1 Peetero 5:13 - Ʉbhʉragɨ Ubhuhya

¹³ Abhiisirirya bha risengerero rɨnʉ rɨrɨ Bhaabhɨɨri, abharobhorwa abhakɨndichanyu, bharabhakeerya. Na Maaroko umwana waanɨ arabhakeerya.

1 Peetero 5:13 ပူးပေါင်းရင်းမြစ်များ

Amahocha ga Abhatumwa 12:12

Hanʉ Peetero ʉʉbhʉʉrirɨbhu, akaja wa Mariyamu unina Yoohana, wʉnʉ aarɨ arabhirikirwa Maaroko. Mumujɨ hayo, neho abhiisirirya bhaaru bhaarɨ bhiibhiringirɨ, bharasabhɨra Peetero kwa Mungu.

Amahocha ga Abhatumwa 12:25

Hanʉ Bharinaabha na Sauri bhaamarirɨ emeremo jabhʉ jʉ ʉkʉbhasakirya abhiisirirya bha mʉrʉbhɨri rwa Yɨrusarɨɨmu, bhakagega Yoohana wʉnʉ aarɨ arabhirikirwa Maaroko, bhakagarʉka neewe Antiyʉkiya.

Amahocha ga Abhatumwa 15:37

Korogendo ruyo, Bharinaabha aarɨ areenda bhagege Yoohana wʉnʉ aarɨ arabhirikirwa Maaroko, ajɨ hamwɨmwɨ neebho.

Amahocha ga Abhatumwa 15:39

Gayo gakagirya Paaurʉ na Bharinaabha bhʉʉmanɨ bhʉkʉngʼu, kuhikɨra bhakataana. Bharinaabha akagega Maaroko, bhakaja kubhwatʉ hamwɨmwɨ bhakahika kwiginga rya Kipurʉ.

Abhakorosaayi 4:10

Arisitʉʉrikʉ, wʉnʉ abhʉhirwɨ hamwɨmwɨ na niinyɨ, arabhakeerya. Maaroko umwabhʉ Bharinaabha, wʉnʉ mʉsʉngʼaanirɨ ameerekenʼyʉ igʉrʉ waazɨ, wʉʉsi arabhakeerya. Araahikɨ, mumuginihyɨ bhwaheene.

Firimʉʉni 1:24

Na abhahocha abhakɨndichanɨ Maaroko, Arisitʉʉrikʉ, Deema na Ruuka, bhʉʉsi bharakokeerya.

2 Yoohana 1:1

Inyɨ umwimiiririri wa risengerero, nɨrakwandɨkɨra awɨ umusubhaati wʉnʉ ʉrʉbhwɨrwɨ na Mungu, hamwɨmwɨ na abhaana bhaazʉ bhanʉ nɨsɨɨgirɨ kʉmaheene. Ɨtarɨ inyimwene, nawe na abhandɨ bhʉʉsi bhanʉ bhɨɨzɨ amaheene.

2 Yoohana 1:13

Abhaana bhu umusubhaati waazʉ wʉnʉ arʉbhwɨrwɨ na Mungu, bharakokeerya.

Ubhwɨrɨkibhwa 17:5

Kukishʉshʉ chazɨ ryarɨ ryandikirwɨ iriina rɨnʉ enzobhooro yaku yaarɨ yiibhisirɨ. Iriina iryene nɨ‑rɨnʉ, Ʉrʉbhɨri ʉrʉkʉrʉ rwa Bhaabhɨɨri Unina abhasimbɨ na amiigatanʼyʉ gɨ ɨɨsɨ.

Ubhwɨrɨkibhwa 18:2

Akatiirya riraka ikʉrʉ bhʉkʉngʼu, arabhuga, “Rugwirɨ! Ʉrʉbhɨri ʉrʉkʉrʉ rwa Bhaabhɨɨri rugwirɨ! Nangʉ rʉbhɨɨrɨ nɨ‑hagero hu ukwibhisa zeteemwa zʉʉsi za amasambwa. Rʉbhɨɨrɨ nɨ‑hagero hi ibhinyunyi ibhibhuruuru bhyu ukwigatanʼya.