1 Samuweli 14:45 - Mazu Otchena a Mulungu

⁴⁵ Mbwenye anamwindjale kohowakulaga keraga: <<Kajinaireya. Ira mulombwana Jonata wenno uawombonle aIzarayeli akwe, nari, kajinaireya. Hiyo nnawonga vamentoni va Yehova okalawo ira kalivo unafuna moriheda vati nne nsisi naye nimohi. Tchoira jisakanyile Jonata peno ji, jiwandeyile na kopolo da Mulugu.>> Mwa enne anamwindji kohonvunela mulombwana Jonata ira liye ahakwe.

1 Samuweli 14:45 ပူးပေါင်းရင်းမြစ်များ

2 Samuweli 14:11

Noira enne, muhiyanole ohowelela wonga na mwene Davi eraga: <<Miyo so mwene nnouvepani ira nyo munvepe Yehova Mulugu wenyu ira abalaga anno anafuna jomuweliheda kunyakunya mwanaga mmohi wenno umpile mbalaye ule, kahawande irana yenno inafuna atu irana eto mwanaga ahakwe.>> Evale mwene Davi ohomuwakulaga eraga: <<Miyo nnawonga vamentoni va Yehova okalawo ira kalivo unafuna moriheda vati nne nsisi naye nimohi.>>

1 Amwene 1:52

Salomawu agavwile ejile, ohowongaga eraga: <<Liye akala mutu wapama, miyo nnolumbela ira kannamorihediwa vati nne nsisi naye nimohi. Mbwenye mwa liye mufwanyeya ibure, unagomela kwa.>>

Izaiya 13:3

Miyo Mulugu mwinnya gwaarumile atwaga daasakunlre miyo, miyo agumaniha anyakondo aga a kopolo anno anahagalala movitukulela ira kaze kalabe ja uwali waga.

Matewuji 10:30

Fiyeda ante masisi anafwanyeya mmuruni mwinyu, Mulugu umala iziwa indjiva uwa.

Lukaji 21:18

Mbwenye mwa jatene jinafuna nyo ona, nne nsisi ninyu nimohi kaniza nidimela.

Joira ja Anamarumiwa 14:27

Pawulo na Barnabe kagawelenle Antiyokiya wakoka wene, kohogumaniha nikuru na atu omuroromela Yesu, roma awandelagamo jengo jidjindji jaairela Mulugu eto na makalelo Mulugu ahunle liye musuwo ira atu ohokala aJudewu kamuroromele Yesu.

Joira ja Anamarumiwa 15:12

Noira eno, atu atene kohomiyalaga, aliwa roma nvuruwana Barnabe na Pawulo, aliwa roma wongamo jionihedo na jotikiniha jaira Mulugu muwari mwa aliwa muulrendoni mwawenda atu muwari mwa atu ohokala aJudewu.

Joira ja Anamarumiwa 21:19

Nagamanle alondjela atene, Pawulo ohoroma awandelamo jatene jene jairile Mulugu muwari mwa mabasa matene alabile liye muwari mwa atu ohokala aJudewu.

Joira ja Anamarumiwa 27:34

Nona ili pama mudje ira mukayena kopolo. Tchoira mwa hiyo atene, kalivo unaporeya nne dimela nsisi naye nimohi.>>

Roma 15:18

Tchoira kannawonga yengo ili yatene ilabile miyo mwa kopolo daga. Mbwenye nnawonga zela mabasa anno Kiristu alabile liye muwari mwa miyo. Kiristu gudivahile kopolo ira diwande wonga eto diwande irana jionihedo na jotikiniha muwari mwa kopolo da Munemba wa Mulugu. Jotikiniha ejo na jowonga jaga jalaba ira atu ohokala aJudewu kaona, kawande nvwelela Yesu. Muwari molaleya mazu, dihimala mabasa olaleya Muselu Wapama zela Kiristu kuma Jeruzalemu dowa ante ilambo ya Iliriya.

1 Korinto 3:9

Tchoira nyo muli nnga munda wa Mulugu. Hiyo eto nnalaba mmindani mwemo vamohi na Mulugu. Nyo eto muli nnga nyumba ya Mulugu. Hiyo nnamanga vamohi na Mulugu.

2 Korinto 6:1

Nona hiyo muwari molaba vamohi na Mulugu, nnoukokomezani ira mwahawatchele sayi da Mulugu vasayi vene.

Jowandeliwa 17:14

Aliwa anoza kawane kondo na mwana Nibila. Mbwenye mwana Nibila nnoza naagondjihe aliwa, tchoira mwana Nibila gu Nabwiya wa anabwiya atenene eto gu Mwene wa amwene atene. Eto mwana Nibila nnaza naagondjihe agali vamohi na atwaye oitaniwa, anno kasakulriwe, anafwanyeya kagali ororomeleya.>>

Jowandeliwa 19:14

Liye azaga ohokana makuru a anyakondo kamuhara kuma zulu, kagawarile jowara japama josakanyiwa na usalru wapama, jotchena eto jahanna yotakala. Aliwa kafwanyeya kagagwenle kavalo yotchena.

1 Samuweli 11:13

Mbwenye Sawuli ohowongaga eraga: <<Peno kalivo unafuna piwa mwasiwa peno Yehova uhavunela atwaye aIzarayeli.>>

1 Samuweli 14:23

Kowanagave na ndila ante kwaranya ilambo ya Bete-Aveni. Eto Yehova siku nenne ohawombola aIzarayeli mmandani mwa aFilistewu.

1 Samuweli 14:46

Evale Sawuli ohiyaga ahara aFilistewu. AFilistewu kohowelelaga mwilamboni muwa.

1 Samuweli 19:5

Liye ohovilevela kwa, liye dowa wana na nFilistewu ule Goliya fiyeda mpa eto Yehova ohonikamiheda hiyo aIzarayeli atene fiyeda agondjiha aFilistewu na mwasa wa mulombwana Davi. Nyo eto muhuona jatene jejo. Mwagaonne, muhuziveliwa. Nnga mwasiwa gwa nni babani inafunela nyo irana yengo yotega nnga yenno, mufunaga joira mumpe Davi, liye ahautegenleni?>>