1 Samuweli 10:24 - Mazu Otchena a Mulungu

²⁴ Mwa enne Samuweli ohowonga na atu atene eraga: <<Wenna gu mulombwana wenno Yehova umusakunlre liye! Muwari mwa hiyo kalimo mulombwana okwakwanela na liye.>> Evale atu atene kohokuwaga keraga: <<Mwene oye! Oye!>>

1 Samuweli 10:24 ပူးပေါင်းရင်းမြစ်များ

2 Samuweli 16:16

Evale nkuda Ariki, Davi nfwaye aitaniwa Huzayi wenno amurumile liye ule, agangumannena mulombwana Abisalawu ohoromaga kuwa eraga: <<Mwene oye! Mwene oye!>>

1 Amwene 1:21

Mbwiyeni so mwene, mwahawonge yengo, nyo mwafiyeda kwa mudowa mwavuma na makolo enyu, miyo na mwanaga Salomawu nnaoneyege nnga amwidani a Adoniya.>>

1 Amwene 1:25

Tchoira peno eva eni liye uhudowa velela mikuto didjindji dene, ng'ombe na ana ng'ombe oruva na mabila eto waaitanne ahiminyu, na asogolrelri enyu a anyakondo na namakuta Abiyatare. Eni aliwa anadja eto anang'wa vamentoni vaye kawongaga keraga: <Mwene Adoniya oye! Oye!>

1 Amwene 1:34

Mwadowa, namakuta Zadoki na namafiyiheda Nata kamuhambihe ira akale mwene wa aIzarayeli. Mwagamanle muhambiha, muimbe palraza, mukuwe muire: <Mwene Salomawu oye!>

1 Amwene 1:39

Evale namakuta Zadoki ohovolowa mmusasani mwa Yehova, liye tukula nnyanga mwafwanyeya makura, liye mukutulela mulombwana Salomawu. Noira enne, kohoimbaga palraza, evale atene kohokuwaga keraga: <<Mwene Salomawu oye!>>

2 Amwene 11:12

Noira enne, namakuta ule ohomukumihaga mwana mwene ule, aliwa muwariha tchapowa wa umwene, aliwa nvaha Livuru na Malamulo, aliwa muhambiha umwene. Noira eno, kohoromaga kuwa kaimbaga manda keraga: <<Mwene oye! Oye!>>

Matewuji 21:9

Mwa enne anamwindji atene romela ale kaligi sogolro vamohi na ale kaligi mundulri, kokuwaga keraga: <<Hozana mwana Davi! Orelihiwa gu Mwene wenno unaza na nzina na Nabwiya! Hozana Mulugu Okwaranya Jatene!>>

Detoronomiyo 17:15

mmuhambihege mutu wenne Yehova Mulugu wenyu unamusakulre liye. Mutuwa akalege okumela munlogoni mwenyu, muwari mwa abalinyu. Mbwenye kavikale wandeya muhambiha umwene mutu oza ohokala wa nlogo nenyu, wenno ahali mbalinyu.

1 Samuweli 11:15

Evale atenene kohovenyihanaga, aliwa dowa Jiligali. Kagadowile wewule kohomuhambiha pama pama mulombwana Sawuli ira akaleve mwene wewa vamentoni va Yehova. Nomala eno, kohokutaga jovelela ja murendele vamentoni va Yehova eto Sawuli vamohi na atu atene a Izarayeli kohoteyela valukulu zela jatene jaireyile.

1 Samuweli 12:1

Samuweli ohowongaga na aIzarayeli atene eraga: <<Miyo dihivwa yovepa yenyu, mudivepaga ira: <Nnanfuna mwene.> Dagavwile, duhuvahani mwene.

1 Samuweli 12:13

<<Mwene mwamusakunlre nyo ula. Nyo mohonvepa Yehova eto eni uhuuvahani mwene ira autongegeni.

1 Samuweli 9:2

Liye ohomukana mwanaye mmohi oriya aitaniwa Sawuli. Muwari mwa Ana Izarayeli atene kaalimo mutu oriya olingana na muzombwe Sawuli. Liye eto ali muzombwe olapetchetcha akwaranya atu atene. Liye aimela vari va atu atenene, atu atene kamugomela mmafudini.