1 Yoohana 5:3 - Ʉbhʉragɨ Ubhuhya

³ Ʉkʉsɨɨga Mungu nekwe ukugwata amaswaja gaazɨ. Na kugwata amaswaja gaazɨ kʉtarɨ kʉkʉngʼu,

1 Yoohana 5:3 ပူးပေါင်းရင်းမြစ်များ

Mataayo 23:4

Ebho bhahaabhoha imirigʉ imiritʉ na kʉbhagegya abhaatʉ kʉmabhega, nawe abheene bhatakwenda kogorora nʉʉrʉ ichara korereke bhasakiryɨ.

Yoohana 14:15

“Arɨɨbhɨ mʉnsɨɨgirɨ, mʉragwata amaswaja gaanɨ.

Yoohana 15:10

Arɨɨbhɨ mʉragwata amaswaja gaanɨ, mʉrakaja kʉsaaga mʉbhʉsɨɨgi bhwanɨ, chɨmburya inyɨ nigwatirɨ ganʉ Bhaabha answajiryɨ na kʉsaaga mʉbhʉsɨɨgi bhwazɨ.

Yoohana 15:14

Arɨɨbhɨ mʉrakora ganʉ nɨbhaswajiryɨ, imwɨ nɨ‑bhasaani bhaanɨ.

Abharuumi 7:12

Mmbe, emenyekanɨ kʉbha, imigirʉ nɨ‑mɨrɨndu, na amaswaja gaaku gʉʉsi nɨ‑marɨndu, ne‑ge eheene, na nɨ‑mazʉmu.

Abharuumi 7:22

Imigirʉ ja Mungu, nɨgɨsɨɨgirɨ kumwʉyʉ gwanɨ gwʉsi.

Abhɨɨbhuraaniya 8:10

Bhʉnʉ nebhwe ʉbhʉragɨ ubhuhya bhʉnʉ nɨraakore na Abhiiziraɨri kuzisikʉ zɨnʉ zikuuza. Nɨratʉʉra imigirʉ janɨ mumiisɨɨgi gaabhʉ na nɨrajandɨka mozekoro zaabhʉ. Inyɨ nɨrabha Mungu waabhʉ, bhʉʉsi bharabha abhaatʉ bhaanɨ.

1 Yoohana 2:3

Turiigwatɨ imigirʉ ja Mungu, neho tokomenya tumwɨzɨ.

2 Yoohana 1:6

Ʉkʉsɨɨgana nekwe ukugwata amaswaja ga Mungu. Rɨnʉ neryo riswaja rɨnʉ mwigwirɨ kwɨma ʉbhʉtangɨ kʉbha mwikarɨ kwʉ ʉbhʉsɨɨgi.