1 Samuweli 10:3 - Mazu Otchena a Mulungu

³ Jagamanle ireya eno, ionihedo yowelela, wagadowile sogolro, wafiya vamutengoni va karvaliyo unafwanyeya ilambo ya Tabori, unoafwanya alombwana araru anno anadowa ilambo ya Beteli ira kavelele mukuto wa Mulugu. Mulombwana mmohi utukunle mbuzi taru ding'onong'ono, mulombwana mmohiwa utukunle pawu taru, mulombwana waneraru utukunle tembe munafwanyeya vinyu.

1 Samuweli 10:3 ပူးပေါင်းရင်းမြစ်များ

Jenesesi 28:19

Mwa enne Jako ohovaha nimburo nenne nzina na Beteli [ku wonga vande va Mulugu] agali wanle sidadi yenne yaitaniwa Luji.

Jenesesi 28:22

Nibwe neni nnaimeliha miyo nnga nimbozo ni, nnafuna nikale nnga Nyumba ya Mulugu ira dutamalelegeni eva eto divelelege veva yanekumi ya jatene jinadivahege nyo.>>

Jenesesi 35:1

Jagaireyile enne Mulugu ohomuwandela Jako eraga: <<Venya udowe wakalege Beteli, wasakanyede ibuwa ya mukuto wa Mulugu wenno autwanyuwele tempu wamutawa we mbalawo Ezawu.>>

Jenesesi 35:3

Nivenyemo mwilamboni muno, nidowe Beteli. Tchoira miyo nnafuna dasakanyede ibuwa ya mukuto wa Mulugu wenno udikamihedile tempu yasimela miyo eto unafwanyeyave na miyo movira mwaga mwatene.>>

Jozuwe 19:12

Madilre ewa kakumile Saride, aliwa haraga makumelo wa nzuwa ante wandamelana Kisoloti-Tabori eto kohovira Daberati kagwelaga ante fiya Jafiya.

Jozuwe 19:22

Madilriwa kohofiya ante Tabori, Sazima na Bete-Semeji, ante dowa gomela muhindje Jordawu. Gumaniha sidadi datene dali 16 vamohi na tatamo diwa dene.

Anamasogolrelra 20:18

Mwa enne aIzarayeli ale kohomaruwaga, aliwa dowa Beteli. Eto kohonfukaga Mulugu aliwa ira: <<Kodi muwari mwa hiyo bani unafuna kala murandji ira awane na akuda Benjami?>> Evale Yehova ohawakula, liye ira: <<AJuda banafuna kala arandji dowa wana.>>

Anamasogolrelra 20:23

Evale aIzarayeli kohodowaga, aliwa roma nla vamentoni va Yehova roma mabebehi ante tchiguwo keraga: <<Yehova, kodi hiyo podi welela ira nawane akoka na abalihu akuda Benjami?>> Evale Yehova ohawakula ira: <<Kadowani mwawane na aliwa.>>

Anamasogolrelra 20:27

Evale aIzarayeli kohonfukaga Yehova, (tchoira malambo anne Kaxa ya Yopangana ya Mulugu yafwanyeya Beteli wewule.

Anamasogolrelra 4:12

Mwa enne mulombwana Sizera ohowandeliwa ira: <<Eni Baraki mwana Abinowawu uhudowa mwangoni wa Tabori.>>

Anamasogolrelra 4:6

Siku nimohi liye ohomuitaniha mulombwana Baraki mwana Abinowawu wa ilambo ya Kedeji mwilamboni mwa Nafitali. Agazile, ohomuwandela liye ira: <<Yehova Mulugu wa Izarayeli unawonga ira: <Udowe waagumanihe alombwana 10.000 a nlogo na Nafitali na nlogo na Zebuloni, mumaruwe mudowe ante mwango Tabori.

Anamasogolrelra 8:18

Noira eno, ohomuwandelaga mwene Zeba na mwene Salimuna, liye ira: <<Kodi alombwana mwaapile nyo sidadi ya Tabori kali a makalelo bavi?>> Aliwa kohowakulaga keraga: <<Kali olingana na weyo. Kada mutu ali olingana na mwana mwene.>>

1 Samuweli 10:4

Waafwanya, aliwa anoulondjela eto anouvaha pawu mbinli. Eto kauvaha, inafwanela uwatchele pawu dile.