Ruuka 8:30 - Ʉbhʉragɨ Ubhuhya

³⁰ Yɨɨsu akamubhuurya, “Iriina ryazʉ wɨɨwɨ?” Akamʉgarukirya, “Iriina ryanɨ, nɨ‑Bhasirikarɨ.” Akagambabhu, kʉ kʉbha amasambwa maaru gaarɨ gamusikiriirɨ.

Ruuka 8:30 ပူးပေါင်းရင်းမြစ်များ

Mataayo 26:53

Nangʉ, ʉtɨɨzɨ kʉbha nɨranaja kʉsabha ʉbhʉsakirya kwa Bhaabha, nawe aratʉra kʉntʉmɨra bhamaraika kʉkɨra amaribhita amakʉrʉ ikumi na abhɨrɨ?

Mataayo 4:24

Ɨngʼana igʉrʉ wa Yɨɨsu ɨkanyaragana bhʉkʉngʼu kuhika mucharʉ chʉsi cha Siiriya. Abhaatʉ bhakahira abharwɨrɨ bhaabhʉ bhʉʉsi bha amarwɨrɨ ga zeteemwa zʉzʉʉsi bhaarɨ bharanyaakibhwa. Gatɨ waabhʉ, bhaarɨmu bha amasambwa amabhɨ, bha ririmu na bhanʉ bhakuurɨ ibhiimʉ, akabhahorya bhʉʉsi.

Mataayo 8:29

Mmbe, amasambwa gakarɨgɨsa garabhuga, “Umwana wa Mungu, ʉnakɨ na niitwɨ? Nangʉ, wiizirɨ kuturicha ribhaga ryɨtʉ rɨkɨɨrɨ kuhika?”

Maaroko 16:9

Hanʉ Yɨɨsu aaryukirɨ ritabhʉʉri urusikʉ rwʉ ʉbhʉtangɨ rwi inyuma, akamuhwarʉkɨra hinga Mariyamu wa Magidarena, wʉnʉ aarɨ amuruushiryɨ amasambwa muhungatɨ.

Maaroko 5:9

Yɨɨsu akaribhuurya, “Iriina ryazʉ wɨɨwɨ?” Rɨkamʉgarukirya, “Iriina ryanɨ, nɨ‑Bhasirikarɨ, kʉ kʉbha itwɨ, nɨ‑bhaaru kʉmʉʉtʉ wʉnʉ.”

Ruuka 8:2

bhʉmbɨ na abhakari bhanʉ abhahʉriryɨ amarwɨrɨ, na kʉbharuusha amasambwa, bhakahirana nawe. Gatɨ wa abhakari bhayo aareho Mariyamu wa Magidarena, wʉnʉ Yɨɨsu amuruushiryɨ amasambwa muhungatɨ.

Ruuka 8:29

Akagambabhu kʉ kʉbha Yɨɨsu aarɨ abhuuriirɨ risambwa riyo rirwɨ kʉmʉʉtʉ wuyo. Risambwa riyo ryarɨ rɨramugwata manga kaaru, na abhaatʉ bhaarɨ bharamuriibha kwa komobhoha ne emenyororo, nawe aarɨ aratɨna. Na amasambwa gakamuhira ahagero hanʉ hataana abhaatʉ.