1 Samuweli 10:19 - Mazu Otchena a Mulungu

¹⁹ Mbwenye nyo peno muhumuruna Mulugu wenyu mmohive wenno unauwombolani muwari mwa makani enyu matene na makatamiho enyu matene. Muruna uwa, nyo muhuwonga na Mulugu ira: <Hiyo nnafuna munivahe mwene.> Tempu tchenna ira mugumane nyo mwatene vamentoni va Yehova. Mwazaga, mukale ogaweya malogo malogo eto kada nlogo nizege nikuru nikuru.>>

1 Samuweli 10:19 ပူးပေါင်းရင်းမြစ်များ

Detoronomiyo 17:14

<<Mwavolowa ilambo yenno inafuna uvahani Yehova Mulugu wenyu, mwamala itukula, mwaroma kalamo, mwafunaga joira: <Nnafuna nimukayena mwene nnga jiirile malogo matene kaniwandamenle>,

Jozuwe 24:1

Evale mulombwana Jozuwe ohaitanihaga malogo matene a aIzarayeli, aliwa dowa gumana sidadi ya Sikemu. Liye eto ohaitaniha andimuwa, asogolrelri, anamatonga vamohi na andimuwa amohiwa a aIzarayeli. Evale atu atene aaitanihile liye kohozaga vamentoni va Mulugu.

Anamasogolrelra 8:23

Mbwenye mulombwana Jideyawu ohawandelaga eraga: <<Miyo kannarumela ira dutongegeni nyo, nne masiki mwanaga kanautongegeni! So mbwenye unafuna utongagani gu Yehova bahi.>>

1 Samuweli 10:20

Noira eno, Samuweli ohaitanaga malogo matene ira kaze vevale. Kagazile, kohosakanyaga jogu ya ngari. Evale ngari yagwenle nlogo na Benjami.

1 Samuweli 12:12

Eto mwagamuonne mulombwana Nasi mwene wa aAmoni afunaga za ira awane na nyo, nyo mohodiwongana ira: <Ii, nari. Hiyo nnafuna munivendele mwene ira anitongege!> Agali tempu yenno mwene wenyu autongani ali Yehova Mulugu wenyu.>>

1 Samuweli 14:23

Kowanagave na ndila ante kwaranya ilambo ya Bete-Aveni. Eto Yehova siku nenne ohawombola aIzarayeli mmandani mwa aFilistewu.

1 Samuweli 14:38

Mwa enne Sawuli ohowongaga eraga: <<Nyo asogolrelri atene a aIzarayeli ndoweni nigumane ira nione kodi yotega tchivi isakanyiwe peno.

1 Samuweli 3:21

Noira eno, Yehova omutwanyuweletchave mulombwana Samuweli ilambo ya Silo yakaletcha liye ile. Mwa enne Yehova owonga jengo na Samuweli, Samuweli dowa awandelaga aIzarayeli atene.

1 Samuweli 4:1

Mwa malambo anne aIzarayeli kohovenyaga ira kadowe kawane na aFilistewu. AIzarayeli misasa diwa kohomangaga Ebenezeri, aFilistewu misasa dewa aliwa manga Afeki.

1 Samuweli 8:19

Evale atwale kagavwile jawonga Samuweli jile, aliwa tchabanlre. Mofutukula kohowakula, aliwa ira: <<Nari! Hiyo nnafuna nimukayena mwene.

1 Samuweli 8:5

Kaganfwanyile, kohomuwandela keraga: <<Kaing'anani! Nyo eni muhumala ulula eto ahiminyu kinawenda na ndila dapama dawendetchana nyo. Na mwasa wenno hiyo nnafuna ira munivendele mwene ira anitongege na makalelo nnga jinaireya vilambo dimohi diwa da afwihu.>>