Mataayo 5:6 - Ʉbhʉragɨ Ubhuhya

⁶ Hakɨrɨku bhɨ ɨnzara ne enyoota yo okokora ge eheene, kʉ kʉbha Mungu arabhiigutya.

Mataayo 5:6 ပူးပေါင်းရင်းမြစ်များ

Ruuka 1:53

Bhɨ ɨnzara, abhiigutiryɨ amazʉmu, nawe abhaniibhi abhahɨɨbhirɨ mabhoko bhʉʉha.

Ruuka 6:21

Hakɨrɨku bhanʉ mukwigwa ɨnzara nangwɨnʉ, kʉ kʉbha mʉraaza kwigutibhwa. Hakɨrɨku bhanʉ mʉkʉrɨra nangwɨnʉ, kʉ kʉbha mʉraaza koseka.

Ruuka 6:25

Horeera imwɨ bhanʉ mukwigʉta nangwɨnʉ, kʉ kʉbha mʉraaza kwigwa ɨnzara. Horeera imwɨ bhanʉ mokoseka kwa bhozomerwa nangwɨnʉ, kʉ kʉbha mʉrarɨra na kwarama bhʉkʉngʼu.

Yoohana 4:14

Nawe ʉmʉʉtʉ wʉnʉ akunywa amanzi ganʉ inyɨ nekomoha, atakwigwa enyoota kwikɨ, kemerano. Amanzi ganʉ nekomoha, garabha nchɨ ɨkɨsɨɨzɨ cha amanzi kwewe, kɨrabha kɨrahurucha ʉbhʉhʉru bhwa kemerano.”

Yoohana 6:27

Mʉtakora emeremo igʉrʉ wo kobhona ibhyakurya bhɨnʉ bhɨkʉsarɨka, nawe mʉbhɨ mʉrakora emeremo igʉrʉ wo okobhona ibhyakurya bhɨnʉ bhɨtakʉsarɨka, na bhɨnʉ bhɨkʉbhaha ʉbhʉhʉru bhwa kemerano. Umwana wʉ Ʉmʉʉtʉ arabhaha ibhyakurya bhiyo, kʉ kʉbha Bhaabha Mungu amʉhɨɨrɨ ʉbhʉnaja bhwo okokorabhu.”

Yoohana 7:37

Urusikʉ rwʉ ʉkʉmariirya isigukuru ya Amabhuru, rwarɨ rusikʉ rʉkʉrʉ. Mmbe, Yɨɨsu akiimɨɨrɨra, akagamba kwiraka ikʉrʉ, “Ʉmʉʉtʉ ariigwɨ enyoota, aazɨ kwa niinyɨ, anywɨ amanzi!

Ubhwɨrɨkibhwa 7:16

Bhatakʉbha na nzara nʉʉrʉ nyoota kwikɨ. Bhatakotemwa ʉmwɨ nʉʉrʉ iryʉya ryʉryʉsi.