1 Samuweli 1:8 - Mazu Otchena a Mulungu

⁸ Mwa enne Elikana ohonfukaga muhiyanaye Ana, liye ira: <<Kodi weyo unanleletcha nni? Mwasiwa gwa nni we kalelaga nlave eto hafunaga dja? Mwasiwa gwa nni we kalaga okumbanyene mmirimani mwawo? Kodi miyo kadukwakwanne hiyaniha no abala anapongwe kumi?>>

1 Samuweli 1:8 ပူးပေါင်းရင်းမြစ်များ

2 Amwene 8:12

Evale Hazayeli ohonfukaga eraga: <<Mbwiyeni kodi munanlela nni?>> Evale mutu wa Mulugu ule ohomuwakulaga eraga: <<Miyo nnakumbanya zela ubure unafuna we airela Ana Izarayeli. Tchoira weyo unodowa watumeye mamburo ewa olimba otawelamo. Unoapa azombwiwa na supada, ahimiwa unoatatakanya eto ahiyaniwa okana vambani, unoza waakawule.>>

Izaiya 54:1

Kaimba moteyela we Jeruzalemu, we ngomwa, maliba habala. Kahagalala moimba eto kakuwa weyo waharomile ona upa obala. Tchoira weyo ulanyiwe unoza ukayena ahima oindjiva hiyaniha na ule ateliwe. Unawonga gu Yehova.

Izaiya 54:6

Weyo Izarayeli, Yehova uitana akoka. Weyo uli nnga muhiyana olanyiwa, ozaleliwa kumbanya mmirimani mwaye, nngave muhiyana wa unamwali otamangihiwa. Unawonga gu miyo Mulugu wawo.

Juwawu 20:13

Evale angelro ale kohonfuka keraga: <<Weyo unanlela nni?>> Evale Mariya ohawakulaga eraga: <<Miyo nnamunlela Nabwiya waga. Kohomutukulamo eto kadiiziwile umudowilena atu!>>

Juwawu 20:15

Evale Yesu ohonfuka ira: <<Muhiyana we, unanlela nni? Kodi unanvenda ani?>> Evale Mariya esaga anfuka enne ali namalima wa mmundani mule, liye wakula ira: <<Akala gu nyenne umutukunlemo mudiwandele vimuhiyile nyo, miyo nnodowa damutukulewo.>>

1 Tesalonika 5:14

Hiyo abalihu jimohi jinoukokomezani hiyo ti ji. Mwawendaga, mwamuona nfwinyu ohofuna hinda mabasa, inafwanela mmuwongena ira ahindege mabasa. Mwamuona nfwinyu owaheya, mmulimbihe. Mwamuona nfwinyu ovuta, mmukamihede. Inafwanela eto mukale atu ovilela na atu atenene.

Ruti 4:15

Mwanola unerege udidiliha murima eto unerege uing'anela ulula wawo watene. Mwasiwa liye gu mwana wa nijaliyo Ruti wenno unauziveliwa. Ruti wenno uli ofuneyetchetcha kwaranya anapongwe atanu na ambinli!>>

1 Samuweli 1:7

Va kada yaka, aliwa kadowaga Nyumba ya Yehova ira kavelelege mikuto, mwanamayaye akaleletchave muwongela mazu abure, fiyeda Ana kukumuwaga mmirimani mwaye, liye hadjaga, so kalelaga nlave bahi.