1 Samuweli 14:2 - Mazu Otchena a Mulungu

² Sawuli tempu yenne afwanyeya Migoromi, wandamelana Jibeya, agagaratile vati va mutengo eni ovaha jovaha japama jairiwa romaya. Sawuli Migoromi wali liye ule afwanyeya vamohi na alombwana okwakwana 600.

1 Samuweli 14:2 ပူးပေါင်းရင်းမြစ်များ

1 Samuweli 14:1

Siku nimohi Jonata mwana Sawuli, ohowongaga na muzombwe wenno atukuletcha fwaramento daye dowanana kondo, liye ira: <<Ndowemo kombela ya ule, vakapamento va anyakondo a aFilistewu, anno anafwanyeya pandi ya ule.>> Mbwenye Jonata awongaga enne, babaye kamuwandenle zela jejo jafuna liye ira.

1 Samuweli 22:6

Siku nimohi kohokalawo alombwana owambiha kavenyilege kadowa kamuwandela Sawuli ira: <<Davi vamohi na ale anawenda na liye anafwanyeya kokola ya Herete!>> Mwa tempu yenne mwene Sawuli awandeliwaga liye mazu anne, afwanyeyaga ilambo ya Jibeya, agali vamutengoni mmohi eni uneriwa tamarga. Eto mwa tempu yenne afwanyeya ogaratene agahidedile mwanango mmandani mwaye. Asogolrelri aye atenene kafwanyeya vamohi na liye.