.>> Fwanyeya ira ora yenno Mungelro wa Yehova ule afwanyeyaga nimburo nobubudavo jalo na mulombwana Arawuna nkuda Jebuzi.

1 Amwene 11:9

Mwa enne Yehova ohotakaleliwa na Salomawu, mwasiwa liye murimaye oholowa, liye muhiya Mulugu wa aIzarayeli wenno amutwanyuwele fendo mbinli.

1 Koronika 10:13

Fwanyeya Sawuli ohokwa na mwasa omutegela Yehova, tchoira liye kakwakwanelihedile jawongile Yehova. Mwasiwa eto anfuka maliba tapanya na mizimu ira amuwandele yafuna liye ira.

1 Koronika 21:15

Evale Mulugu ohomuruma Mungelro waye ira atolotche sidadi ya Jeruzalemu. Mbwenye mungelro ule afunaga tolotcha, Yehova ohotchindjaga youmbuwela yenne, liye wonga na mungelro otolotcha ule eraga: <<Kahiya, ikwakwana!>> Tempu yenne mungelro ule afwanyeya vakwikwive na nimburo nobubudavo jalo na mulombwana Arawuna nkuda Jebuzi.

Ezodu 32:11

Mbwenye mulombwana Mozeji ohonvepa Yehova Mulugu waye ira: <<Yehova! Kodi mutakaleliwele nni na makalelo ohokala a masika zela mulogo wenyu wa Ana Izarayeli anno mwaakumihile nyo ilambo ya Ijipitu na kopolo dinyu dindimuwa eto na ndanda nenyu na kopolo?

Ezodu 32:14

Evale Yehova ohovwa yovepa yaye, kairilena ubure watene wafuna liye airela atwaye.

Jonasi 3:10

Evale Mulugu agaonne ejile jaira atu, na makalelo kahiyile atu makalelo otakala kanna atu, ohalevelela yabure yenno yafuna liye airela yawongile liye. Mwa enne kairilena.

Jonasi 4:2

Oholobelaga wa Yehova eraga: <<So Yehova, mazu dawongile miyo dagali ilambo ya wanihu kahi anna? Mwasiwa gwenno dafuna miyo jotawela ilambo ya Tarisi. Tchoira miyo dohoiziwa ira nyo muli Mulugu wa sayi eto muli wa tangaranga eto muli odibeliwa takaleliwa eto muhukana zivela ororomeleya eto muli Mulugu olevelela jabure jafuna nyo irana.

Matewuji 24:13

Mbwenye mutu wenno unavilele ante magomelo wa makatamiho anno, unovulumuwa.

Matewuji 5:44

Miyo mbwenye nnauwandelani ira mwaaziveliwege amwidani enyu eto mwaalobelelege atu anne anauharaharani

Lukaji 6:12

Agairile enne Yesu ohodowaga gwela mwangoni ira adowe alobele. Ohomala umahiyu watene alobelaga wa Mulugu.

Eberewu 10:38

Mbwenye mutu wenno uli wapama unokana ingumi mowenda na nroromelo. Eto awelela mundulri, miyo kannakana ziveliwa zela liye.>>

Jozuwe 22:16

<<Mulogo watene wa Yehova kohogumanela, aliwa niruma ira nize niwonge na nyo ira: <Kodi muirele nni jotakala ha jeji vamentoni va Mulugu wa Izarayeli? Kodi murungunuwele nni mmuhiyaga Yehova musakanyaga ibuwa ira mulabe jenyu muwari monkonda Yehova?

1 Samuweli 12:23

Eto zela miyo, kannafuna mutegela Yehova ira nnohiya ulobelelani nyo. Eto miyo nneregeve ufundjihani ndila yapama, ya ibaribari.

1 Samuweli 13:13

Evale Samuweli ohomuwandela eraga: <<Weyo uhusakanya ja uvuruvuru. Kufunile harihamo nlamulo na Yehova Mulugu wehu. Ahakanlege uvwelela nlamulo na Yehova, liye ogouhiya ira weyo vamohi na ahimawo, mwaatongege aIzarayeli malambo a mukalakala.

1 Samuweli 15:10

Evale mazu a Yehova kohozaga wa Samuweli ira:

1 Samuweli 15:3

Nyo muvenye tchineneva mwawane na akuda Amaleki eto mutolotche jatene jinna atu. Mwaafwanya, kamwawendele tangaranga nne kamwaairele yengo yapama. Mwaape alombwana atenene vamohi na ahiyana na ahimiwene, na ahima a mmandani, ng'ombe, mabila, akamelo, na aburu.> >>

1 Samuweli 15:35

Eto Samuweli kawelenle dowa mpanda Sawuli akoka. So mbwenye vakala liye, Samuweli omukumbanya Sawuli. Eto Yehova na liyene ohokumbanya ira: <<Kodi mwasiwa gwa nni diza dimusakulraga Sawuli ira akale mwene wa aIzarayeli?!>>

1 Samuweli 15:9

Sawuli vamohi na alombwanaye kohomuhiya mwene Agagi ule vamohi na anavinyama atene apama romela ng'ombe, mabila, vamohi na ana mabila, ana ng'ombe oruva na jengo jatene japama tchatolotchilege. Mbwenye katolotchilege jengo johokala pama na jengo johokana mabasa bahi.

1 Samuweli 16:1

Evale Yehova ohowongaga na Samuweli eraga: <<Kodi unaza uhiye mukumbanya Sawuli alini, agali miyo dihimala munyanyala ira liye ahakale mwene wa mulogo wa Izarayeli akoka? Uvenye utukule nnyanga, uzalihemo makura, umaruwe udowe sidadi ya Beleme. Wafiya wewo, udowe vande va mulombwana mmohi unaitaniwa Jese. Liye uhumukana mwanaye mmohi wenno dimusakunlre miyo ira akale mwene.>>

1 Samuweli 8:6

Mbwenye aliwa kagawongile ira: <<Nnafuna munivendele mwene ira anitongege!>>, Samuweli kaziveliwile yovepa yewa. Mwa enne ohonvepa Yehova zelru tivi afuna liye iranavo.