1 Korinto 2:3 - Mazu Otchena a Mulungu

³ Miyo eto dulaleyagani, dazile movuta, moova eto mongurumela.

1 Korinto 2:3 ပူးပေါင်းရင်းမြစ်များ

Izaiya 19:16

Siku neno aIjipitu anoza kakale nnga ahiyana. Anerege ngurumela muwari moova mwasiwa Yehova wa Makuru Matene unotapula ndanda naye aalangaga aIjipitu.

Joira ja Anamarumiwa 17:1

APawulo kagakumile Filipo, kohovira Anfipoli na Apoloniya, aliwa fiya sidadi ya Tesalonika. Muwari mwa Tesalonika mule, mohokala nyumba yofundjamo Mazu ya aJudewu.

Joira ja Anamarumiwa 18:1

Nomala enne, Pawulo ohovenyaga Atena, liye dowa fiya sidadi ya Korinto.

Joira ja Anamarumiwa 18:12

Ora yatonga mundimuwa Galiyo ilambo ya Akaya, aJudewu kohogumanela, aliwa muhinda Pawulo, mudowana wafwanyeya mundimuwa Galiyo ira kamusumele.

Joira ja Anamarumiwa 18:6

Mbwenye aJudewu kagavwile laleya wa Pawulo, kohoroma muharahara, kamululuvihaga. Evale mulombwana Pawulo ohotata jowara jaye vamentoni va atwale moruniha jawonga atu jile, liye ira: <<Nyo mwatolowa, jejo jenyu. Miyo dihimala hambamo zela sangiri nenyu. Eni nnauhiyani, didowe daalaleyege atu ohokala aJudewu.>>

2 Korinto 10:1

Nyo munaona ira miyo Pawulo dakala na nyo nnakaletcha mutu oviyeviha, mbwenye dakala olapela wene, dalrembaga karta, nnalremba nnga mutu orutcha. Miyo mbwenye nnafuna duvepeni ira mwaumbuwela pwaseya na tangaranga da Kiristu, daza wa nyo kamukayena makalelo oira daona, dikale mutu orutcha wa nyo. Mwasiwa dihikana ibaribari ira daza, nnokala orutcha zela atu anne anaumbuwela ira hiyo nnalaba na kopolo da maningo.

2 Korinto 10:10

Tchoira miyo nnovwa atu anawonga ira: <<Makarta analremba Pawulo bonyemela, bokana kopolo. Mbwenye wamuona mutuwa, govuta. Awongaga, jowonga jaye ti jowonga jolramwiseya.>>

2 Korinto 13:4

Mwa ibaribari liye ohokomeliwa movuta mbwenye peno liye ukalawo muwari mwa kopolo da Mulugu. Na hiyene nili ovuta nnga mwavutile liye, mbwenye nnerege wanda kalawo mwa liye, muwari mwa kopolo da Mulugu ira nulabegeni.

2 Korinto 13:9

Nona hiyo navuta, nyo mwakala a kopolo, hiyo nnowanda hagalala. Hiyo nnaulobelelani ira nyo mukale okwakwanela.

2 Korinto 4:1

Nona voira mabasihu nivahiwe muwari mwa tangaranga da Mulugu, hiyo kannakukumuwa mmirimani mwehu.

2 Korinto 4:16

Nona hiyo kannakukumuwa mmirimani mwehu. Masiki kalawo wehu wa unde uvundege vang'ono vang'ono, kalawo wehu wa muwari unnanave sandutchiwa ira ukale uxa siku na siku.

2 Korinto 6:4

Voira hiyo nili anamalaba a Mulugu, mwa jatene jinalaba hiyo ninnana venda ira nilabe na makalelo ofwanela. Nnowanda vilela mwa jabure jidjindji, nnorumela onihiwa makatamiho, nnozuzuma, nnosegedeya,

2 Korinto 7:15

Eto uzivelani waye unnave ulukula aumbuwela zela makalelo anavwelela nyo mwatene eto zela makalelo mwamuwatchenle nyo muwari moova eto mongurumela.

2 Korinto 7:5

Tchoira masiki nagazile Masedoniya, maningo ehu tchavumile nne vang'ono. Nohokana zuzumihiwa mwatene mwawenda hiyo. Unde, nohokana wanawana. Eto mmirimani mwehu, nofwanyeyana ova ulukulu.

Efezo 6:5

Nyo azari, inafwanela mwaavwelelege apatarawinyu a ilambo ya vati na makalelo apama moariheda, muwari moaova. Mwaavwelelege mwa ibaribari na mmirimani mwenyu mwatene nnga munanvwelela nyo Kiristu.