1 Samuweli 1:10 - Mazu Otchena a Mulungu

¹⁰ Ana ohodowa Nyumba ya Yehova mosanyeya mwene, liye roma lobela muwari monla wohokala wa masika.

1 Samuweli 1:10 ပူးပေါင်းရင်းမြစ်များ

Jenesesi 30:1

Rakeli vaonne liye ira: <<Miyo kannawanda mbala mwana na mamunaga>>, ohoromaga mukalela nrima mbalaye Leya. Mwa enne ohowonga na mamunaye Jako eraga: <<Udivahe garavida ira dimukayena mwana. Wahafune, miyo nnokwa.>>

Jenesesi 50:10

Mwa enne aliwa kadowagave, kagafiyile nimburo nobubudavo jalo, pandi ya Atadi, ilambo inafwanyeya kombela ya muhindje Jordawu, kohotomola kuto kamunlelaga Jako na makalelo ohokala a masika. Evale Joze ohomalagavo malambo matanu na menli na atu atene, amunlelaga Jako.

2 Samuweli 13:36

Evale mulombwana Jonadabe amarihaga wonga pafiyaga ahima a mwene Davi, aliwa roma tomola kuto. Evale mwene Davi vamohi na anamalabaye atene kohoromaga nla valukulu vene.

2 Samuweli 17:8

Tchoira nyo muhuiziwa pama ira babinyu vamohi na alombwana unna liye ba atu a kopolo kwaranya nyo eto aliwa kali otakaleliwene nnga urusu wa muhiyana abeliwa ahimaye! Eto hiya yennove bahi, nyo muhuiziwa ira babinyu gu mutu oxangetchetcha zela ja kondo. Liye kaza avireliwa umahiyu watene vamohi na atu atene.

2 Amwene 20:3

<<Yehova nnouvepani ira muumbuwele makalelo diwendile miyo vamentoni venyu mwa ibaribari eto na murima waga watene,disakanyaga jofwanela vamentoni venyu.>> Mwa enne mwene Ezekiya ohonlaga valukulu.

Izaiya 38:15

Kodi miyo nnawonge nni? Tchoira liye uirilena nnga mwemo mwadifunelena liye. Miyo kalawo waga watene kwa goyi na mwasa wa makatamiho nnafwanyeyana miyo.

Izaiya 54:6

Weyo Izarayeli, Yehova uitana akoka. Weyo uli nnga muhiyana olanyiwa, ozaleliwa kumbanya mmirimani mwaye, nngave muhiyana wa unamwali otamangihiwa. Unawonga gu miyo Mulugu wawo.

Lukaji 22:44

Yesu mbwenye agalive mugoyini, oholobelaga na kopolo. Muwari molobela mule ohoromaga kuma kalruma. Kalruma nakumaga, nakalaga nnga matoto malukulu a sangiri kamorelaga vati.

Eberewu 5:7

Muwari mwa malambo Yesu awarile liye maningo, olobela no kuwa ulukulu na misodi anvepaga wenno awanda muwombola mokwani. Jalobela liye jovweya mwasiwa liye ohorumela irana jofuna ja Mulugu.

Anamasogolrelra 21:2

Mwa enne kondo ile yagavirile, mulogo watene kohodowaga Beteli, aliwa garati vamentoni va Mulugu ante tchiguwo eto kohotomolaga kuto, aliwa roma nla na makalelo ohokala a masika,

Ruti 1:20

Mwa eno, liye owakula eraga: <<Kamudiitanege na nzina na Nowemi. Mbwenye mudiitanege Nyunya, mwasiwa Mulugu wa Kopolo Datene uhudivaha nyunya ulukulu.

1 Samuweli 1:11

Evale muwari monla mule, ohonvepaga Yehova, asakanyaga yolumbela yaye eraga: <<Yehova wa Makuru Matene, miyo nnouvepani ira mudikamihede muwari mwa goyi dinna miyo di, kamudidiwale miyo vano namalaba wenyu, mudivahe mwana. Miyo nnolumbela vamentoni venyu ira na ibaribari mwadivaha mwanapongwe, miyo nnonvelela mmandani mwa nyo Yehova ira aulabegeni mabasinyu kalawo waye watene eto liye kaza asata nsisi naye.>>

1 Samuweli 1:9

Siku nimohi akuda Elikana kagavelenle mukuto sidadi ya Silo, kagadjile, kagang'wile, Ana ohovenyaga ira alobele. Ora yenno namakuta Eli afwanyeya ogaratene vakaderani vaye wandamelana va mulango wa Nyumba ya Yehova nnga veretcha liye.