1 Samuweli 11:11 - Mazu Otchena a Mulungu

¹¹ Mmetcheloni muwa unde wahanatche pama, mulombwana Sawuli ohagawa alombwana anna liye makuru mararu. Unde utchaga aliwa kohovenyihanaga, aliwa dowa vamisasani vevo vakala aAmoni, aliwa roma wana. Ante fiyeda ora ya ntana kohomalaga apa akuda Amoni adjindjene. Mbwenye ale kavuluwile kahapiwa kohomwadeyaga kada mutu ayaga waye wene, aliwa tawa.

1 Samuweli 11:11 ပူးပေါင်းရင်းမြစ်များ

Jenesesi 22:14

Noira enne, Abarahamu ohovaha nimburo nenne nzina noira: <<Yehova gunasaka.>> Nona iwongiwagave ante peno ira: <<Vamwangoni va Yehova vinosakeliwa.>>

2 Samuweli 18:2

Anyakondo atene aagawile makuru mararu. Nikuru nimohi musogolrelriwa ali mulombwana Jowabe. Nikuru nanembinli musogolrelriwa ali mulombwana Abizayi mwana Zeruwiya wenno eto ali Jowabe mbalaye. Nikuru nogomiheda, musogolrelriwa ali mulombwana Itayi, wenno ali nkuda Gate. Eto noira enne, Davi ohawandelaga atwaye atene eraga: <<Miyo nnafuna didowe vamohi na nyo kondoni!>>

Ezodu 14:24

Unde ufunaga tcha, Yehova mwali liye muwari mwa murambo vamohi na munlo oimela nnga nimbozo mule, agaonne ira aIjipitu kohofiya vari, ohoroma arendjetcha,

Matewuji 7:2

Mwasiwa makalelo anafuna nyo atongana afwinyu, ba makalelo anafuna nyo za tongiwana. Eto mpimo wenno munaapimelana nyo afwinyu, Mulugu unaza aupimelenani mpimo mmohive wenno.

Tiyagu 2:13

Tchoira wenno ahanawanda muwendela nfwaye tangaranga, Mulugu amutongaga, kaza amuwendela tangaranga. Tchoira tangaranga nnogondjiha tongiwa.

Anamasogolrelra 1:7

Noira enne Adoni-Bezeki ohowongaga eraga: <<Kohokalawo amwene 70 anno kagwadiwile vigonondo diwa da manda vamohi na da manyalo kakaletcha vande vaga kadodelaga jinyenyeri jamorela vati va meza yaga. Peno Mulugu unaditambilriha zela jejo jaairele miyo.>> Noira enne kohomutukula mulombwana Adoni-Bezeki, aliwa mudowana Jeruzalemu. Evale ohokwa wewule.

Anamasogolrelra 4:16

Evale Baraki ohoromaga ahara alombwana kawendiha aaterelado ale vamohi na anyakondo atene a Sizera ante Harozeti-Hagoyimi. Mwa enne aIzarayeli kohapaga anyakondo atene a Sizera na masupada, nne mutu mmohi kahanle.

Anamasogolrelra 7:16

Mwa enne ohagawaga alombwana 300 ale makuru mararu. Eto kada mutu ohonvaha palraza na yombwe mohokala yengo. Evale kohotukula mendje dohinda, aliwa volotchiha muwari mwa jombwe jiwa.

Anamasogolrelra 7:20

Mwa enne makuru amararwene kohoimbaga palraza diwa eto kohotwaga jombwe jiwa. Evale mmandani mwiwa muwononi oromana kafwanyeya kagahidedile mendje dohinda da munlo dile eto ndanda na muwononi odjana kafwanyeya kagahidedile palraza diwa dedo daimba atu. Evale kokuwaga keraga: <<Supada na Yehova vamohi na Jideyawu!>>

Anamasogolrelra 9:43

Evale Abimeleki ohatukulaga atwaye, liye agawa makuru mararu. Kohomaruwaga aliwa dowa vitala mmindani mule. Evale aliwa kagamanle vitala, kagaing'anne, kohaonaga atu kakumaga musidadi mule. Mwa enne aliwa kohovenyaga mwemo mwavitanlege atu mule, aliwa mala apa atwale.

1 Samuweli 11:2

Mbwenye mulombwana Nasi nkuda Amoni ohowongaga eraga: <<Miyo ira disakanye yopangana na nyo, malringana murumele yenno inafuna miyo wonga. Miyo nnafuna didule niso na muwononi odjana na kada mutu muwari moyeviha mulogo watene wa aIzarayeli. Mwarumela yenno iwongile miyo, pinafuna miyo sakanya nipangano na nyo.>>

1 Samuweli 14:47

Sawuli agamanle kala mwene wa aIzarayeli, ohowana na amwidanaye atene owandamelana roma akuda Mowabe, dowa akuda Amoni, akuda Edomu, amwene a Zoba vamohi na aFilistewu. Eto mwatene mwawana liye, ogondjiha.