1 Samuweli 13:7 - Mazu Otchena a Mulungu

⁷ AEberewu amohiwa kohodowa vanalambuwa atu muhindje Jordawu, aliwa lambuwa dowa ilambo ya Gadi na Jileyadi. Mbwenye Sawuli ahanlege Jiligali wewule. Eto atu atene kahanlege na Sawuli kongurumela moova.

1 Samuweli 13:7 ပူးပေါင်းရင်းမြစ်များ

Detoronomiyo 20:8

Asogolrelri ale kawongegeve na atwale ira: <Kodi ukala mulombwana uli eva unaova eto uli okukumuwene mmirimani mwaye? Awelele vande vaye tawiha ira unaze anyungulrutche mirima da afwaye ira kakale nnga liye.>

Detoronomiyo 28:25

Yehova unosakanya ira amwidaninyu kavenya ira kaze kawane na nyo, kaugondjihegeni. Mwera muvenye ira mudowe mwawane, munerege dowa ndila imohive. Mbwenye matawelo a wewule, munerege balaleya muharaga ndila tanu na mbinli. Eto maumwene matene a mwilamboni ya vati kauonani, anokala orendjeyene na mwasa wa makalelo abure munafuna nyo kana.

Detoronomiyo 3:12

Mozeji ohowongagave eraga: <<Mwa tempu yenne hiyo nohogondjiha romela sidadi ya Aroweri, yenno inafwanyeya wandamelana tcherela ya mwana muhindje wa Arinoni vamohi na metadi ya ilambo ya mwango didjindji ya Jileyadi vamohi na sidadi datene dafwanyeya wewule. Mwa enne dohotukula ilambo yatene yenne, miyo avaha atu a nlogo na Rubeni na atu a nlogo na Gadi ira kakalegemo.

Jozuwe 13:11

Eto vilambo diwa dohodowave ante ilambo ya Jileyadi na vilambo dedo wakala aJesuri na aMakate na mwango watene wa Herimoni na ilambo yatene ya Bazani fiyeda Salika.

Jozuwe 13:8

Mbwenye nlogo na Rubeni na nlogo na Gadi na metadi ya nlogo na Manasesi aliwa kohomala tambilra vilambo dewa makumelo wa nzuwa wa muhindje Jordawu, nnga mwemo Mozeji muzari wa Yehova mwaavahele liye.

Anamasogolrelra 7:3

Nona uvenye tchineneva eni, urome awandela atu atene ira: <Mutu wenne unaova eto unangurumela, akumemo mmwangoni mwa Jileyadi munafwanyeya hiyo, adowege vande.> >> Mwa enne mazwale kagafiyile wa aIzarayeli, kohowelaga aIzarayeli okwakwana 22.000, aliwa hala atu 10.000 bahi.

1 Samuweli 13:8

Fwanyeya ira Samuweli ohomuwandelaga Sawuli ira: <<Wadowa, wadidedihe malambo matanu na menli.>> Evale Sawuli ohoroma mudediha Samuweli. Siku nanetanu na mbinli nagakwakwanile, Samuweli alive ahanaze Jiligali ule. Mwa enne atu kohoromaga muhiya mwene Sawuli, aliwa dowaga jiwa.

1 Samuweli 17:11

Evale mwene Sawuli na aIzarayeli atene kagavwile mazu awongaga nFilistewu ule, kohorendjeyaga, aliwa roma kana ova wohokala wa masika.

1 Samuweli 31:7

Noira eno, aIzarayeli kafwanyeya pandi imohiwa ya ndabo vamohi na ale kafwanyeya kombela ya Jordawu, kagavwile ira: <<Afwihu kohotawa eto Sawuli vamohi na ahimayene araru kohokwa!>>, kohiyaga sidadi dewa dakala atu, aliwa tawa dowaga umohi uwa wene. Eto sidadi dahiyilege atu dile, aFilistewu kohodowa, aliwa kalaga mwemule.