1 Samuweli 10:1 - Mazu Otchena a Mulungu

¹ Tempu yenne Samuweli ohotukulaga garafwa mwemo mwali makura, liye mukutulela mulombwana Sawuli vamuru, liye mbejari. Eto ohomuwandelaga, liye ira: <<Yehova gunauhambiha weyo peno va ira ukale mwene wa atwaye Ana Izarayeli. Weyo unerege atonga atu a Yehova eto unerege avunela mmandani mwa amwidaniwa atene. Jikalawo jitonyihedo taru jinafuna we ona jooniheda ira Yehova uhuuhambiha ira ukale mwene wa atwaye.

1 Samuweli 10:1 ပူးပေါင်းရင်းမြစ်များ

2 Samuweli 1:14

Evale Davi ohowelelave nfuka eraga: <<Kodi weyo uwandile avi tukula ndanda nawo we mpana mulombwana wenno uhambihiwe na Yehova?>>

2 Samuweli 19:39

Evale atu atene kagamanle lambuwa muhindje Jordawu eto mwene Davi agalambuwile, ohombejarigi mulombwana Barizilayi eto ohomurelihaga. Noira eno, mulombwana Barizilayi ohowelelaga waniwa.

2 Samuweli 20:19

Eto miyo dili mutu ofuna murendele eto dili mutu ororomeleya munlogoni mwa Izarayeli! Nyo munafuna mutolotche sidadi imohi yororomeleya inafwanyeya muwari mwa Izarayeli. Nnga kodi mwasiwa gwa nni nyo funaga jogudjula ilambo ya Yehova?>>

2 Samuweli 5:2

Hiya yennove, wanle Sawuli ahanakwe, agali mwene wehu, gu nyenne aasogolrelretcha anyakondo a Izarayeli kadowaga kondoni nari kakumaga kondoni. Eto nyo mohowandeliwa na Yehova Mulugu ira: <Sogolro weyo unoza waakumbuzege atwaga aIzarayeli eto unokala musogolrelri wewa.> >>

1 Amwene 1:34

Mwadowa, namakuta Zadoki na namafiyiheda Nata kamuhambihe ira akale mwene wa aIzarayeli. Mwagamanle muhambiha, muimbe palraza, mukuwe muire: <Mwene Salomawu oye!>

1 Amwene 19:18

Eto miyo dahakoya ilambo ya Izarayeli atwaga okwakwana 7.000 anno kahavindile mabodo ewa kamukokorela Baali eto nne aliwa mulomo wewa kabejarile ikwamutu yosema ya Baali.>>

2 Amwene 20:5

<<Uwele, udowe wamuwandele Ezekiya, musogolrelri wa atwaga ira: <Yehova Mulugu wa mbwiyawo Davi unawonga ira: <<Dihivwa lobela wawo eto dihiona misodi dawo. Mwa eno, nnouvulumutcha. Ndawiyavano unodowa Nyumba ya Yehova.

2 Amwene 9:1

Namafiyiheda Elizewu ohomuitanaga muzombwe mmohi muwari mwa asempuru a anamafiyiheda, liye muwandela eraga: <<Kakozeya, utukule mwana garafwa na makura ni, udowe sidadi ya Ramote-Jileyadi.

2 Amwene 9:12

Mbwenye afwaye ale kohomuwakulaga keraga: <<Nari, weyo unanama. Kaniwandele jejo jazele liye uwandela.>> Evale Jewu ohowongagamo jatene, aawandelaga eraga: <<Liye udiwandenle ira: <Yehova unawonga ira: <<Nnauhambiha ira ukale mwene wa Izarayeli.>> > >>

Ezodu 30:23

<<Utukule jengo jonukela japama ji: kilu tanu na imohi da mira, kilu taru da kanela, kilu taru da kalamu onukela pama,

Joira ja Anamarumiwa 13:21

Noira eno, aIzarayeli kohovepa ira kakayena mwene. Evale Mulugu ohomusakulra mulombwana Sawuli mwana Kixi wa nlogo na Benjami ira akale mwene wewa. Sawuli ohatonga aIzarayeli fiyeda yaka 40.

Detoronomiyo 32:9

Tchoira Yehova pandi yaye ba atwaye. Ahima a Jako anafwanyeya kagali atu a Yehova aye anno waasakunlre liye.

1 Tesalonika 5:26

Mwaalondjelege abalihu atene na beju dotchenihiwa.

Eberewu 2:10

Tchoira yali yofwanela ira Mulugu wenno unafuna teteliwa muwari mwa jatene jene eto unakalihawo jatene jene, amuonihe Yesu goyi ira muwari mwa goyi dile, Yesu awande kala Namakunga wo vulusiwa wokwakwanela. Ali ira Yesu awandege atukula atu adjindji, aavolotchihege muwari mwa undimuwa wa Mulugu ira aliwa kakale ahima a Mulugu.

Jowandeliwa 5:8

Mwana Nibila nne nagatukunle livuru nne, nagahidedile mmandani, nahanarome fugula livuru nne, vinyama nnayi da ingumi dile na andimuwa 24 kafwanyeya mmipandoni mule, kohooramihedaga kove diwa vati vamentoni va mwana Nibila nne, kanitamalelaga. Kada mutu ohokana arpa mmandani mwaye. Kohokana eto mabasiya osakanyiwa na oru, mwagazanle jengo jonukela, jejo jinafwanyeya jagali jolobela ja atu otchenihiwa.

1 Samuweli 12:3

Miyo peno dili vamentoni venyu. Akala dihisakanya yengo yabure, muwari mwa utongi waga watene, muwonge tchineneva vamentoni va Yehova na vamentoni va mwene wenno umuhambihile liye. Muwonge akala miyo dilabaga mabasaga matene dihitukula ng'ombe nari buru wa mwinnya nari akala miyo dohomudjelra mutu nari akala dihibabiha muharahara mutu. Akala dohowatchela kunya ya mutu ira dimutongele milandu daye pama, muwonge. Akala miyo dihiirana mwa jengo jatene jiwongile miyo ji, muwonge ira diwelihe.>>

1 Samuweli 13:14

Mbwenye voira we kuharihilemo jaurumile Mulugu, umwene wawo kunakana sogolro. Eniva Yehova uhumusakulra mulombwana mmohiwa unafuna kala mwene. Liye gu mulombwana ofuna jinafuna Yehova. Liye umala musakulra ira akale mwene wa atwaye vamalroni vawo mwasiwa kuwandile vwelela yenno Yehova yaurumile liye.>>

1 Samuweli 15:1

Siku nimohi mulombwana Samuweli ohoviraga dowa muwandela Sawuli, liye ira: <<Yehova gwadirumile ira duhambihe ira ukale mwene wa atwaye aIzarayeli. Nona uvuruwane mazu a Yehova.

1 Samuweli 15:17

Samuweli ohomuwandelaga eraga: <<Masiki weyo wa mwinnya uvionege nnga mutu ohokana mabasa, Yehova mbwenye uhambihile weyo ira ukale muru wa malogo a aIzarayeli, mwene wa Izarayeli.

1 Samuweli 16:1

Evale Yehova ohowongaga na Samuweli eraga: <<Kodi unaza uhiye mukumbanya Sawuli alini, agali miyo dihimala munyanyala ira liye ahakale mwene wa mulogo wa Izarayeli akoka? Uvenye utukule nnyanga, uzalihemo makura, umaruwe udowe sidadi ya Beleme. Wafiya wewo, udowe vande va mulombwana mmohi unaitaniwa Jese. Liye uhumukana mwanaye mmohi wenno dimusakunlre miyo ira akale mwene.>>

1 Samuweli 16:13

Evale Samuweli ohotukulaga nnyanga neno mwafwanyeya makura, liye mukutulela Davi vamentoni va abalaye atene. Evale Munemba wa Yehova ohomuzelaga kala na liye roma siku nenne ante dowaga sogolro. Nomala eno, Samuweli ohowelelaga waniwa wakoka wene ilambo ya Rama.

1 Samuweli 2:10

Yehova unoza aabwanyule amwidanaye. Eto unoza aamorihede ndari dilukulu. Yehova unotonga ilambo yatene ya vati. Eto unoza anvahe kopolo mwene waye eto unoza avweyihe kopolo da wenno Yehova umuhambihile liye.>>

1 Samuweli 24:6

Eto nomala ohowongaga na alombwana anne kafwanyeya na liye eraga: <<Miyo nnafuna ira Yehova awande dikamiheda ira miyo dahamuirele yabure ili yatene mbwiyaga Sawuli wenno Yehova umuhambihile liye ira akale mwene mwasiwa Yehova gumuhambihile.>>

1 Samuweli 26:11

Miyo mbwenye nnafuna Yehova adihiyihe ira dahampe mutu wenno umuhambihile liye! So mbwenye nafunaga, nidowe natukule mwanango unafwanyeya muruni waye ule na jaro ya mahindje ilivo, nidowege!>>

1 Samuweli 26:9

Davi mbwenye ohomuwakulaga Abizayi eraga: <<Nari, kumpe. Tchoira mutu wenne unatukule ndanda naye ampana mwene wenno Yehova umuhambihile liye, Yehova unomutonga.

1 Samuweli 8:19

Evale atwale kagavwile jawonga Samuweli jile, aliwa tchabanlre. Mofutukula kohowakula, aliwa ira: <<Nari! Hiyo nnafuna nimukayena mwene.

1 Samuweli 8:9

Mwa eno, weyo inafwanela uvwelele jatene jinauvepe atu. So mbwenye inafwanela uvayele awandela makalelo orutcha anafuna tongaga mwene wenno unafuna atongaga.>>

1 Samuweli 9:16

<<Metchelo ora yokala nnga ha yenna, miyo nnomuruma wa weyo mulombwana mmohi wa nlogo na Benjami. Mwagumana, weyo umuhambihe ira akale mwene wa atwaga aIzarayeli. Liye unoavunela atu mmandani mwa aFilistewu. Tchoira miyo dihiona goyi inna atwaga eto dihivwa yovepa yewa ira dakamihede.>>

1 Samuweli 9:27

Evale kadowaga, kafunaga hiya sidadile, Samuweli ohowongaga na Sawuli, liye ira: <<Umuwandele namalabawo ule ira asogolrege. Weyo ubabihe hala vang'onove.>> Evale namalabole agasogonlre, Samuweli ohomuwandelaga Sawuli, liye ira: <<Miyo dihikana mazu dilanyediwe miyo na Mulugu ira duwandele.>>