Zẹkaraya 9:8 - Ika

⁸ E weri m ọnọdị che Ụlọ m nche, a zọtịtabehi wẹ alị m; onwọnzini onyẹ k'a ghan'a n'ọ bịangbu wẹ, makẹni ẹnya m hụ a hụn ihiẹn rị e mẹni.

Zẹkaraya 9:8 ပူးပေါင်းရင်းမြစ်များ

Samuẹlụ Nke Ẹbụọ 16:12

Ikẹnkwọ Osolobuẹ a hụn ihiẹn wẹ rị e mẹ m, gi ezigbo ihiẹn kụ m ụgwọ iyini m rị a narịn tannị.”

Ndị-nze Nke Ẹbụọ 19:34

M k'e gi ufiri ẹfan m lẹ ufiri odibo m wụ Defidi nọ obodoni ye azụụn, zụọpụha a.”

Ndị-nze Nke Ẹbụọ 23:29

Kẹ Josaya rị a kị, Fẹro wụ Nẹko, eze Ijiptu, jẹn Iyi-Yufretisi d'e yeni eze Asiria ẹka lụ agha. Ya eze wụ Josaya nọ jẹn d'a maye ẹ ọgụn, Nẹko nọ sọn ẹ lụ, gbu ẹ imẹ obodo Mẹgido hụn o gihụ hụn a.

Ndị-nze Nke Ẹbụọ 24:1

Ogẹn Jehoyakim gi rị a kị, Nebukadineza wụ eze Babilọnụ nọ bịa ọgụn. Jehoyakim lẹ ndị Juda nọ rị okpuru ẹ ọrọgbọ ahụa ẹtọ. Kanị, o mẹgụ, Jehoyakim nọ rohutọ, femẹni Nebukadineza isi.

Ẹbụ-ọma 34:7

Mmọn-ozi Osolobuẹ e fihunmẹ ndị hụn a tụ egun Osolobuẹ; ọ gbapụha wẹ a gbapụha.

Ẹbụ-ọma 72:4

Eze ya kinni ndị ụya rị e ri ọnụ wẹ; ya gbapụha ụmụ ndị ẹka wẹ rulẹni, gweriẹn onyẹ rị a bịangbuni.

Ọpụpụ 3:7

Osolobuẹ nọ sị, “A hụngụọ m ụya ndị nke m rị e ri imẹ alị Ijiptu. A nụọlẹ m ẹkwan wẹ rị a kwan ẹka ndị rị a kpa wẹ nọkẹ igbọn. A marịngụọ m afụnfụn wẹ rị a ta.

Ọpụpụ 3:9

A nụọlẹ m nwan ẹkwan ndị Izrẹlụ rị a kwan; a hụngụọzị m kẹ ndị Ijiptu gi rị a bịangbu wẹ.

Itẹn 3:25

Atụlẹ egun nsọngbu idẹnmuzi mọbụ egun ntikpọ hụn e kunrun ndị e mẹ eje-ihiẹn.

Azaya 26:1

Ogẹn ahụn, wẹ k'a bụ ẹbụnị imẹ Juda: Ẹnyi e nwọnghọ obodo zeni; Chuku e gigụọ nzụọpụha mẹmẹ mgbọn ẹ lẹ ebe w'a gbaban rịn'a.

Azaya 31:5

Kẹ nnụnụ dọn e fehunmẹ ẹkụ a, ẹrịra kẹ Osolobuẹ ihiẹn ile rị okpuru ẹ k'a dọn chemẹ Jerusalẹm; o k'e che ẹ nche, zụọpụha a; o k'a ghafe elu ẹ, onwọnni ihiẹn o k'e mẹ ẹ; o k'a zụọpụha a.

Azaya 4:5

Ogẹn ahụn, Osolobuẹ k'a rị e gi orukpu lọtọ kẹ ẹnwụnrụn e kpumẹ Ugu Zayọnụ ebe eki rị elu, ya lẹ ndị ile zu ebahụn, e gi ọkụn rị e nwunni e kpumẹ wẹ imẹ uhinhin. Ọghọ wẹ ile sikọ d'e nwọn okpukpu.

Azaya 52:1

Tẹnhin! Tẹnhin! Zayọnụ, tẹnhin! Jeri ikẹn lekẹ ẹkwa. Obodo nsọ wụ Jerusalẹm, yiri ẹwuru ọma ị; ndị ahụn wẹ kwalẹni ugun, ndị ahụn rịlẹni ụchan, abanhankọzị imẹ i.

Azaya 52:12

Kanị ẹlẹ hụn ụnụ k'e gi hụhụ pụ, ẹlẹ hụn ụnụ e gi gi ọsọ pụ. Makẹni, Osolobuẹ sikọ d'e buruni ụnụ ụzọ; Osolobuẹ wụ Chuku Izrẹlụ sikọ d'a kpanrịnzịkwọnị ụnụ azụụn.

Azaya 54:14

I k'e gi ezi-omumẹ turu: Onwọnni onyẹ k'a kịgbun'i, onwọnni ihiẹn i k'a tụ egun ẹ. Ihiẹn k'a tụ ị okẹn egun anọkunmẹkọ ị kaka; ọ nọkunmẹkọ ị.

Azaya 60:18

Anụkọzị wẹ ukwere egbu-lẹ-egbu imẹ alị ụnụ; ahụnkọzịkwọ wẹ ntikpọ lẹ owiwi ebe ọwụlẹ wụ nke ụnụ. Nzụọpụha k'e fihunmẹ ụnụ lekẹ mgbọn; ọnụ-mgbọn ụnụ a zama Ịja-mma Osolobuẹ.

Jerimaya 31:12

Wẹ k'a bịa d'a nọ elu Ugu Zayọnụ yi oro ịghọghọ, e nwọn anwịnrịn ọda-ọda nị Osolobuẹ e yekẹ wẹ ihiẹn — kẹ ọka kẹ manya-ọhụn a sụọ ụsụọ kẹ ofugbọn-olivu kẹ mmụ ewu lẹ atụnrụn lẹ efin. Wẹ k'a rị e dẹn kẹ ugbo mirin rị ọhụnma. Akwankọzị wẹ ụya.

Jerimaya 46:13

Ọnwan wụ ihiẹn Osolobuẹ gwa onyẹ-amụma wụ Jerimaya banyeni ọbịbịa Nebukadineza wụ eze Babilọnụ k'a bịa d'a lụsọn alị Ijiptu agha:

Jerimaya 46:2

Nke Ijiptu: ihiẹnni kẹ Osolobuẹ ku banyeni ndị-agha Fẹro Nẹko, eze Ijiptu — ndị-agha a hụn Nebukadineza wụ eze Babilọnụ mẹri imẹ alị Kakẹmishi, mkpẹnrẹn Iyi-Yufretisi ahụa nke ẹnọ eze wụ Jehoyakim nwa Josaya kịma Juda:

Izikẹlụ 39:29

Ebupụkọzị m wẹ ihun ogẹn ahụn, makẹni m k'e hu Mmọn m kpu wẹ wụ ebọn Izrẹlụ. Ya kẹ Osolobuẹ Nwọn Ihiẹn Ile ku.”

Emọsụ 9:15

M jẹnkọ d'a kụn Izrẹlụ ye alị wẹ, onwọnni ogẹn wẹ e gi bụpụzị wẹ alị hụn m ye wẹ.” Osolobuẹ wụ Chuku ụnụ e kugụọ a!

Zẹkaraya 12:4

Osolobuẹ sị: o ru ogẹn hụ, m k'e bu egun che ẹshin ile ẹnya, tụ ndị rị e nyinn'ẹ ẹra. Kanị, m k'e dọnrin ẹnya lepụ ndị Juda ẹnya, mẹ ẹnya kpu ẹshin-agha alị ndị ọzọ ishi.

Zẹkaraya 12:8

O ru ogẹn hụ, Osolobuẹ k'e che ndị bi Jerusalẹm nche; ndị ndụn te rịlẹni imẹ wẹ ogẹn ahụn k'e zedẹ kẹ Defidi; ebọn Defidi wụ eze k'a rị kẹ Chuku lẹ enwẹn ẹ, nọkẹ mmọn-ozi Osolobuẹ, buruni wẹ ụzọ.

Zẹkaraya 14:11

Ịhịan k'e bisọnmẹ imẹ Jerusalẹm; onwọnzini ogẹn w'e gi tikpọ a ru alị; onwọnzini ihiẹn k'e mẹ Jerusalẹm.

Zẹkaraya 9:7

M sikọ d'a napụ wẹ ẹdeke-anụ ahụn w'e ri, napụsọnmẹ wẹ ihiẹn ile rụnị w'e ri; alị Filistia k'e họnrinzịkwọ nke Osolobuẹ ẹnyi; o k'a wụrụ ẹbozo imẹ ebọn Juda, ndị Ẹkrọnụ nkẹ k'a wụrụ ndị nke m nọkẹ kẹ ndị Jebusu dọn wụ.

Ọrụn Ndị-ozi 7:34

Gọn ntịn: a hụnchanrịngụọ m eje-afụnfụn ndị nke m rị a ta imẹ Ijiptu; a nụọlẹ m udẹn wẹ rị a sụn; a bịaọlẹ m nwan d'a zụọpụha wẹ. Bịa nwan nị m zijẹn i Ijiptu.’

Rẹvẹleshọnụ 20:9

Wẹ nọ ghakwọrị ebe wẹ rị fetu alị ichẹn-ichẹn rị elu-ụwa bịa d'e fihunmẹ ebẹhụ ndị nke Osolobuẹ rị lẹ obodo ahụn a sụọ Osolobuẹ; kanị, ọkụn nọ gha elu-igwee hidan, bu wẹ ile ri.