Yoohana 21:1 - Ʉbhʉragɨ Ubhuhya

¹ Hanʉ gayo gaahitirɨ, Yɨɨsu akahwarʉkɨra naatu abhɨɨga bhaazɨ rusizʉ wɨ ɨnyanza ya Tibhɨɨriya.

Yoohana 21:1 ပူးပေါင်းရင်းမြစ်များ

Mataayo 26:32

Nawe hanʉ nikuryʉka, nɨrabhakangatɨra kuja Gariraaya.”

Mataayo 28:16

Abhɨɨga bha Yɨɨsu ikumi na wʉmwɨ bhakaja Gariraaya mʉkɨgʉrʉ kɨnʉ Yɨɨsu aabhɨɨrɨkiryɨ.

Mataayo 28:7

Mujɨ bhwangʉ, mʉbhabhʉʉrɨrɨ abhɨɨga bhaazɨ, ‘Aryukirɨ kurwa kʉbhaku, na arabhakangatɨra kuja mucharʉ cha Gariraaya. Iyo nɨyu mokomobhona!’ Nangʉ nɨmarirɨ kʉbhabhʉʉrɨra kɨnʉ charɨ kɨndɨɨtirɨ!”

Maaroko 16:12

Urusikʉ ruyoruyo, Yɨɨsu akahwarʉkɨra abhɨɨga bhaazɨ bhabhɨrɨ, aarɨ ni ikisisi kɨndɨ. Abhɨɨga bharya bhaarɨ kʉnzɨra bhararwa Yɨrusarɨɨmu.

Maaroko 16:14

Mʉtɨnɨrʉ, Yɨɨsu akahwarʉkɨra abhɨɨga bhaazɨ ikumi na wʉmwɨ, hanʉ bhaarɨ kwigari bhararya. Akabharecha kʉbhʉkʉngʼu bhwi imyʉyʉ jabhʉ, kʉ kʉbha bhaangirɨ kwisirirya ga abhakɨndichabhʉ bhanʉ bhaarʉʉzɨ Yɨɨsu hanʉ aaryukirɨ mʉbhaku.

Maaroko 16:7

Mujɨ mʉbhʉʉrɨrɨ abhɨɨga bhaazɨ, kɨnda Peetero kʉbha, Yɨɨsu arabhakangatɨra kuja Gariraaya. Iyo neyo mʉraamorore chɨmbu aabhabhuuriirɨ.”

Yoohana 21:14

Ruyo rwarɨ rogendo rwa katatʉ Yɨɨsu kʉhwarʉkɨra abhɨɨga bhaazɨ, kwɨma hanʉ Mungu aamuryurirɨ kurwa mʉbhaku.

Yoohana 6:1

Akʉmara Yɨɨsu akaambʉka ɨnyanza ya Gariraaya, yɨnʉ iriina ɨrɨndɨ ɨnyanza ya Tibhɨɨriya.

Yoohana 6:23

Akʉmara, abhaatʉ abhandɨ bhakaaza nu ubhwatʉ kurwa mʉrʉbhɨri rwa Tibhɨɨriya, bhakahika hanʉ riribhita rya abhaatʉ bhaariirɨ ɨmɨkaatɨ, hanʉ Ʉmʉkʉrʉ Yɨɨsu aarɨ akumiryɨ Mungu.

Amahocha ga Abhatumwa 1:3

Hanʉ aamarirɨ kukwa na kuryʉka kwazɨ, Yɨɨsu aarɨ arabhakandikija abhatumwa bhaazɨ, manga kaaru na kwa nzɨra nzaru kʉbha, maheene nɨ‑mʉhʉru. Kwibhaga rya sikʉ merongo ene, aarɨ ariiyeerecha na kwija ɨngʼana igʉrʉ wʉ ʉbhʉtɨmi bhwa Mungu.