Zẹkaraya 9:9 - Ika

⁹ Zayọnụ, ghọghọma ọda-ọda! Obodo Jerusalẹm, yi oro ịghọghọ! Lee ẹ, eze i lala d'e kunrun i! Onyẹ ezi-omumẹ lẹ onyẹ-mmẹri k'ọ wụ; o welụa enwẹn ẹ alị, nyinla okẹn jaki, nwa Jaki!

Zẹkaraya 9:9 ပူးပေါင်းရင်းမြစ်များ

Ndị-nze Nke Ibuzọ 1:38

Ya Zadọkụ onyẹ nchụn-ẹjan, Natanị onyẹ-amụma lẹ Bẹnaya nwa Jehoyada lẹ ndị Kẹrẹtị lẹ ndị Pẹlẹtị, ndị nche Defidi, nọ jẹn d'e bu Solomọnụ che elu anyịnyan-mulu Eze wụ Defidi lẹ enwẹn ẹ, du Solomọnụ shi Gihọnụ.

Ẹbụ-ọma 149:2

Ndị Izrẹlụ wẹ ghọghọma makẹ Onyẹ hụn keni wẹ; ẹfọ ya sụọma ndị Zayọnụ ụsụọ makẹ Eze wẹ.

Ẹbụ-ọma 2:6

“E tumẹgụọ m eze m elu ugu Zayọnụ, Ugu nsọ m!!”

Ẹbụ-ọma 45:1

Obi rị a sụọ m ụsụọ, yeni ihiẹn rị mma m chọ nị m ku. Eze kẹ m rị a gwa; ire m wụ ukeke (pẹni) akanwe marịn ọrụn!

Azaya 12:6

Yikẹnmẹ ni oro, ụnụ a bụ ẹbụ ịghọghọ, ụnụ ndị Zayọnụ, makẹni Onyẹ-nsọ Izrẹlụ e mẹkẹ okẹn-ihiẹn imẹ igunrun ụnụ!”

Azaya 30:6

Lee ihiẹn Osolobuẹ ku banyeni anụmanụ ndị rị alị-ọkpọnkụn Nẹgẹvụ: Alị ọkpọ-nkụn hụ afụnfụn lẹ nsọngbu rị, alị okẹn-ẹwọrọ lẹ onyẹnnyẹ-ẹwọrọ rị, alị ẹjụ-alị lẹ eje-agwọ ichẹn-ichẹn jun — ịya kẹ ndị ụkọ wẹ zi fetuchanrịn — wẹ lẹ ihiẹn bugbu enwẹn ẹ ọda wẹ bu elu jaki lẹ ihiẹn ndị rị mkpa wẹ bu elu anyịnyan-mkpukpuke, hụn wẹ bujẹnkọnị ndị alị ahụn nwọnlẹni erere o k'a bannị wẹ,

Azaya 33:22

Makẹni Osolobuẹ wụ onyẹ a hannị ẹnyi eṅẹn; Osolobuẹ wụ onyẹ e ye ẹnyi iwu; Osolobuẹ wụ eze ẹnyi. Ịya jẹnkọ d'a zụọpụha ẹnyi.

Azaya 40:9

Ịyụ hụn wẹhẹni Zayọnụ ozi rị mma, nyinrin nwan ugu jẹn elu n'ị hị. Ịyụ hụn wẹhẹni Jerusalẹm ozi rị mma, weshi olu elu yikẹnmẹ oro! Weshi olu elu — atụlẹ egun; sị obodo ndị rị Juda: “Lee ni Chuku ụnụ!”

Azaya 43:11

Mmẹ wụ Osolobuẹ, mmẹ lẹ enwẹn m, wezụka m, onyẹ-nzụọpụha ọzọ arịa.

Azaya 43:3

makẹni mmẹ wụ Osolobuẹ, hụn wụ Chuku ụnụ, Onyẹ-nsọ Izrẹlụ, Onyẹ Azụọpụhanị ụnụ; mmẹ gi Ijiptu gbarị isi ụnụ, gizikwọ Ẹtiopịa lẹ Sẹba gbarị ụnụ.

Azaya 45:21

Gwalele ni m nwan ihiẹn k'e mẹ ihun, ku n'ẹ nwan! Wẹ tụgbama iroro kin ihiẹn wẹ k'e kin! Onyẹ kutọ oku ihiẹn ndịnị rị e mẹ kikẹnni? Onyẹ ku oku wẹ mbụ-mbụ — karị mmẹ wụ Osolobuẹ? Onwọnzikwọnị Chuku ọzọ rịnị wezụka m — Chuku hụn rị ọchan, hụn a zụọpụhanị; ọzọ arịa wezụka mmẹ.

Azaya 52:7

Ụkụ ndịnị fetula ugu arịka mma-o! Ụkụ ndị ahụn wela ozi rị mma! Ndị bịa d'e ku ni ihiẹn a rịgụọ mma, ndị wẹhẹ ozi rị mma, ndị rị a hị nị nzụọpụha a bịagụọ, ndị rị a sị ndị Zayọnụ, “Chuku ụnụ wụ eze!”

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Azaya 62:11

Osolobuẹ a hịgụọ a ghagbama ụwa ile, sị, “Sị nị obodo Zayọnụ, ‘Lẹhụ Onyẹ-nzụọpụha ị k'ọ lala! Lee ụmụ ị ọ kịla n'o gi hụhụ ị; ya lẹ ihiẹn ọ rụnpụha wị lala.’ ”

Jerimaya 30:9

“Osolobuẹ wụ Chuku wẹ kẹ wẹ k'e femẹ, ya lẹ eze wẹ onyẹ ẹbozo Defidi hụn m k'e wepụhanị wẹ.

Izikẹlụ 21:32

Ị k'a wụrụ nkụn wẹ gi a fiye ọkụn; ẹdeke i k'e huru alị ị, anyanhankọzị wẹ i. Mmẹ wụ Osolobuẹ e kuọl'a.’ ”

Hosia 1:7

Kanị, m k'e mẹni ndị hụn rị Juda omikẹn; m k'e gi ikẹn ahụn m gi wụ Osolobuẹ, Chuku wẹ, zụọpụha wẹ. Egikọ m ụta mọbụ ọpịa-agha mẹ ẹ, egikọ m agha mọbụ ẹshin mọbụ ndị gi ẹshin-agha a lụ mẹ ẹ.”

Maịka 4:8

Ịyụ nwẹn, Jerusalẹm, Okẹn ụlọ-nche atụnrụn Osolobuẹ, Ebẹhụ zeni ndị Zayọnụ a gbaban, ọkịkị hụn te wụ nke i lalazị, Jerusalẹm k'e rizi eze!

Maịka 5:2

Kanị, ịyụ, Bẹt'lẹhẹm Ẹfrata, hụn nwọnlẹni ihiẹn ọ wụ imẹ ebọn ndị rị Juda, imẹ i kẹ onyẹ-ọkịkị a gha pụhanị m, d'a kị ndị Izrẹlụ, Onyẹ hụn rị ẹdẹi, rị kete-kete.

Zẹkaraya 2:10

Osolobuẹ sị, “Ndị Zayọnụ, bụma nị ẹbụ, ghọghọma nị, nị m lala d'e biri imẹ igunrun ụnụ. Ya kẹ Osolobuẹ ku.

Matiu 1:21

O k'a mụ okẹnnyẹ. I jẹnkọ d'a gụn nwa hụ Jesu (Jizọsị) makẹni ịya jẹnkọ d'a zụọpụha ndị nke ẹ imẹ njọ wẹ.”

Matiu 11:29

Yiri ni agbụn yoku m, ụnụ a mụnarịn m; makẹni, m rị jụụ, e welụa enwẹn m alị imẹ obi. Ụnụ mẹ ẹ, umẹ-ndụn ụnụ e nwọnrin ezumikẹn.

Matiu 2:2

a jụ, “Elebe kẹ onyẹ hụ wẹ mụ nke ọhụn hụn wụ eze ndị Ju rị? Makẹni, ẹnyi a hụnọlẹ okokisẹ hụn ku oku ẹ k'ọ pụha azụụn ọwụwa-ẹnyanwụn ebe ẹnyi gha bịa; ẹnyi bịa d'a kụn'a isi alị.”

Makị 11:7

E wẹhẹni wẹ Jesu nwa-jaki hụ, ya wẹ nọ gbama ẹwuru wẹ ye elu ẹ, Jesu nọ nọdị alị elu ẹ.

Luku 24:27

Ya Jizọsị nọ gha ihiẹn Mozizi de imẹ Ẹkụkwọ-nsọ lẹ ihiẹn ndị-amụma ile de kọwachanrịn nị wẹ ihiẹn ile Ẹkụkwọ-nsọ ku banyeni enwẹn ẹ.

Jọnụ 1:49

Natanẹlụ nọ sị, “Onyẹ-nkuzi, eziẹ ịyụ wụ Nwa Osolobuẹ; ịyụ wụ Eze ndị Izrẹlụ!”

Jọnụ 19:15

Wẹ nọ yi, “Gbu ẹ! Gbu ẹ! Kpọgbu ẹ!” Paịleti nọ sị wẹ, “Ụnụ chọ nị m kpọgbu eze ụnụ?” Ndị-isi nchụn-ẹjan nọ sị a, “Siza, eze Rom, ịya sụọ wụ eze ẹnyi nwọn!”

Ndị Han Eṅẹn 10:4

Ikẹnnyẹ iri kwasị ọgụn k'ọ mụ; w'e nyin jaki iri kwasị ọgụn; obodo iri kwasị ọgụn rị okpuru wẹ imẹ alị Gilẹdị. Javotu-Jaịrị hụn wụ “Ụmụ-alị Jaịrị” kẹ w'a kpọkwọ nwan obodo ndị hụ d'e ru tannị.