1 Samuweli 1:1 - Mazu Otchena a Mulungu

¹ Ohokalawo mulombwana mmohi wa nlogo na Efarayimi, akaletcha sidadi ya Ramatayimi-Zofimi, ilambo ya mmwangoni ya Efarayimi, nzina naye aitaniwa Elikana. Babaye ali Jerowawu, Jerowawu ali mwana Eliyu, Eliyu ali mwana Towu eto Towu ali mwana Zufe.

1 Samuweli 1:1 ပူးပေါင်းရင်းမြစ်များ

1 Amwene 11:26

Eto namalaba mmohi wa Salomawu aitaniwa Jerobowawu mwana Nebati, wa sidadi ya Zereda, ohomurungunuwela mwene Salomawu. Liye ali wa nlogo na Efarayimi. Eto mmaye ali makwele mmohi eni aitaniwa Zeruwa.

1 Koronika 6:12

Ayitube ohombala Zadoki, Zadoki ohombala Salumu,

1 Koronika 6:22

Mwana Kowati ali Aminadabe, Aminadabe ohombala Kora, Kora ohombala Asiri.

1 Koronika 6:33

Atu kalaba mabasa anno vamohi na ahimiwa ba ala: Oroma ali namaimba Emani nkuda Kowati na ahimaye. Emani ali mwana Joweli, Joweli mwana Samuweli,

1 Koronika 6:34

Samuweli ali mwana Elikana, Elikana mwana Jerowawu, Jerowawu mwana Eliyeli, Eliyeli mwana Towa,

Matewuji 27:57

Mwa enne nzuwa niviraga, ohokalawo namamuhara wa Yesu mmohi wenno ali orayela, wa sidadi ya Arimateya, aitaniwa Joze.

Jozuwe 24:33

Mwa tempu yenne Eliyazari mwana Arawu na liyene ohokwa. Agakwile, kohomukoya pandi ya mwango didjindji muwari mwa Efarayimi, sidadi ya Jibeya, yenno mwanaye Fineyasi yavahiwe liye. Kukala mazu a livuru na Jozuwe.

Anamasogolrelra 12:5

Evale akuda Jileyadi ale kohodowaga, aliwa funga vevo valambuwa atu muhindje Jordawu ira akuda Efarayimi kahawande lambuwa dowa waniwa. Mwa enne kamuona nkuda Efarayimi uli watene afuna jotawa, awonga ira: <<Nnauvepani mudihiye ira dilambuwe>>, alombwana a Jileyadi ale konfuka ira: <<Kodi weyo uli nkuda Efarayimi?>> Evale liye awakula ira: <<Nari>>,

Anamasogolrelra 17:1

Ohokalawo mulombwana mmohi akaletcha ilambo ya mmwangoni ya Efarayimi, nzina naye aitaniwa Mika.

Anamasogolrelra 19:1

Muwari mwa malambo anne, mwilamboni mwa Izarayeli kamwali mwene. Tempu yenno ohokalawo mulombwana mmohi wa nlogo na Levi adowile kala ilambo ya mmwangoni ya Efarayimi wewo wali mavande a vang'ono. Liye ohomusaka mwendaye wenno ali nnga muhiyanaye wang'ono. Muhiyanole waniwa ali Beleme, mwilamboni mwa Juda.

Anamasogolrelra 4:5

Liye ohokana nimburo eni vagaratetcha liye vati va munazi mmohi aitaniwa munazi wa Debora, vari va Rama na Beteli, mmwangoni mwa Efarayimi. Eto mwa tempu yenne Ana Izarayeli kodowetcha wa liye ira katongiwe milandu diwa.

Ruti 1:2

Mulombwanole nzina naye aitaniwa Elimeleki, muhiyanaye aitaniwa Nowemi eto ahimaye ambinli ale, mmohi aitaniwa Malomi, mmohiwa aitaniwa Kiliyomi. Aliwa kali a nlogo na Efarata eto kakaletcha tatamo ya Beleme muwari mwa Juda. Evale kohovenya, aliwa dowa kala ilambo ya Mowabe ile.

Ruti 4:22

Obedi mbala Jese, Jese gumbanle Davi. Kukala mazu a livuru na Ruti.

1 Samuweli 1:19

Mmetcheloni muwa mulombwana Elikana na atu atene a vande vaye kohobehaga na mabebehene, aliwa kokora vamentoni va Yehova, kamutamalelaga. Kagamanle mutamalela, kohowelelaga waniwa ilambo ya Rama. Kagadowile vande viwa, Elikana ohogona na muhiyanaye Ana. Evale Yehova ohorumelaga yolobela ya Ana.

1 Samuweli 17:12

Ora yenno Davi akumbuza mabila a Babaye. Babaye ali Jese, nkuda Efarayimi eto akala tatamo ya Beleme muwari mwa ilambo ya Juda. Eto Jese anna anapongwe atanu na araru. Tempu yatonga Sawuli nnga mwene wa aIzarayeli, mulombwana Jese afwanyeya agali mundimuwa oulula bure aganna yaka didjindji.

1 Samuweli 2:11

Noira eno, mulombwana Elikana na muhiyanaye Ana kohovenyihanaga, aliwa dowa waniwa ilambo ya Rama. Mbwenye mwanole Samuweli komuhiya Silo wewule, liye roma labaga mabasa a Yehova vamentoni va namakuta Eli.

1 Samuweli 7:17

Amala tonga milandu dile, owelela waniwa sidadi ya Rama eto wewule oasogolrelra aIzarayeli. Eto Samuweli ohomangawo ibuwa ya Yehova ilambo ya Rama ule.

1 Samuweli 9:4

Evale aliwa kohogundeya kadowaga ilambo ya mmwangoni ya Efarayimi na ilambo ya Salisa, aliwa sayelaga, mbwenye tchaonne. Eto kohodowaga kasakaga ilambo ya Salimi, aliwa vira ante dowa vilambo da nlogo na Benjami kasakagave, mbwenye tchaonilegeve.

1 Samuweli 9:5

Kagafiyile ilambo ya Zufe, Sawuli ohowongaga na namalaba wenno aligi na liye, ira: <<Ndowe niwele, nidowege vande. Tchoira nahadowe vande, babaga unohiya akukumuwela aburu kadimenle, anikukumuwelege hiyo.>>