Zẹkaraya 9:3 - Ika

³ Alị Taya a tụnhunmẹgụọ enwẹn ẹ mgbọn zegbu enwẹn ẹ; o kpọngụọ siliva kpọnjun nọkẹ ẹjan, kpọn goru kpọnjun nọkẹ ịkpọtọ rị ụzọ.

Zẹkaraya 9:3 ပူးပေါင်းရင်းမြစ်များ

Samuẹlụ Nke Ẹbụọ 24:7

Wẹ nọ gha ebẹhụ shi obodo Taya wẹ tụnhunmẹ mgbọn lẹ obodo ndị rị Hivu lẹ ndị Kenaanị. O mẹgụ, wẹ nọ nwan shi Biẹshẹba rị atụ alị-ọkpọnkụn Juda.

Ndị-nze Nke Ibuzọ 10:21

Ezigbo goru wẹ buchelẹni ihiẹn ọzọ kẹ wẹ gi mẹmẹ mkpu ile Eze wụ Solomọnụ nwọn; goru kẹ wẹ gi mẹmẹ arịa ile rị obi-eze ẹ, “Obi-eze Ẹgboko Lẹbanọnụ”. Onwọnni ihiẹn wẹ gi siliva mẹmẹ, makẹni w'e lelịa siliva elelịa ogẹn Solomọnụ.

Ndị-nze Nke Ibuzọ 10:27

Eze wụ Solomọnụ mẹ siliva barahị imẹ Jerusalẹm nọkẹ akpụrụ-iyi, mẹ osisi sida jun ụzọ ile kẹ osisi sikamọ-figi dọn jun Shẹfẹla — ukun ugu ndị rị Juda.

Jobu 22:24

ma akpụrụ goru ndị i nwọn ye imẹ uzunzun, madẹ goru ọma ị hụn gha alị-Ofiri bịa ye imẹ ọmụma rị alị iyi udu-mirin.

Jobu 27:16

Ọsụọn'a n'o kpọntọ siliva kẹ ẹjan, kpọn ẹkwa jun nọkẹ elumelu ụrụa,

Jobu 3:15

mmẹ lẹ ndị ọkịkị hụn te nwọn goru, ndị te kpọn siliva kpọnjun iwe wẹ.

Azaya 23:11

Osolobuẹ e bugụọ ẹka zinmẹ ohimin, e mẹhunmẹ alị-eze ndị rịn'a. Ọ sịgụọ wẹ mẹ Finishịa ihiẹn, wẹ tikpọpụ ebe ile rịn'a wẹ gisọnmẹ e dọn ẹnya.

Azaya 23:8

Onyẹ rotọnị Taya eje-ihiẹnni? Taya hụn te e tumẹni ndị ọzọ ndị-nze, hụn ndị afịa wẹ wụ okẹn-ịhịan okẹn-ịhịan, hụn wẹ a nụ ẹfan ndị-afịa a elu ụwa ile?

Izikẹlụ 26:12

Wẹ k'a kwarị akụ-lẹ-ụba ị, kpọnrin ibu afịa ị; wẹ k'e tikpọpụ mgbọn i, kụkpọchanrịn ụlọ-ọma ị ile, nu ọmụma ị lẹ ogwe osisi lẹ ẹjan wẹ gi tụn ị ye imẹ ohimin.

Izikẹlụ 27:27

Ẹfe i, afịa ị lẹ ibu-afịa ị, ndị a nyann'ị ụgbọ, ndị-isi ụgbọ ị lẹ ndị e dọnzini y'ẹ, ndị a zụnị ị afịa, ndị-agha ị ile rị imẹ i lẹ ndị ile rị imẹ i wẹ ile e ruban imẹ-imẹ ohimin, ụhụọhịn ọdịdan ị.

Izikẹlụ 27:33

Ibu-afịa ị te fetu ohimin e ye ndị alị bu ọda ihiẹn wẹ chọ; i te gi okẹn akụ-lẹ-ụba ị lẹ afịa ị e mẹ ndị-nze ụwa e hi ọdanfịn.

Izikẹlụ 27:34

Kanị ohimin e tikpọgụọ ị nwan tọ imẹ mirin ẹ. Ibu-afịa ị lẹ ndị ile rị imẹ i e sọngụọ ị ruban akpakalị ohimin.

Izikẹlụ 28:1

Osolobuẹ nọ sị m:

Emọsụ 1:9

Osolobuẹ sị, “Makẹ njọ ẹtọ obodo Taya mẹ, njọ ẹnọ dẹ, erohutọkọ m; m k'e yerịrị wẹ afụnfụn makẹ alị ahụn wẹ kpụnrụn ndị ile rịn'a reye ndị alị Ẹdọm. Anyanhandẹni mẹ obi nwẹnẹ.

Joshụa 19:29

ebẹhụ kẹ azụụn ahụn nọ gbegi, shi Rama, ruzi obodo Taya hụn wẹ tụnhunmẹ mgbọn, gbegi, shi Hosa, pụha ẹgbẹrẹ Akizibu, d'e jẹndemẹ Ohimin Uku Mẹditerenia,