Zẹkaraya 9:17 - Ika

¹⁷ Alị wẹ k'a rịchanrịn mma, a la ẹnya! Ọka k'e jun, ikorọbịa hụ e gi ẹ a ban ihiẹn; manya-vaịnị e jun, ịgbagba hụ e gi ẹ a ban ihiẹn.

Zẹkaraya 9:17 ပူးပေါင်းရင်းမြစ်များ

Ẹbụ-ọma 144:12

Zụọpụha ẹnyi, kẹni ụmụ ẹnyi ikẹnnyẹ suepụha, a nọ wẹ kẹ ihiẹn-akụnkụn suegụnị, ụmụ ẹnyi ikpoho a rị kẹ adansụn wẹ tụ ọhụnma hụn wẹ gi chọ obi-eze mma;

Ẹbụ-ọma 145:7

Wẹ k'a e ku oku ọhụnma ile bu ọda hụn i mẹ, e gi ezi-omumẹ i a bụshi ẹbụ elu.

Ẹbụ-ọma 27:4

Ihiẹn ohu kẹ m'a rịọ Osolobuẹ, ịya kẹ m'a chọkẹnmẹ: ibiri imẹ Ụlọ Osolobuẹ ndụn m ile: e lee kẹ Osolobuẹ mahan mma, a nọ Ụlọ-NSỌ a e ro ẹ, e fe ẹ.

Ẹbụ-ọma 31:19

Lee ihiẹn ile rị mma i nwọn — hụn i butọnị ndị a tụ egun i, hụn y'a rụnnị ndị gbaburun'i hụn ya rụn idẹnya ịhịan ile.

Ẹbụ-ọma 36:7

Ihiẹn-ọsụsụọ ị enwọn ihiẹn wẹ e gi jen'ẹ! Kẹ ndị uku kẹ ndị-nta a gbaban igungun nku i.

Ẹbụ-ọma 45:2

Ịyụ kachanrịn ikẹnnyẹ ile okorọbịa e pu! Oku ọnụ ị a rịka mma — ya wụnị Chuku a gọzigụọ ị jẹnrin ejẹn!

Ẹbụ-ọma 50:2

Zayọnụ, obodo ahụn mma a zu oke, k'ọ gha nwunla kẹ ukpẹ.

Ẹbụ-ọma 86:15

Kanị Osolobuẹ, ị wụ Chuku omikẹn hụn e mẹyeni ịhịan, Chuku hụn ghalẹni e bukẹnrin olulu, onyẹ okẹn ihiẹn-ọsụsụọ hụn e mẹsọnmẹ hụn run'ẹ.

Ẹbụ-ọma 86:5

Makẹni y'a rịka mma, Osolobuẹ; y'a gbagharị njọ; y'a ghọsị ndị a kpọkun'i ihiẹn-ọsụsụọ ọda-ọda.

Ẹbụ-ọma 90:17

Ọhụnma Osolobuẹ wụ Chuku ẹnyi ya ru ẹnyi ẹka; ya mẹ ihiẹn ẹnyi buche ẹka ghanị ẹnyi; ya dodo mẹ ihiẹn ẹnyi buche ẹka gha ihun!

Ọpụpụ 15:11

“Euu Osolobuẹ, elee mmọn nọ kẹ yụ? Onyẹ nọ kẹ yụ — hụn rị nsọ pụ-ichẹn; hụn e mẹ ihiẹn a tụ egun w'a ja mma; hụn a rụn ọrụn atụmẹnya?

Ẹbụ Solomọnụ 5:10

Nke-m e gbukepụ egbukepụ, ẹhụ rị a mma, ọ rịdẹ ichẹn imẹ mmadụ nnụ-uku iri.

Ẹbụ Solomọnụ 7:9

ya sụọzịkwọ kẹ manya kachanrịn mma. Manya hụ ya hujẹnni Nke-m — ya gi nwayọ gha a ụgb'ọnụ lẹ eze.

Azaya 33:17

Ẹnya ụnụ k'a hụn eze lẹ ọghọ a, hụnzị alịnị k'ọ shịawaye ẹfọ.

Azaya 63:15

Dodo, gha nwan elu-igwee lee ẹnya, gha okẹn ukpo-eze i ahụn rị nsọ lee ẹnya alị!! Ọrịrịmma ẹnyi ara dụzịdẹ ị ra? Ebe ikẹn i rị nwan? Y'a ra gizi ẹfọma lẹ omikẹn sọn ẹnyi.

Azaya 63:7

M k'e ku oku ẹfọma ile Osolobuẹ mẹ, ihiẹn ndị o mẹ hụn w'e gi ja a mma; m k'e ku ihiẹn ile Osolobuẹ mẹni ẹnyi — ẹghẹẹ, ihiẹn-ọma bu ọda o mẹni ikpụlọ Izrẹlụ, ihiẹn ndị o mẹ yeni omikẹn lẹ okẹn ẹfọma a.

Jerimaya 31:12

Wẹ k'a bịa d'a nọ elu Ugu Zayọnụ yi oro ịghọghọ, e nwọn anwịnrịn ọda-ọda nị Osolobuẹ e yekẹ wẹ ihiẹn — kẹ ọka kẹ manya-ọhụn a sụọ ụsụọ kẹ ofugbọn-olivu kẹ mmụ ewu lẹ atụnrụn lẹ efin. Wẹ k'a rị e dẹn kẹ ugbo mirin rị ọhụnma. Akwankọzị wẹ ụya.

Jerimaya 31:14

M k'e ye ndị nchụn-ẹjan ihiẹn ọda-ọda; ndị nke m k'e rijun ẹfọ ọhụnma-ọhụnma.” Ya kẹ Osolobuẹ ku.

Juwẹlụ 2:26

Ụnụ k'a hụn ihiẹn-oriri ri ọhụnma-ọhụnma, ẹfọ e jun ụnụ, ụnụ a ja ẹfan Osolobuẹ wụ Chuku ụnụ mma, onyẹ hụn rụn nị ụnụ okẹn ọrụn atụmẹnya. Onwọnzini ogẹn ụya e gi ri ndị nke m.

Juwẹlụ 3:18

O ru ogẹn ahụn, ugu ndịnị k'e ye manya vaịnị ọda-ọda; elu-òke ndịnị e ye mirin-ẹran efin ọda-ọda mirin k'e jun iyi ile rị alị Juda; Isi-mirin k'a rị Ụlọ Osolobuẹ hụn mirin ẹ k'a gha e hupụha, a gba Ọdanmgbugbu Shitim mirin.

Jọnụ 1:14

Oku Chuku nọ họnrin ịhịan, sọn ẹnyi biri elu-ụwa. Ẹfọma lẹ ezioku jun imẹ ẹ! Ẹnyi a hụnọlẹ ikpẹn ẹ, ikpẹn akpụ Nwa ohu Chuku-Nẹdi mụ rọ.

Jọnụ 3:16

“Makẹni Osolobuẹ nwọn ihiẹn-ọsụsụọ ndị rị ụwa ọda-ọda, ya haịn o gi we akpụ Nwa ohu o nwọn ye, n'ọ wụrụ nị onyẹ ọwụlẹ kwerinin'ẹ alakọ iwi, kama o nwọn ndụn itẹbitẹ.

Ndị Rom 5:20

Iwu Mozizi banhanhụ d'e mẹ ịhịan danwaye iwu. Kanị ebe njọ nọ barahị kẹ ẹfọma Osolobuẹ nọ a karịdẹ ẹka —

Ndị Rom 5:8

Kanị, nke Osolobuẹ, ọ ghọsịgụọ ẹnyi n'o nwọn ihiẹn-ọsụsụọ ẹnyi ọda-ọda ebe Kraịstị nọ nwụnnị ẹnyi kẹ ẹnyi rịkwọ imẹ njọ!