Zẹkaraya 9:13 - Ika

¹³ Ndị Izrẹlụ rị Juda wụ ụta m — e kwọngụọ m'a; ndị Izrẹlụ rị Ifrem wụ ọbara ụta hụ e bugụọ m'a che ụta m! Zayọnụ, m k'e nu ụmụ ị d'a lụ agha; Javanị wụ Grisi, m k'e nu ụmụ Zayọnụ d'a maye ụmụ ị Filistia; gi wẹ mẹ i ihiẹn onyẹ-agha gi ọpịa-agha e mẹ.

Zẹkaraya 9:13 ပူးပေါင်းရင်းမြစ်များ

Ẹbụ-ọma 144:1

Ịja-mma ya rịnị Osolobuẹ, Ọmụma hụn e che m nche, Onyẹ hụn a kuzi ẹka m agha, e ye mkpịnsịn-ẹka m ikẹn ọgbọ-agha.

Ẹbụ-ọma 149:6

Wẹ bu ẹbụ wẹ gi a ja Osolobuẹ mma che ọnụ, bu ọpịa-agha ọnụ-ẹbụọ che ẹka;

Ẹbụ-ọma 45:3

Kẹnmẹ ọpịa-agha ị ye ukun, odogun-agha hụn ikpẹn lẹ ọghọ jun ẹhụ!

Azaya 49:2

O mẹ ọnụ m a tụ kẹ ọpịa wẹ sụọn, gi ẹka a kpumẹ m, zuemẹ; o mẹ m wụrụ ọbara-ụta wẹ kwọ udẹn, rụ m ye imẹ ẹkpa-ọbara a.

Jerimaya 51:20

Ịyụ wụ ẹgbe m gi a lụ agha lẹ ihiẹn-ọgụn m: Ịyụ kẹ m gi a kụkpọ alị ichẹn-ichẹn; ịyụ kẹ m gi e tikpọ alị-eze ichẹn-ichẹn;

Ẹkwan 4:2

Ndị Zayọnụ nwẹn te rịkẹnmẹ mkpa, ndị hụn te wụchanrịn goru, kẹ wẹ werizi nwan kẹ ite-ụrụa mmakalaka — ọrụn-ẹka ọkpụ-ite!

Emọsụ 2:11

E mẹ m ụfọdụ ụmụ ụnụ wụrụ ndị-amụma, mẹ ụfọdụ ikorọbịa ụnụ wụrụ ndị-nazịraịtị. Gwanị m ndị Izrẹlụ, ẹlẹ ẹrịra k'o mẹ? Ya kẹ Osolobuẹ ku.

Obadaya 1:21

Ndị mgbapụha jẹnkọ e shi Ugu Zayọnụ d'a nọ a kị Ugu-Ịsọ wụ alị Ẹdọm. Ogẹn ahụn, Osolobuẹ lẹ enwẹn ẹ k'a wụ eze.

Zẹkaraya 1:21

M nọ sị, “Kị wẹ lala d'e mẹ?” Ọ nọ za, sị, “Kẹ m dọn gwa ị, ndị ibuzọnẹi wụ mpịn sụnyịya Juda nke wụnị onwọnni onyẹ saẹka nyọnpụha isi; kanị ndịnị a kpụ ụzụn bịa nwan nị wẹ bu egun che ndị hụ wụ mpịn ẹnya — ya wụ, nị wẹ kụgi mpịn ndị alị ọzọ hụn gi mpịn wẹ bunụmanị alị Juda kẹni wẹ chụzịza ndị Juda.”

Ndị Ẹfẹsọsụ 6:17

weri ni nzụọpụha Osolobuẹ zụọpụha ụnụ kpumẹ isi rịkẹ okpu onyẹ-agha; ụnụ e weri oku-Chuku hụn wụ ọpịa-agha Mmọn-nsọ, kwọndọn.

Timoti Nke Ẹbụọ 4:7

A lụgụọ m ezigbo ọgụn ahụn! A gbagụọ m ọsọ ahụn! E sọngụọ m ụzọ okukwe Kraịstị!

Hibru 4:12

Makẹni, Oku Osolobuẹ rị ndụn; ọ rụn ọrụn; ọ tụ nkọ, tụkarị ọpịa-agha ọnụnaị ọwụlẹ: o zubanchanrịn imẹ, d'e ru umẹ-ndụn lẹ mmọn, d'e rudẹ okẹn-ẹhụ lẹ ụmị ọkpụkpụ, o rudẹ obi ịhịan d'e lele iroro ẹ lẹ ihiẹn o bu obi.

Rẹvẹleshọnụ 1:16

O gi kokisẹ ẹsa ẹka-nni. Ọpịa-agha ọnụnaị tụ nkọ gha a ọnụ suepụha. Ihun ẹ hụ e gbuke ọda-ọda kẹ ẹnyanwụn efinnaị.

Rẹvẹleshọnụ 17:14

Wẹ k'a lụsọn Nwa-ebulu hụ agha, kanị Nwa-ebulu hụ k'e mẹri wẹ, makẹni ịya wụ Nna ndị wụ nna lẹ Eze ndị-nze lẹzi makẹni ndị ya lẹ wẹ wị wụ ndị ọ kpọ oku, ndị ọ họrị, ndị furu wẹ gi e dọn ẹnya.”

Rẹvẹleshọnụ 19:15

Ọpịa-agha tụnị o k'e gi mẹ alị ile ihiẹn rị a ọnụ. O k'e gi ọkpọ-igwe kị wẹ. O k'a zọkpụkpọ wẹ imẹ ebẹhụ Osolobuẹ nwọn ikẹn ile nọ e gi iwe-lẹ-ọnụma a a zọkpụkpọ ndị-njọ kẹ akpụrụ vaịnị.

Rẹvẹleshọnụ 19:21

gi ọpịa-agha rị ọnụ onyẹ ahụn rị e nyin ẹshin ọchan gbupụ ndị họdụnị. Ya nnụnụ ile nọ gi anụ wẹ rikarị ẹfọ.

Rẹvẹleshọnụ 2:12

“Dejẹnni onyẹ-isi ụka Pẹgamọm, sị a: “Lee ihiẹn onyẹ hụ ọpịa-agha ọnụnaị tụ nkọ rị ọnụ a ku: