Zẹkaraya 9:12 - Ika

¹² Ndị wẹ kwọndọn hụn rị e lee ẹnya nzụọpụha, kinhẹn ni nwan ezigbo ụlọ ụnụ zeni! M rị a gwa ụnụ tannị nị m k'e yekin ụnụ ihiẹn ile ụnụ tuhu, gi hụn han kẹ ịya dụnnị ụnụ ya.

Zẹkaraya 9:12 ပူးပေါင်းရင်းမြစ်များ

Jobu 42:10

Ogẹn Jobu gi mẹgụnị ndị ọwụ a ekpere, Osolobuẹ nọ mẹ ihiẹn rịzịnị Jobu mma, yekinchanrịn a ihiẹn ile o nwọn mbụ ụzọ ẹbụọ-ẹbụọ.

Azaya 24:22

Wẹ k'e kpọngbama wẹ ile, kẹ wẹ e kẹngbama ndị rị ngan; wẹ k'a kpọkin wẹ ye imẹ ngan, a nọbie wẹ ebẹhụ, e ye wẹ wẹ afụnfụn.

Azaya 38:18

makẹni alị-mmọn as'ẹka ye i ekele; ọnwụn as'ẹka ja ị mma; ndị hụn labangụ imẹ ili enwọnkọzị olilẹnya hụn w'e gi gi i dọn ẹnya.

Azaya 40:2

Gwa nị Jerusalẹm oku a rọkọ obi, hịnị n'a ya n'ọ nụ a — nị agha e mẹgụọ a ihiẹn o k'e mẹ ẹ; n'ọ kụgụọ ụgwọ njọ a; nị Osolobuẹ e yegụọ a afụnfụn njọ a, yekwasị.

Azaya 49:9

kẹni i sị ndị wẹ gi, ‘Pụha nị,’ sị ndị rị imẹ ishi, ‘Weri ni enwẹn ụnụ!’ Wẹ k'a rị a nọdẹ mkpẹnrẹn ụzọ e ri ihiẹn-oriri, a hụn ezigbo ẹfịfịa anụ e ri elu òke te kpọpụ nkụn.

Azaya 52:2

Jerusalẹm, zinzinpụ ẹjan rị ị ẹhụ. Lihi ọtọ, n'ị nọdị elu ukpo-eze. Zayọnụ hụn rị ẹgbụn, tọpụ ẹgbụn ahụn rị ị olu!

Azaya 61:7

Ndị nke m e nwọnrin ọghọ nwọncheni ẹlẹzi ifẹnrẹn, ukuu wẹ e ye wẹ ịghọghọ; ẹlẹzi ịfa, ukuu ụnụ a ba ụba ọhụnma-ọhụnma, ịghọghọ itẹbitẹ a wụrụ nke wẹ.

Jerimaya 14:8

Euu, Onyẹ hụn Izrẹlụ rị e lee ẹnya! Onyẹ hụ a zụọpụhan'a ogẹn nsọngbu, k'ị gbanị nkịtịn nọkẹ onyẹ-ọbịa, e mẹ kẹ onyẹ-ijẹn banhanhụ d'a ranhịn nị eki fọn?

Jerimaya 16:19

Euu, Osolobuẹ, Ikẹn m lẹ Ebe m'a gbaban, Onyẹ m'e gbọnni ogẹn nsọngbu! Ndị alị ile rị elu-ụwa jẹnkọ d'e buruhẹ i, sị ị, “Mmọn ndị ahụn ndị nẹdi ẹnyi fe ẹlẹ Chuku nke-esi, ihiẹn wẹ kpụhụ kẹ wẹ wụ o nwọnni erere wẹ bannị wẹ.

Jerimaya 17:13

Euu, Osolobuẹ, Onyẹ hụn Izrẹlụ rị e lee! Ifẹnrẹn jẹnkọ d'e mẹgbu ndị ile latọn'ị, Ẹjan kẹ ndị latọn'ị k'a la — makẹni a latọgụọ wẹ Isi-mirin e ye ndụn.

Jerimaya 31:17

Ihiẹn k'a rịnị ị mma ihun; ụmụ ị jẹnkọ d'a lụaha alị wẹ.” Ya kẹ Osolobuẹ ku.

Jerimaya 31:6

Ogẹn lala hụn ndị a kpọ ọgwa k'e gi gha òke rịsọnmẹ ẹgbẹrẹ Ifrem a hị, ‘Pụha nị, nị ẹnyi jẹn Zayọnụ d'e fe Osolobuẹ wụ Chuku ẹnyi.’ ”

Jerimaya 50:28

Gọn ni ntịn, ihiẹn ndị hụn isi gha Babilọnụ gbapụha rị e ku imẹ Zayọnụ: wẹ rị e ku kẹ Osolobuẹ wụ Chuku ẹnyi dọn mẹgwarị ndị Babilọnụ, mẹgwarị wẹ ihiẹn wẹ mẹ Ụlọ-NSỌ a.

Jerimaya 51:10

“Ndị nke m k'a sị, ‘Osolobuẹ a ghọsịgụọ nị ẹnyi wụ nke ẹ! Bịa nị, nị ẹnyi gwa wẹ imẹ Zayọnụ ihiẹn Osolobuẹ wụ Chuku ẹnyi mẹ!’ ”

Izikẹlụ 37:11

Osolobuẹ nọ nwan sị, “Nwa-ịhịan, ọkpụkpụ ndịnị wụ ndị Izrẹlụ ile. Wẹ rị nwan a sị, ‘Ọkpụkpụ ẹnyi a kpọgụọ nkụn, ẹnyi enwọnzi olilẹnya; nke ẹnyi a gụgụọ!’

Hosia 2:15

A nọ m ebẹhụ sị a d'e werizi alị-vaịnị a; e mẹ m Ọdanmgbugbu Nsọngbu họnrin ọnụmụzọ ihiẹn rị mma. Ọ nọ ebẹhụ mẹzi k'o mẹ mbụ, ogẹn o gi rị nwagbọọ ogẹn o gi gha alị Ijiptu pụha.

Juwẹlụ 3:16

Olu Osolobuẹ k'a gha Ugu Zayọnụ hanpụha kẹ olu ẹwọrọ rị e dẹnni; olu ẹ k'a gha Jerusalẹm hanpụha kẹ akpara (akpabọ). Elu-igwee lẹ ụwa k'e mẹhunmẹ. Kanị Osolobuẹ lẹ enwẹn ẹ k'e che ndị nke ẹ nche, ebe ndị Izrẹlụ a gbaban.

Maịka 4:8

Ịyụ nwẹn, Jerusalẹm, Okẹn ụlọ-nche atụnrụn Osolobuẹ, Ebẹhụ zeni ndị Zayọnụ a gbaban, ọkịkị hụn te wụ nke i lalazị, Jerusalẹm k'e rizi eze!

Nahum 1:7

Osolobuẹ a rịka mma, ebe zeni w'a gbaban ogẹn nsọngbu k'ọ wụ. O marịnghọ ndị gbọnnin'ẹ, o lepụ wẹ ẹnya.

Hibru 6:18

kẹni obi ruchanrịn ẹnyi ndị gbaburun'ẹ alị kwọnkẹnmẹ olilẹnya o ye ẹnyi, makẹni Osolobuẹ e gigụọ ihiẹn ẹbụbụọ ahụn ghalẹni e gbehutọ ghọsịchanrịn nị ẹlẹ ntụ kẹ ọ rị a tụ.

Hibru 6:19

Olilẹnyanị wụ agbụn zeni furu wẹ gi e dọn ẹnya hụn wẹ gi limẹ umẹ-ndụn ẹnyi. Olilẹnyanị e we ẹnyi a ghafe Ẹkwa-mgbọnbepụ hụ, e weban ẹnyi imẹ-imẹ ebẹhụ Osolobuẹ rị,