1 Samuweli 10:23 - Mazu Otchena a Mulungu

²³ Evale aliwa kohotamangaga, aliwa dowa mulanda mulombwana Sawuli, aliwa muzana. Fwanyeya ira liye ali mulombwana olapa bure akwaranya atenene. Liye aimela, atenene kamugomela mmafudini.

1 Samuweli 10:23 ပူးပေါင်းရင်းမြစ်များ

Jenesesi 3:24

Agamutamangihile mutule amuhela unde wa Munda, ohahela makumelo wa nzuwa wa mundole angelro aneriwa akerubi eto ohelawo supada nokana munlo neno narungunuwa pandi datene na makalelo owopiha. Yehova airelena eno ira jiing'anelege ndila yodowa wewule wafwanyeya Mutengo Ovaha Ingumi.

1 Samuweli 16:7

Mbwenye Yehova ohowongaga na Samuweli eraga: <<Weyo kuing'ane baleya wa mutu, nne ulukula wa mutu. Miyo wenno kadinfunile mwasiwa miyo kannaing'ana nnga makalelo anaing'ana atu. Tchoira atu anaing'ana makalelo a mutu, mbwenye miyo dagali Yehova nnaing'ana mmirimani mwa mutu.>>

1 Samuweli 17:4

Mwa enne ohokalagawo munyakondo mmohi wa kopolo akumilege vakapamentoni va aFilistewu vale wenno aitaniwa Goliya. Waniwa ali ilambo ya Gate. Liye ali mulombwana olapa okwakwana mameturu mararu.

1 Samuweli 9:1

Ohokalawo mulombwana mmohi wa nlogo na Benjami, wenno aitaniwa Kixi. Kixi ule babaye ali Abiyeli, Abiyeli ali mwana Zerori, Zerori ali mwana Bekorati, Bekorati ali mwana Afiya. Mulombwana Kixi ule ali orayela eto ovweya.

1 Samuweli 9:2

Liye ohomukana mwanaye mmohi oriya aitaniwa Sawuli. Muwari mwa Ana Izarayeli atene kaalimo mutu oriya olingana na muzombwe Sawuli. Liye eto ali muzombwe olapetchetcha akwaranya atu atene. Liye aimela vari va atu atenene, atu atene kamugomela mmafudini.