Zẹkaraya 9:14 - Ika

¹⁴ Osolobuẹ k'a pụha imẹ elu azụụn nke wẹ; gbama ọbara-ụta a nọkẹ amụma! Chuku nwọn ihiẹn ile k'e gbu opi-agha, gi okẹn ufere gha ẹbamịn ọwụwa-ẹnyanwụn zụnshi agha.

Zẹkaraya 9:14 ပူးပေါင်းရင်းမြစ်များ

Jobu 37:9

Okẹn ẹbi a gha ọnọdị a a kpọha; ufere oyi a gha ẹbamịn-ugu e fehẹ.

Ẹbụ-ọma 18:14

Ọ nọ gba ụta a — gi ẹ chụzịza ndị-iṅẹnrẹn; o gi amụma rị e be ọda-ọda mẹri wẹ okẹn mmẹri.

Ẹbụ-ọma 18:15

Akpakalị ohimin nọ pụha ifọn; iyetọ ụwa nọ kpupụ — ogẹn hụ yụ wụ Osolobuẹ gi bigbọ, ogẹn ahụn i gi gi imi kun okẹn uzun ahụn kpu wẹ.

Azaya 18:3

Ụnụ ile rị ụwa, ụnụ ndị bi elu-ụwa! Ụnụ k'a hụn a kẹ w'a hụn flagị-ahịma rị elu ugu; Ụnụ jẹnkọ d'a nụ a kẹ w'a nụ opi.

Azaya 21:1

Ọnwan wụ ihiẹn Chuku ku banyeni Alị ọkpọ-nkụn ahụn nọkunmẹ Ohimin: Kẹ okẹn ufere dọn a gha ẹbamịn ndịdan-mirin wụ Nẹgẹvụ a fehẹ, ẹrịra kẹ wẹ gha nwan alị-ọkpọnkụn lala d'a maye i, Babilọnụ; wẹ gha eje-alị w'a tụ egun ẹ lala.

Azaya 27:13

O ru ogẹn ahụn, okẹn opi k'a han, ndị Izrẹlụ ile hụn rị alị Asiria a la iwi lẹ ndị ile wẹ kpụnshi alị Ijiptu k'a lụa d'a nọ elu ugu nsọ hụ rị Jerusalẹm fe Osolobuẹ.

Azaya 30:30

Osolobuẹ jẹnkọ d'e mẹ ịhịan nụ okẹn olu ẹ, mẹ wẹ hụn ẹka a k'ọ gha elu lala d'e mẹ wẹ ihiẹn — eje-ọnụma lẹ ọkụn rị a dụnnị lẹ ẹbi lẹ akpara lẹ ẹkwan-igwere k'o k'e gi bịa.

Azaya 31:5

Kẹ nnụnụ dọn e fehunmẹ ẹkụ a, ẹrịra kẹ Osolobuẹ ihiẹn ile rị okpuru ẹ k'a dọn chemẹ Jerusalẹm; o k'e che ẹ nche, zụọpụha a; o k'a ghafe elu ẹ, onwọnni ihiẹn o k'e mẹ ẹ; o k'a zụọpụha a.

Azaya 66:15

Lekwọn'a, Osolobuẹ gi ọkụn lala, ụgbọ-ẹshin ẹ nọ kẹ okẹn ufere, ọ lala d'e gi okẹn olulu ghọsị iwe rị a obi, ọ lala d'e gi ọkụn jụgbọ ọjụgbọ a.

Habakọkụ 3:11

ẹnyanwụn lẹ ifọn e wuzo ụzọ ohu imẹ elu, yeni ọbara-ụta ị rị e gbukeni lẹ obo i rị e be nwaịn-nwaịn fekọnị.

Habakọkụ 3:14

Ị nọ gi ihiẹn-ọgụn a zupu ndị odogun-agha a isi, kẹ wẹ kpọha nọkẹ okẹn ufere d'e feyịya ẹnyi; e yi, a ghọghọ, nọkẹ onyẹ gi nzuzue bịa d'e gburi ndị nwọnlẹni onyẹ eyemẹka;

Zẹkaraya 12:8

O ru ogẹn hụ, Osolobuẹ k'e che ndị bi Jerusalẹm nche; ndị ndụn te rịlẹni imẹ wẹ ogẹn ahụn k'e zedẹ kẹ Defidi; ebọn Defidi wụ eze k'a rị kẹ Chuku lẹ enwẹn ẹ, nọkẹ mmọn-ozi Osolobuẹ, buruni wẹ ụzọ.

Zẹkaraya 14:3

Ogẹn ahụn kẹ Osolobuẹ k'e gi lihi d'a lụsọn alị ndị hụ agha k'o dọn e mẹ ụhụọhịn agha.

Zẹkaraya 2:5

mmẹ nwẹn k'a wụrụ mgbọn rị e nwun ọkụn, fihunmẹ ẹ. Mmẹ k'a wụzịkwọ ọghọ a. Ya kẹ Osolobuẹ ku.’ ”

Matiu 24:31

O sikọ d'e gi okẹn opi hannị zipụ ndị mmọn-ozi ẹ ẹbamịn ẹnịnọ d'e wegbama ndị nke Osolobuẹ rị ebe ile ụwa ru.

Matiu 28:20

Kuzi ni wẹ, nị wẹ e mẹ ihiẹn ile m sị ụnụ mẹ. Eziẹ, m nọyeni ụnụ ogẹn ile d'e ru ọgụgụ-ogẹn.”

Ndị Rom 15:19

lẹ ihiẹn ile o gi ihiẹn-nghọsị lẹ ọrụn-atụmẹnya lẹ ikẹn Mmọn Osolobuẹ rụn; nke wụ nị e zigbarịgụọ m oziọma Kraịstị ghakwọrị Jerusalẹm d'e ru Ilaịrịkọm.

Hibru 2:4

Chuku lẹ enwẹn ẹ nọzị shịa ẹri ghahanị ihiẹn-nghọsị lẹ ọrụn atụmẹnya ichẹn-ichẹn lẹ oyiye Mmọn-nsọ o yesọnmẹ k'o dọn chọ.

Joshụa 10:42

Mgbe ohu ahụn Joshụa pụha d'a lụsọn wẹ agha k'o gi mẹrisọnmẹ ndị nze ndịnị ile lẹ alị wẹ, mẹrichanrịn wẹ, makẹni Osolobuẹ wụ Chuku Izrẹlụ lụnị Izrẹlụ ọgụn.

Rẹvẹleshọnụ 6:2

M nọ lee ẹnya, e lee ẹshin ọchan! Onyẹ rị e nyinn'ẹ gi ụtaa. Wẹ nọ ye ẹ okpu-eze, ọ nọ nyinrin ẹshin ẹ pụ d'e mẹrisọnmẹ agha.