1 Korinto 11:3 - Mazu Otchena a Mulungu

³ Mbwenye nnafuna muiziwe ira muru wa mulombwana uli watene gu Kiristu. Muhiyana murwaye gu mamunaye. Eto Kiristu murwaye gu Mulugu.

1 Korinto 11:3 ပူးပေါင်းရင်းမြစ်များ

Jenesesi 3:16

Mulugu ohowonga na muhiyana eraga: <<Wakana vambani, miyo nnerege uwendjededa goyi dawo. Eto wafunaga bala unerege ona upa wohokala wa masika. Zela bandja nawo, weyo unerege nfuna mamunawo ira ukalege na liye eto liye gunausogolrelrege.>>

Izaiya 52:13

Kaing'anani, namalaba waga unoza alabegena zelru. Unoza atukuleliwe vazulu, akale vazulu vazulu. Eto unoza ateteliwe.

Izaiya 55:4

Kaing'anani, miyo dohosakanya ira Davi akale mboni waga vamentoni va atu a unde eto ira akale musogolrelri na mundimuwa wa atu a unde.

Matewuji 28:18

Noira enne, Yesu ohodowa vali anamamuharaye, aawandelaga eraga: <<Dihimala vahiwa utongi watene wa ilambo ya zulu na ilambwela ya vati.

Juwawu 14:28

Mumala vwa mazu diwongile miyo na nyo oira: <Miyo nnodowa eto amala nnowela dize dikale na nyo.> Mwahadiziveliwege, mogohagalala zela dowa waga wa Baba. Tchoira Baba gu mundimuwa odikwaranya miyo vano.

1 Korinto 3:23

Nyo eto muli atu a Kiristu. Kiristu eto gu mutu wa Mulugu.

Efezo 4:15

Hiya nyengiwa na jonama, inafwanela ira kada mutu awonge ibaribari na nfwaye na makalelo ozivelana. Inafwanela niirena eno ira nisanduwe, nitukule makalelo matene a muru wehu Kiristu.

Koloso 1:18

Kiristu gu muru wa maningo anno anafwanyeya kagali nikuru na atu anno anamuroromela. Liye goroma eto gu Mwana Murandji muwari mwa atu okwa ira liye akale mwinnya wa jatene jene.

Koloso 2:10

Na nyenne muwari mogumanihiwa na Kiristu, muhumala vahiwa makalelo matene a wenno uli mwinnya wa utongi na undimuwa watene.

Koloso 2:19

Mwa eno, aliwa komuhiya Kiristu wenno unafwanyeya agali muru wa maningo. Maningo anadjihiwa muwari mwa muru eto maningo analuweya muwari mwa mafarafadju na misepa dinigumanihile hiyo jano vamohive. Muwari modjihiwa na muru, maningo matene anaulukula na makalelo anavaha Mulugu.

Koloso 3:18

Nyo ahiyana inafwanela murumele tongiwa na amamuninyu. Tchoira muhiyana uli watene muwari mwa Nabwiya ifwanela ira arumele tongiwa na mamunaye.

1 Peduru 3:1

Na makalelo mamohive, na nyenne ahiyana muteliwe inafwanela mwaavwelelege amamuninyu. Ili ira wamukana mamunawo ohobalra mazu, aona makalelo awo ira weyo uli muhiyana wa makalelo apama, okana respeto, liye awande iziwa ira mazu kohokana mabasa muwari mwa mawendelo awo apama masiki weyo wahamuwandenleve mazu.