1 Samuweli 14:44 - Mazu Otchena a Mulungu

⁴⁴ Evale Sawuli ohowongaga, liye ira: <<Weyo peno unokwa. Nahaupe weyo peno, Mulugu aditonge na makalelo anafuna liye.>>

1 Samuweli 14:44 ပူးပေါင်းရင်းမြစ်များ

Jenesesi 38:24

Vagamanle medi miraru, Juda ohowandeliwa ira: <<Nijalawo Tamari uraruwa fiyeda kana vambani.>> Evale Juda agavwile enne ohowongaga, liye ira: <<Mmudowena unde wa sidadi ira atumeyiwe wewo.>>

2 Samuweli 12:31

Noira enne, ohatukulaga atu atene kali musidadi mule, roma alabihaga na aseroti na apikareta na mbazo no sakanya boloki dotumeya. Ala ali makalelo airilena liye sidadi datene da aAmoni. Noira eno, mwene Davi ohowelelaga Jeruzalemu akoka vamohi na aIzarayeli atene.

2 Samuweli 12:5

Mwa enne mwene Davi ohotakaleliwaga na makalelo ohokala a masika zela maliba rayela ule. Evale ohowongaga na Nata eraga: <<Miyo nnawonga vamentoni va Yehova okalawo ira mutu wenno usakanyile jejo inafwanela apiwe.

2 Samuweli 19:13

Eto noira enne, Davi ohawandelaga anamakuta amohive anne eraga: <<Mudowe eto mwamuwandele mulombwana Amasa muire: <Kodi weyo Amasa kuli makuva aga na maningo aga? Miyo nnolumbela na nzina na Yehova ira weyo unokala musogolrelri mundimuwa wa anyakondo aga kuma peno dowaga sogolro vamalroni va mulombwana Jowabe! Miyo dahairena eno mbwenye Mulugu aditonge na makalelo anafuna liye!> >>

2 Samuweli 3:9

Tchoira Yehova oholumbela voroma vene ira: <Sogolro nnafuna dimuwake Sawuli vamohi na ahimaye umwene waye dinvahede Davi ira atongege aJuda vamohi na aIzarayeli ira Davi atongege ilambo ya Izarayeli yatene kuma ilambo ya Dani fiyeda ilambo ya Beriseba.> Mbwenye jatene jejo jalumbenle Yehova unafuna kwakwaneliheda gu miyo. Miyo peno nnolumbela ira dahauwake umwene unna we, Mulugu aditonge dagali Abineri na makalelo anafuna liye!>>

Anamasogolrelra 11:35

Evale Jefite agamuonne mwanaye ule, ohokawulaga jowara jaye eraga: <<Dihikwa miyo, mwanaga, uhudipa! Kodi mwasiwa gwa nni mwanaga unafunela we kala maliba dizuzumiha? Tchoira miyo dihimala sakanya yolumbela wa Yehova Mulugu eto kavili jowandeya ira diwelihede mundulri yenno ilumbenle miyo!>>

Ruti 1:17

Vevo vinakwele nyo, na miyene nnakwela vevo eto pa vevo vanafuna miyo koyiwa. Miyo damwalana na nyo ahali na mwasa wa ukwa, Yehova aditonge na makalelo anafuna liye!>>

1 Samuweli 14:39

Miyo nnawonga vamentoni va Yehova okalawo, wenno unaawombola aIzarayeli ira mutu wenne utegile, unagomela piwa, masiki akala mwanaga Jonata.>> Mbwenye kalivo awakunlege yengo.

1 Samuweli 25:22

Unde wafiyeda tcha miyo dahaapile alombwana atene a Nabali, Mulugu aditonge na makalelo anafuna liye.>>

1 Samuweli 3:17

Evale Eli ohonfuka ira: <<Kodi Yehova uuwandenle nni mahiyu? Inafwanela udiwandelemo jatene juuwandenle liye tchoira wadikuwa yengo imohi wahadiwandela, Mulugu autonge na makalelo anafuna liye!>>