Zẹkaraya 9:5 - Ika

⁵ Ndị obodo Ash'kẹlọnụ k'a hụn ihiẹn mẹ Taya, egun a bịa wẹ; ndị obodo Gaza k'a hụn a, mama kpakpakpa yeni egun; ẹrịra k'ọ k'a rịzịnị ndị obodo Ẹkrọnụ, makẹni o kpuyegụọ wẹ! Nke ndị obodo Gaza, eze wẹ k'a nwụn! Obodo Ash'kẹlọnụ k'a gba okpokoro!

Zẹkaraya 9:5 ပူးပေါင်းရင်းမြစ်များ

Azaya 14:28

Ahụa eze Juda wụ Ahazị nwụn kẹ Osolobuẹ zi m ozini banyeni alị Filistia:

Jerimaya 47:1

Ọnwan wụ ihiẹn Osolobuẹ gwa Jerimaya onyẹ-amụma banyeni ndị alị Filistia kẹ Fẹro kelẹni lụsọn obodo Gaza agha.

Juwẹlụ 3:4

“Elee hụn biri mmẹ lẹ ụnụ, alị Taya-lẹ-Sidọnụ lẹ alị ile rị ẹgbẹrẹ alị Filistia? Mmẹgwarị kẹ ụnụ rịdẹ a chọ nị ụnụ mẹgwarị m ra? Omẹni mmẹgwarị rọ, m k'e hu ihiẹn ụnụ rị e mẹ kpu ụnụ isi; m k'e mẹ ẹ, mẹ ẹ ozigbo-ozigbo!

Emọsụ 1:6

Osolobuẹ sị, “Makẹ njọ ẹtọ obodo Gaza rị alị Filistia mẹ, njọ ẹnọ dẹ, erohutọkọ m; m k'e yerịrị wẹ afụnfụn makẹ alị ahụn wẹ kpụnrụn ndị ile rịn'a reye ndị alị Ẹdọm.

Emọsụ 1:8

M k'e gbu ndị rị obodo Ash'dọdụ Filistia lẹ eze rị a kị obodo Ash'kẹlọnụ Filistia; m k'e mẹshi ndị rị obodo Ẹkrọnụ Filistia ikẹn; ndị Filistia họdụnị jẹnkọ d'a nwụnzị. Osolobuẹ wụ Chuku e kugụọ a!”

Zẹkaraya 9:4

Kanị Di-nwọnni-ẹnyi k'a napụ a ihiẹn ile o nwọn, tikpọ akụ-lẹ-ụba ile ohimin e wẹhẹn'ẹ ẹ la iwi; ọkụn sikọ d'e ripụ alị Taya.

Zẹkaraya 9:6

Obodo Ash'dọdụ k'e họnrin alị agwagwa! M k'a kụsị mbọnmẹ ndị Filistia.

Ọrụn Ndị-ozi 8:26

Ya mmọn-ozi Di-nwọnni-ẹnyi nọ sị Filipu, “Lihi, shi ụzọ hụ rị ẹbamịn ndịdan-mirin hụn gha Jerusalẹm pụ Gaza.” (W'a ra ghaka ụzọnị.)

Ndị Rom 5:5

bụ olilẹnyanị ekpuyekọ ẹnyi, makẹni Osolobuẹ nwọn ihiẹn-ọsụsụọ ẹnyi ọda-ọda — o hugụọd'a ye ẹnyi imẹ obi ghahanị Mmọn-nsọ a o ye ẹnyi.

Ndị Filipi 1:20

M nwọn olilẹnya ọda-ọda nị egikọ m egun mẹ ihiẹn ifẹnrẹn e gi mẹ m; kama, nị m k'e kuzi oku Kraịstị kikẹnni, kushi ẹ ikẹn kẹ m dọn e ku ẹ mbụ, gi ẹhụ m buli Kraịstị elu, omẹni ịrịn'a ndụn rọ, omẹni ịnwụnn'a ọnwụn rọ.