1 Samuweli 14:47 - Mazu Otchena a Mulungu

⁴⁷ Sawuli agamanle kala mwene wa aIzarayeli, ohowana na amwidanaye atene owandamelana roma akuda Mowabe, dowa akuda Amoni, akuda Edomu, amwene a Zoba vamohi na aFilistewu. Eto mwatene mwawana liye, ogondjiha.

1 Samuweli 14:47 ပူးပေါင်းရင်းမြစ်များ

Jenesesi 19:37

Mulukuluwa ohombala mwana wa mwanapongwe, liye nvaha nzina na Mowabe. Mowabe gu nikolo na akuda Mowabe anno kaliwove fiyeda siku na peno.

Jenesesi 19:38

Mwana wa ng'onong'ono ule eto na liyene ohombala mwanaye wa mwanapongwe, liye nvaha nzina na Beni-Ami. Beni-Ami gu babi wa nlogo na aAmoni, anno kaliwove fiyeda siku na peno.

Jenesesi 36:1

Ula gu muselu wa nlogo na Ezawu wenno unaitaniwa Edomu.

Jenesesi 36:19

Atene anna kali ahima vamohi na asogolrelri kakumile mwa mulombwana Ezawu wenno unaitaniwa eto na nzina na Edomu.

Jenesesi 36:8

Na mwasa wenne, kohomwalana, mulombwana Ezawu dowa kalaga pandi ya Seyire, wewo wafwanyeya mwango didjindji. (Ezawu mmohive wenne eto oitaniwa na nzina na Edomu.)

2 Samuweli 1:22

Urwa na Jonata nali urwa nopa, novuviha sangiri, noatolotcha andimuwa a kopolo. Eto supada na Sawuli kanaimwananetcha apa amwidanaye.

2 Samuweli 10:6

Evale aAmoni na aliwene kagaonne ira: <<Eni Davi uhunitakaleliwa na makalelo abure zela jejo jaairilena hiyo atwaye>>, kohodowaga agula anyakondo owenda na mendo okwakwana 20.000 a akuda Siriya a ilambo ya Bete-Reyobe na akuda Siriya a Zoba. Eto kohagula alombwana a mwene Maka okwakwana 1.000 na alombwana 12.000 a akuda Tobe.

2 Samuweli 8:15

Mwene Davi oatongetcha aIzarayeli atene. Muwari motonga, otonga mwa ibaribari eto oasogolrelra mokwakwanela atwaye atene.

2 Samuweli 8:3

Eto noira eno, ohodowaga liye wana na mulombwana Hadadezeri, mwana Reyobe, mwene wa Zoba, liye fiyeda mugondjiha. Tempu yenno ali mwene Hadadezeri agadowile ira awombole utongi waye vilambo dafwanyeya wandamelana muhindje Eufarati.

1 Amwene 11:23

Eto Mulugu ohonvenyiha mutu mmohiwa ira akale mwidani mmohiwa wa Salomawu. Wenno ali Rezomi, mwana Eliyada wenno amutawile mbwiyaye Hadadezeri mwene wa sidadi ya Zoba.

2 Amwene 14:27

Mbwenye Yehova kawongile ira: <<Miyo nnafuna ditimihe wene nzina na aIzarayeli ira nahavweye ilambo ya vati.>> Mwa enne Yehova ohavunela muwari mwa mulombwana Jerobowawu, mwana Jeyowasi.

1 Samuweli 12:2

Eni kuma peno mwene dimuhambihile miyo gunakalege sogolro wenyu. Tchoira miyo dihiulula eto nnga munadionela nyo eni dihimala kana mbwi eto ahimaga kali vamohi na nyo. Miyo eto gwausogolrelrani romela uzombweni waga fiyeda peno.

1 Samuweli 13:1

Sawuli agahambihiwe umwene, ohatonga aIzarayeli yaka imohi. Yaka yanembinli yatonga liye,

1 Samuweli 14:46

Evale Sawuli ohiyaga ahara aFilistewu. AFilistewu kohowelelaga mwilamboni muwa.

1 Samuweli 14:52

Mwene Sawuli tonga waye watene amwidanaye aawanetchana liye simbwa ali aFilistewu. Mwa enne aIzarayeli atene kadowa kondoni, Sawuli amuona muIzarayeli mmohi owana pama na kopolo, agali olimba murima, liye omugumaniha na anyakondwaye.

1 Samuweli 21:7

Siku nairaga atu enne, ohokalagavo namalaba mmohi wa mwene Sawuli wenno aitaniwa Dowege. Liye ali nkuda Edomu eto ali musogolrelri wa anamakumbuza a mwene Sawuli. Mwa tempu yenne Dowege ule kawandile kumavo mwasiwa liye ali muwari mokwakwaneliheda sanganiko daye vamentoni va Yehova.