1 Samuweli 12:2 - Mazu Otchena a Mulungu

² Eni kuma peno mwene dimuhambihile miyo gunakalege sogolro wenyu. Tchoira miyo dihiulula eto nnga munadionela nyo eni dihimala kana mbwi eto ahimaga kali vamohi na nyo. Miyo eto gwausogolrelrani romela uzombweni waga fiyeda peno.

1 Samuweli 12:2 ပူးပေါင်းရင်းမြစ်များ

2 Timoteyo 4:6

Ira diwonge eno, miyo dihiiziwa ira ingumi yaga inafuna imale, inafuna ikutuliwe nnga yovelela ya jong'wa. Ora yaga inafuna miyo venyavo ihimala fiya.

Jozuwe 23:1

Yehova ohavaha aIzarayeli vuma zela amwidaniwa atene anno kaawandamannena atu. Dohovira yaka didjindji eto mulombwana Jozuwe ohomala ulula, liye kana yaka didjindji.

Jozuwe 23:2

Evale Jozuwe ohaitaniha mulogo watene wa aIzarayeli vamohi na andimuwa, asogolrelri, anamatonga vamohi na andimuwa amohiwa. Kagazile, Jozuwe ohowongaga eraga: <<Miyo dihimala ulula, dihikana yaka didjindji.

2 Peduru 1:14

Mwasiwa Nabwiya wehu Yesu Kiristu udiwandela mohokayikela ira: <<Weyo tchineneva unowungula maningwawo.>>

1 Samuweli 2:22

Mulombwana Eli ohomala ulula. Liye owandeliwetcha jabure jatene jaira ahimaye kaairelaga aIzarayeli. Eto owandeliwetcha zela makalelo kairetcha ahimaye agonihaga anamwali kalaba va mulango va Musasa Ogumanamo.

1 Samuweli 2:29

Nnga mwasiwa gwa nni nyo luluvihaga mikuto daga na jovelela jejo jaurumileni miyo ira muirena, mufunaga nnga jikale jenyu? We mulombwana Eli, kodi mwasiwa gwa nni we atetelaga ahimawo dikwaranya miyo? Kodi mwasiwa gwa nni we viruvihaga vamohi na ahimawo muwari modja japama japama ja mikuto datene nnavelela atwaga aIzarayeli?> >>

1 Samuweli 3:10

Samuweli agadowile gonanti, Yehova ohozaga liye imela, roma muitana akoka eraga: <<Samuweli! Samuweli!>> Liye ohowakulaga eraga: <<Kawongani Yehova! Miyo namalaba wenyu dili vano, nnavuruwana!>>

1 Samuweli 3:13

Miyo dihimala muwandela mulombwana Eli ira nnafuna daatonge atu a muibalini mwaye kala no kala. Mwasiwa ahimaye kohodiluluviha miyo vano eto babiwa Eli agaiziwileve ira miyo nnoatonga, kafunne ahiyiha.

1 Samuweli 3:16

Mbwenye Eli ohomuitanaga Samuweli, liye ira: <<Mwanaga Samuweli!>> Liye ohomurumelaga, liye ira: <<Gu miyo vano.>>

1 Samuweli 8:1

Samuweli agaulunle, ohatukula ahimaye a anapongwe, liye ahambiha ira kaatongege aIzarayeli.

1 Samuweli 8:20

Hiyo nnafuna nikale nnga atu a vilambo dimohi diwa. Mwene wenno nnafuna hiyo mukana gunanitongege, anisogolrelrege mukondoni eto awanege na amwidanihu.>>

1 Samuweli 8:3

Evale ahimaye ale kagaromile atonga aIzarayeli, aliwa tchatonga na makalelo nnga atonga babiwa Samuweli. Aliwa katongaga, kaziveliwa kobiri. Aliwa kafunetcha watchela kunya bahi eto tchatonga muibaribarini muwa.

1 Samuweli 8:5

Kaganfwanyile, kohomuwandela keraga: <<Kaing'anani! Nyo eni muhumala ulula eto ahiminyu kinawenda na ndila dapama dawendetchana nyo. Na mwasa wenno hiyo nnafuna ira munivendele mwene ira anitongege na makalelo nnga jinaireya vilambo dimohi diwa da afwihu.>>