1 Samuweli 13:5 - Mazu Otchena a Mulungu

⁵ AFilistewu na aliwene eto kohogumanaga ira kadowe kawane na aIzarayeli. Aliwa kohokana aterelado 30.000 a kondoni, na atu 6.000 aliba wendiha kavalo, vamohi na anyakondo ohokala a masika oindjiva nnga miseva da mutcherelani mwa bara. Aliwa kohogundeya dowaga ante Mikimasi, makumelo wa nzuwa wa sidadi ya Bete-Aveni, aliwa kunga misasa diwa wewule ira kawane na aIzarayeli.

1 Samuweli 13:5 ပူးပေါင်းရင်းမြစ်များ

Jenesesi 22:17

mwa ibaribari miyo nnoureliha eto nnoza daaindjivihe ahimawo a musogolro kakale nnga indjiva wa nyenyedi da zulu eto nnga miseva da mutcherelani mwa bara. Aliwa anoza kagondjihe sidadi da amwidaniwa ira dikale dewa.

2 Samuweli 17:11

Miyo nnouxangihani nyo so mwene. Mwafunaga ira mudowe mwawane na Davi, muvenye nyenne mwaagumanihe aIzarayeli atene romela ilambo ya Dani ante ilambo ya Beriseba, muwande agumaniha atu oindjiva nnga miseva da mutcherelani mwa bara eto na nyenne mudowe kondoni.

1 Amwene 20:27

Eto Ana Izarayeli na aliwene anyakondo ewa kohogumanela eto kohomalaga tambilra jodja jiwa, aliwa maruwa dowaga ira kawane na akuda Siriya ale. AIzarayeli ale kagamaruwile, kadowilege kunga misasa diwa sogolro wa akuda Siriya ale kalaga nnga makuru menli mang'onong'onove a mbuzi. Mbwenye akuda Siriya ale kohozalaga ilambo yatene na mwasa oindjiva.

Izaiya 10:28

Akuda Asiriya anoza kafiye Ayati. Kaxolre ante Migoromi. Kadowe kakoyihe mitolro diwa Mikimasi.

Izaiya 48:19

Ahimawo kogoindjiva nnga miseva eto vizulu dawo dogokala nnga tumbulru. Mazina ewa tchaza kakumihiwavo eto tchaza katimihiwa kala no kala vamentoni vaga.>>

Roma 9:27

Mbwenye zela Ana Izarayeli, namafiyiheda Izaiya ohokuwa ira: <<Masiki aIzarayeli kaindjive nnga miseva da mutcherelani mwa bara, anafuna za vulusiwa ba atu ohala a vang'ono.

Jozuwe 11:4

Atene anne kagavwile milanyo dile, kohovenyihanaga na anyakondo ewa ohokala a masika, oindjiva nnga miseva da mutcherelani mwa bara. Eto kohokana kavalo didjindji na aaterelado ohokala a masika a kondoni.

Jozuwe 18:12

Pandi ya norti madilriwa karomile muhindje Jordawu, aliwa gwelagave dowaga pandi ya norti ya sidadi ya Jeriko. Gwelagave ilambo ya mmwangoni dowagave mavirelo wa nzuwa fiyeda isalesale ya Bete-Aveni.

Jozuwe 7:2

Siku nimohi Jozuwe oharuma alombwana angasi angasi ira kakume Jeriko wewo wafwanyeya atu, kadowe kawendelele sidadi ya Ayi inafwanyeya wandamelana Bete-Aveni pandi ya makumelo wa nzuwa wa sidadi ya Beteli. Evale alombwanale kohomaruwaga, aliwa dowa iwendelela sidadi ya Ayi ile.

Anamasogolrelra 7:12

Fwanyeya ira mwa tempu yenne akuda Midiyani na aAmaleki vamohi na atu atene a makumelo wa nzuwa kohomalaga zala mudaboni nnga miserebo. Eto akamelo ewa kali oindjivetchetcha ohowanda kontareya nnga miseva da mutcherelani mwa bara.

1 Samuweli 13:11

Mbwenye Samuweli ohonfukaga eraga: <<Usakanyile nni?>> Sawuli ohomuwakula, liye ira: <<Miyo daonne atu kadihiyaga, eto na nyenne daona nnga kamunazawo nnga mwemo mwawongele nyo eto ing'ana aFilistewu kohomala gumana ilambo ya Mikimasi.

1 Samuweli 13:2

ohasakulramo alombwana okwakwana 3.000 muwari mwa aIzarayeli. Muwari mwa alombwana 3.000 aasakunlre liye ale, ohatukulaga 2.000, liye adowagana ira kakale na liye sidadi ya Mikimasi, yenno inafwanyeya ilambo ya mmwangoni ya Beteli. Alombwana amohiwa 1.000, liye ahiya na mwanaye Jonata sidadi ya Jibeya, ilambo yakala nlogo na Benjami. Atu atene amohiwa ohala ale, liye aruma aliwa dowaga mmavande mwiwa.

1 Samuweli 14:23

Kowanagave na ndila ante kwaranya ilambo ya Bete-Aveni. Eto Yehova siku nenne ohawombola aIzarayeli mmandani mwa aFilistewu.

1 Samuweli 14:52

Mwene Sawuli tonga waye watene amwidanaye aawanetchana liye simbwa ali aFilistewu. Mwa enne aIzarayeli atene kadowa kondoni, Sawuli amuona muIzarayeli mmohi owana pama na kopolo, agali olimba murima, liye omugumaniha na anyakondwaye.

1 Samuweli 17:1

Mwa tempu yenne aFilistewu kohomaruwaga ira kadowe kawane kondo na aIzarayeli. Aliwa kohodowaga gumana Soko, sidadi imohi ya Juda. Kagagumanne, kohodowa manga misasa diwa nimburo nimohi eni naitaniwa Efesi-Damini, wu ilambo ya Azeka, wu ilambo ya Soko vari viwa.

1 Samuweli 7:13

Mwa enne aFilistewu kohogondjihiwa eto tchawelenle volowa ilambo ya aIzarayeli ira kaawake jengo jiwa. Tchoira Yehova ohela ndanda ira aFilistewu kahawande kana kopolo yaka datene datonga Samuweli.