1 Samuweli 10:25 - Mazu Otchena a Mulungu

²⁵ Nomala eno, Samuweli ohawandelagamo jatene jafuna atu muirelaga mwene na jejo mwene jafuna liye airelaga aliwa. Nomala oholrembaga jatene ejo mulivuruni, liye tukula livuru nne dowa hela vamentoni va Yehova. Noira eno, Samuweli ohabalaletcha atu atene, aliwa dowaga mmavande mwiwa.

1 Samuweli 10:25 ပူးပေါင်းရင်းမြစ်များ

2 Amwene 11:17

Noira enne, namakuta Joyada ule ohosakanyaga yopangana vamentoni va Yehova ira atu atene vamohi na mwene ule kakale atu a Yehova. Eto ohosakanya yopangana yoawandaniha atwale vamohi na mwene ule.

Detoronomiyo 31:26

<<Mutukule livuru munafwanyeya malamulo ni, mukoye wandamelana Kaxa ya Yopangana ya Yehova Mulugu wenyu ira livuru ni nikale umboni zela joira jenyu jatene.

1 Timoteyo 2:2

Eto muwandege alobelela amwene na anamatonga atene okana izo ira kawandege nivaha tempu ira niwendege mwilamboni ya vati pama na murendele, mopwaseya, moirana jofuna ja Mulugu, mokana makalelo ofwanela muwari mwa jatene.

Titu 3:1

Inafwanela waawumbutchede atu omuroromela Yesu ira kawande rumela tongiwa na andimuwa na anamasogolrelra a mwilamboni ya vati, kakale oavwelela eto kaona yengo yofwanela ira mutu airena, kakale okozeyene ira kairegena.

Jozuwe 22:6

Nomala eno, Jozuwe ohareliha, nomala areliha, ohalanyaga. Mwa enne atwale kohowelela mmisasani mwewa.

1 Samuweli 11:14

Evale Samuweli ohowongaga na atu atene eraga: <<Nivenyeni niyeni Jiligali ira namuhambiheni pama pama Sawuli ira akaleve mwene wehu.>>

1 Samuweli 8:9

Mwa eno, weyo inafwanela uvwelele jatene jinauvepe atu. So mbwenye inafwanela uvayele awandela makalelo orutcha anafuna tongaga mwene wenno unafuna atongaga.>>