Ruuka 2:14 - Ʉbhʉragɨ Ubhuhya

¹⁴ “Akumibhwɨ Mungu wa mwisaarʉ. Na kʉʉsɨ, omorembe gʉbhɨ kʉbhaatʉ bhanʉ asɨɨgirɨ.”

Ruuka 2:14 ပူးပေါင်းရင်းမြစ်များ

Mataayo 21:9

Abhaatʉ bhanʉ bhaakangatirɨ embere na bhanʉ bhaarɨ inyuma, bhakatiirya riraka bharabhuga, “Akumibhwɨ Umwana wʉ ʉmʉtɨmi Daudi! Anʉ ʉrʉbhangʉ wʉnʉ akuuza kuriina ryʉ Ʉmʉkʉrʉ! Akumibhwɨ Mungu wa mwisaarʉ!”

Ruuka 1:79

na bhʉrabhanzɨra bhanʉ bhakwikara mukiirimya, na mukikiriiri chu uruku. Na kʉtʉkangatɨra, kuhika kogenda kʉnzɨra yo omorembe.”

Ruuka 19:38

bharabhuga, “Anʉ ʉrʉbhangʉ ʉmʉtɨmi wʉnʉ akuuza kuriina ryʉ Ʉmʉkʉrʉ! Kʉbhɨ no omorembe gatɨ wa Mungu na abhaatʉ bhaazɨ! Tʉrakumya Mungu wa mwisaarʉ!”

Ruuka 2:13

Rogendo rʉmwɨ, bhakabhaho ɨbhɨkwɨ bhya bhamaraika abhakɨndichazɨ kurwa mwisaarʉ, bharakumya Mungu.

Ruuka 2:15

Hanʉ bhamaraika bhayo bhaagarukirɨ mwisaarʉ, abhariisha bhakabhuga, “Tujɨ Bhɨtɨrɨhɨɨmu, twirorere gayo gakʉrirwɨ chɨmbu Ʉmʉkʉrʉ Mungu aatubhuuriirɨ.”

Ruuka 3:22

Ekoro Ɨndɨndu ikiika igʉrʉ waazɨ nchi ikiguuti, na riraka rɨkarwa mwisaarʉ, rɨrabhuga, “Awɨ ni‑Mwana waanɨ ʉmʉsɨɨgwa, nɨzʉmɨrɨɨrwɨ na naawɨ.”

Yoohana 14:27

Hanʉ nɨkʉbhʉʉka, nɨrabhatigɨra omorembe, omorembe gwanɨ nɨrabhaha. Nawe gʉnʉ nɨkʉbhaha gʉtangɨ gʉnʉ abhaatʉ bhahaabhaha. Mutiitiimaata mozekoro zaanyu, na mʉtʉʉbhaha.

Yoohana 17:4

Inyɨ nikugungiryɨ kʉbhaatʉ bhʉʉsi kʉʉsɨ, kʉhɨtɨra momeremo gɨnʉ wangʼɨɨrɨ kokora.

Yoohana 3:16

Mmbe, Mungu akasɨɨga ɨɨsɨ, kuhika akahurucha umwana waazɨ umumwɨmwɨ aazɨ mʉʉsɨ, korereke abhaatʉ bhʉʉsi bhanʉ bhakumwisirirya bhatarimɨra, nawe bhabhɨ nʉ ʉbhʉhʉru bhwa kemerano.

Amahocha ga Abhatumwa 10:36

Imubheene mwɨzɨ amangʼana ganʉ Mungu abhahiriirɨ Abhiiziraɨri. Akabharwazɨra Ɨngʼana Ɨnzʉmu korereke bhabhɨ no omorembe na Mungu kʉnzɨra ya Yɨɨsu Kiriisitʉ. Yɨɨsu wuyo newe Ʉmʉkʉrʉ wa abhaatʉ bhʉʉsi.

Abharuumi 5:1

Mmbe, Mungu atʉbharirɨ bhe eheene kʉrɨngʼaana nu ubhwisirirya bhwɨtʉ. Nangʉ tono omorembe na Mungu kʉhɨtɨra Ʉmʉkʉrʉ wɨɨtʉ Yɨɨsu Kiriisitʉ.

Abheefeeso 1:6

Mmbe akumibhwɨ Mungu kʉbhɨgʉngi bhyazɨ, bhɨnʉ atʉhɨɨrɨ bhʉʉha kʉnzɨra yu Umwana waazɨ ʉmʉsɨɨgwa.

Abheefeeso 1:9

Atʉkʉrirɨ twobhoore ɨsɨɨmi yaazɨ yɨnʉ yaarɨ yiibhisirɨ, na akayihicha kʉhɨtɨra kwa Kiriisitʉ, chɨmbu ɨɨndirɨ.

Abheefeeso 2:4

Nawe Mungu nɨ‑wɨ ɨbhɨgʉngi bhyaru, na kʉ kʉbha atʉsɨɨgirɨ kʉbhʉsɨɨgi bhwazɨ ʉbhʉkʉrʉ,

Abheefeeso 2:7

Akakorabhu, korereke erekenʼye kwa bhʉʉsi kwibhaga rɨnʉ rikuuza, ʉbhʉzʉmu bhwazɨ kwa niitwɨ kʉhɨtɨra Yɨɨsu Kiriisitʉ, kʉbhɨgʉngi bhyazɨ bhyaru bhɨnʉ bhɨtaana tɨnɨrʉ.

Abhafiripi 2:11

korereke abhaatʉ bhʉʉsi bhiisiriryɨ Yɨɨsu Kiriisitʉ nɨ‑Mʉkʉrʉ, kʉ ʉbhʉgʉngʉ bhwa Bhaabha Mungu.

Abhafiripi 2:13

Mmbe, mokorebhu kʉ kʉbha Mungu newe akokora emeremo kwa niimwɨ, korereke mʉsɨɨgɨ na kokora amangʼana ganʉ asɨɨgirɨ gakorwe.

Abhakorosaayi 1:20

Na ɨkazomera Mungu, kʉnzɨra yu Umwana waazɨ, Mungu agwatɨɨnʼyɨ ebhegero bhyʉsi neewe, bhɨnʉ bhɨrɨ mʉʉsɨ mʉnʉ na mwisaarʉ. Akakorabhu kwa koreeta omorembe, kʉhɨtɨra amasaahɨ gu Umwana waazɨ ganʉ giitikirɨ kʉmʉsarabha.

2 Abhatɨsarʉʉnikɨ 2:16

Ʉmʉkʉrʉ wɨɨtʉ Yɨɨsu Kiriisitʉ umwene na Bhaabha wɨɨtʉ Mungu wʉnʉ atʉsɨɨgirɨ, na kʉbhɨgʉngi bhyazɨ aratohonʼya kemerano na kotoha ubhwisɨgi ʉbhʉzʉmu.

Ubhwɨrɨkibhwa 5:13

Hayo nikiigwa ibhityɨnyi bhyʉsi mwisaarʉ, kʉʉsɨ, nyaari na mʉnyanza bhɨrɨɨmba kwa hamwɨmwɨ, “Ewe wʉnʉ akwikara kukitumbɨ chɨ ɨkɨtɨmi, nɨ Ɨkɨngʼʉndu, bhakumibhwɨ, bhasuukwɨ, bhahaabhwɨ ʉbhʉgʉngʉ nʉ ʉbhʉnaja kemerano.”