1 Korinto 13:9 - Mazu Otchena a Mulungu

⁹ Tempu ili hiyo ila mutu kanamariha iziwa jatene. Fiyiheda ja Mulugu tempu ili hiyo ila kahi ira mutu unomariha wonga jatene ja Mulugu.

1 Korinto 13:9 ပူးပေါင်းရင်းမြစ်များ

1 Korinto 13:12

Tempu ili hiyo ila, nili nnga mutu aing'anaga muxupeliyoni ora ya tchiguwo. Mbwenye inoza ifiye tempu ira jengo jioneyege nnga mutu unagumana liye na nfwaye kaonanaga kove na kove. Tempu ili hiyo ila diiziwile vang'ono mbwenye vasogolro miyo nnoza diiziwe mokwakwanela nnga Mulugu udiiziwile liye peno va.

1 Korinto 8:2

Akala ukalavo mutu mmohi unaona ira: <<Jatene jene dihimala iziwa>>, kanaiziwe ibaribari muupamani muwa.

1 Korinto 2:9

Mbwenye inakala nnga ilrembiwe mMazuni ira: <<Jengo jejo jili jahanababihe oniwa, nne jejo jili atu kahanababihe vwa eto jengo jejo jili jahanababihe umbuweliwa mmirimani mwa mutu uli watene, ti jejo jisakanyile Mulugu ira aavahe atu anne anamuziveliwa.>>

Matewuji 11:27

Yesu eto ohowongaga eraga: <<Babaga udivaha jatene mmandani mwaga. Eto kalivo mutu mmohiwa udiiziwile miyo mwanaye ahali Baba. Eto kalivo umuiziwile Baba ahali miyo Mwanaye na anno anafuna miyo aiziwiha!

1 Juwawu 3:2

Afwaga oziveliwiwa peno nili ana Mulugu. Eto makalelo anafuna hiyo za kana kinaoneye. So mbwenye hiyo nihiiziwa ira liye avituwa, nnoza nikale nnga liye mwasiwa nnoza nimuone mwa ibaribari nnga mukalele liye.

Efezo 3:8

Miyo dili mutu mung'ining'ini kwaranya atu atene otchenihiwa. Masiki eno Mulugu udivahile sayi ira diwande alaleya atu ohokala aJudewu zela rayela undimuwa wohokala wa masika unafwanyeyana Kiristu.

Roma 11:34

Uiziwile jinaumbuwela Nabwiya bani? Uwandile muwelruza bani?

1 Korinto 13:10

Mbwenye yokwakwanela yaza, yohokwakwanela inomala.