1 Peduru 5:3 - Mazu Otchena a Mulungu

³ Eto nne kamuvendege jovikaliha annya zela atu a Mulugu anno muhiyediwe nyo ira mwaasogolrelrege. Mbwenye inafwanela mwaasogolrelrege na makalelo apama ira mabila kawandege usazihani makalelo apama munna nyo.

1 Peduru 5:3 ပူးပေါင်းရင်းမြစ်များ

Juwawu 13:15

Tchoira yuireleni miyo tchi ionihedo ira na nyenne muiregena.

Joira ja Anamarumiwa 20:28

<<Mwahala, nyo mwa annya muviing'ane pama. Mwaaing'anele pama eto mabila matene. Mwasiwa Munemba Otchena umala uhambihani ira nyo mukale mabixpu ira mukumbuzege nikuru na Mulugu neno nigunle liye na sangiri naye.

1 Korinto 11:11

Masiki diwongeve eno, muwari mwa Nabwiya ahiyana bofuneya na alombwana eto alombwana bofuneya na ahiyana.

1 Korinto 3:5

Miyo Pawulo dili ani? Nnga Apolo bani? Hiyo atene nili anamalaba bahi eto muwari mwa hiyo nyo muhufiyeda mwezo omuroromela Yesu. Kada mutu unalaba mabasa nnga mwemo mwavahediwe liye na Nabwiya.

1 Korinto 3:9

Tchoira nyo muli nnga munda wa Mulugu. Hiyo eto nnalaba mmindani mwemo vamohi na Mulugu. Nyo eto muli nnga nyumba ya Mulugu. Hiyo nnamanga vamohi na Mulugu.

2 Korinto 1:24

Mabasa analaba hiyo, kahi ira nitongege nroromelo nenyu, so mbwenye hiyo nnalaba vamohi na nyo ira muhagalale. Tchoira nyo muli olimbene na mwasa wa nroromelo munna nyo.

2 Korinto 4:5

Tchoira hiyo kannavilaleya oka, mbwenye nnamulaleya Yesu Kiristu ira liye gu Nabwiya. Eto hiyo nili anamalabinyu ira Yesu ateteliwe.

Detoronomiyo 32:9

Tchoira Yehova pandi yaye ba atwaye. Ahima a Jako anafwanyeya kagali atu a Yehova aye anno waasakunlre liye.

Filipo 3:17

Abalaga inafwanela nyo mwatene musazihege makalelo anna miyo. Inafwanela eto mwaaing'anege atu owenda na makalelo nnga anawendana hiyo ira mwaasazihege.

Filipo 4:9

Inafwanela muiregena jatene jufundjihileni miyo eto inafwanela muiregena jengo jatene duvahedileni miyo eto jatene jivwile nyo na miyo eto jatene jidionnena nyo diiragana. Mwairana jatene ejo, Mulugu wenno unavaha murendele unousogolrelrani.

1 Tesalonika 1:7

Na mwasa wenno, afwinyu omuroromela Yesu a porovinsiya ya Masedoniya na a porovinsiya ya Akaya kagaonne makalelo vere nyo, aliwa kohowanda fundja makalelo owenda muwari mwa makatamiho.

2 Tesalonika 3:9

Kahi ira hiyo kananna direitu yofuna vahiwa jodja, nari. Hiyo nohokana. So nagali na nyo, nohokana mabasa nalaba hiyo ira niwande gula jodja jehu ira nyo mwahala, muwande saziha makalelo ninna hiyo.

1 Timoteyo 4:12

Kwahiye atu ulramwisa na mwasa oira weyo kunna idadi yapama. So inafwanela ukale mutu owonga jowonga japama, ukale oirana joira jofwanela, ukale mutu oaziveliwa afwawo, ukale wa nroromelo, ukale mutu ohofwanyeyana yabure ili yatene ira afwawo kausazihege weyo.

Titu 2:7

Na wenne makalelo anera we, inafwanela ukale mutu oirana japama ira atu omuroromela Yesu kauona, kausazihege. Inafwanela eto waafundjihaga, waafundjihege yengo ya ibaribari na mmirimani mwawo mwatene

1 Peduru 2:9

Nyo mbwenye muli nlogo nosakulriwa, muli anamakuta a Umwene, muli ziza notchena, muli atu a ibaribari a Mulugu ira muwandege laleya undimuwa wa wenne uitanneni ira mukume isini mwafwanyeya nyo ira muze muvolowe wareyani waye wotikiniheya.