Abhɨɨbhuraaniya 4:7 - Ʉbhʉragɨ Ubhuhya

⁷ Mungu akatʉʉra urusikʉ ʉrʉndɨ rwu ukusikɨra ahagero hu ukwoyeera, rʉnʉ rwabhirikiirwɨ, “Reero.” Mungu akagambɨra urusikʉ ruyo, kwa myaka myaru gɨnʉ jahitirɨ ja bhawʉsʉʉkʉrʉ kʉtamwa kusikɨra ahagero hayo. Akagamba kʉhɨtɨra kʉmʉtɨmi Daudi amangʼana ganʉ gamarirɨ kʉgambwa, “Reero, hanʉ muriigwɨ riraka rya Mungu, mʉtakora zekoro zaanyu kʉbha kʉngʼu.”

Abhɨɨbhuraaniya 4:7 ပူးပေါင်းရင်းမြစ်များ

Mataayo 22:43

Yɨɨsu akabhabhuurya, “Arɨɨbhɨ gayo nɨ‑ga amaheene, kwakɨ Daudi, hanʉ akʉkangatwa ne Ekoro ya Mungu, aramʉbhɨrɨkɨra Kiriisitʉ, ‘Ʉmʉkʉrʉ’? Akabhuga,

Maaroko 12:36

Hanʉ Daudi umwene aakangatirwɨ ne Ekoro Ɨndɨndu, akabhuga, ‘Ʉmʉkʉrʉ Mungu akabhʉʉrɨra Ʉmʉkʉrʉ waanɨ, “Ikara ʉrʉbhaara rwanɨ rwu ubhuryʉ, kuhika hanʉ nɨkʉtʉʉra abhabhisa bhaazʉ iyaasɨ wa amagʉrʉ gaazʉ.” ’

Ruuka 20:42

Daudi umwene, mʉkɨtabhʉ cha Zabhuri, akabhuga, ‘Ʉmʉkʉrʉ Mungu akabhʉʉrɨra Ʉmʉkʉrʉ waanɨ, “Ikara ʉrʉbhaara rwanɨ rwu ubhuryʉ,

Amahocha ga Abhatumwa 2:29

Peetero akangʼeha kʉgamba, “Abhahiiri bhaanɨ mombeerere, nɨgambɨ kwa bhʉkararu mʉbhʉtangɨ bhwanyu kʉbha zaazi Daudi akakwa, akabhiikwa, ni imbihɨra yaazɨ ɨrɨ ɨwɨɨtʉ hanʉ na reero ɨnʉ.

Amahocha ga Abhatumwa 2:31

Daudi akarora amangʼana ganʉ gakuuza kokorwa, akagamba igʉrʉ wu ukuryʉka kwa Kiriisitʉ, kʉbha, ataatigirwɨ nyaari nʉ ʉmʉbhɨrɨ gwazɨ gʉtaasarikirɨ.

Amahocha ga Abhatumwa 28:25

Mmbe bhatiigwanirɨ abheene kobheene. Hanʉ bhaarɨ bharaja, Paaurʉ akabhabhʉʉrɨra ingʼana rɨmwɨ kʉbha, “Ekoro Ɨndɨndu ɨkagamba amaheene na bhasʉʉkʉrʉ, kʉnzɨra yʉ ʉmʉrʉʉtɨrɨri Isaaya,

Abhɨɨbhuraaniya 3:15

Muhiitɨ ganʉ gaandikirwɨ mʉMaandɨkʉ Amarɨndu, “Reero, hanʉ muriigwɨ riraka rya Mungu, mʉtakora zekoro zaanyu kʉbha kʉngʼu, chɨmbu bhawʉsʉʉkʉrʉ bhaarɨ bhakwanga ʉkʉkangatwa na niinyɨ.”