Zẹkaraya 9:10 - Ika

¹⁰ M k'a zapụchanrịn ụgbọ-anyịnyan ile rị alị Ifrem: zapụchanrịn ẹshin-agha rị Jerusalẹm; ụta-agha arịkọzị. Eze ụnụ ahụn k'e wẹhẹni alị ichẹn-ichẹn udọn; o k'a kị ụwa ile — gha ohimin d'e ru ohimin, gha Iyi Yufretisi d'e ru njẹndemẹ ụwa!

Zẹkaraya 9:10 ပူးပေါင်းရင်းမြစ်များ

Ndị-nze Nke Ibuzọ 4:21

Solomọnụ kịchanrịn alị-eze ile rị gha Iyi-Yufretisi d'e ru alị ndị Filistia gbegbegbe, d'e rukwọrị okẹn alị Izrẹlụ lẹ alị Ijiptu. Wẹ tụhasọnmẹni Solomọnụ ụtụ, rịsọnmẹ okpuru ẹ, o we nwụn.

Ẹbụ-ọma 72:17

Ẹfan eze ya agụlẹ kaka jẹnrin ejẹn; ẹfan a ya rịsọnmẹ, ẹnyanwụn e we gụ. Alị ile wẹ gi ẹ e nwọnrin ngọzi; alị ile wẹ kpọma a onyẹ wẹ gọzi.

Ẹbụ-ọma 72:3

Ugu alịnị, wẹ wẹhẹ aghamihun, elu òke ndị rịn'a, wẹ wẹhẹzi ihiẹn rị mma.

Ẹbụ-ọma 85:8

M jẹnkọ d'e gọn ntịn, nị m nụ ihiẹn Chuku wụ Osolobuẹ k'e ku, makẹni o k'e ku ndụn ye ndị nke ẹ, ndị nsọ a, obi — ka wẹ ezuzumẹzilẹ.

Ẹbụ-ọma 89:26

O k'a kpọku m, sị m, ‘Ịyụ wụ Nẹdi m lẹ Chuku m, Ọmụma hụn a zụọpụhanị m.’

Azaya 11:10

Ogẹn hụ, Mkpọgụn Jese ahụn jẹnkọ d'e suepụhanị k'a wụrụnị alị ichẹn-ichẹn ahịma wẹ tumẹni wẹ hụn w'e gi e dọn ẹnya; ndị alị ichẹn-ichẹn jẹnkọ d'e buruhẹ ẹ, ebe o bi jẹnkọ d'e nwọn ọghọ ọda-ọda.

Azaya 2:4

O k'a hannị alị lẹ alị eṅẹn, e dọnzini ndị alị bu ọda oku. Wẹ k'e gi ọpịa-agha wẹ mẹmẹrin omumọ wẹ gi a dụkpọ alị, gi obo wẹ mẹmẹrin ọpịa wẹ gi e befọn osisi. Alị alụsọnkọzị ibe ẹ agha, ọzụnzụn ndị-agha arịkọzị.

Azaya 49:6

ọ sị: “Onwọnni ihiẹn ọ wụ n'ị wụhụ odibo m hụn k'e wekinhẹn ebọn Jekọpụ ọnọdị wẹ, hụn k'e wekinhẹn ndị Izrẹlụ m dọnmẹ ndụn; m k'e mẹzi i wụrụnị alị ndị ọzọ ile ukpẹ, kẹni i we nzụọpụha m ru ebe ile ụwa ru.”

Azaya 60:12

Ẹghẹẹ, alị mọbụ alị-eze ọwụlẹ hụn jụ n'o fekọ ụnụ k'a la iwi — wẹ k'e gbuchanrịn ndị rịn'a.

Hosia 1:7

Kanị, m k'e mẹni ndị hụn rị Juda omikẹn; m k'e gi ikẹn ahụn m gi wụ Osolobuẹ, Chuku wẹ, zụọpụha wẹ. Egikọ m ụta mọbụ ọpịa-agha mẹ ẹ, egikọ m agha mọbụ ẹshin mọbụ ndị gi ẹshin-agha a lụ mẹ ẹ.”

Hosia 2:18

“M k'e tini anụ-ọfịa lẹ nnụnụ iwu tini ihiẹn ndị a rịnị iwu, makẹ wẹ gha a rụ wẹ ẹhụ. M k'e wepụ ụta lẹ ọpịa-agha alịnị ịhịan ile e biri udọn-lẹ-ndọnkwa.

Hosia 2:20

M k'e mẹ i wụrụ nwunyẹ m, gi mẹzu nkwa m; yụ nwẹn k'e kweyeni Osolobuẹ.

Maịka 4:8

Ịyụ nwẹn, Jerusalẹm, Okẹn ụlọ-nche atụnrụn Osolobuẹ, Ebẹhụ zeni ndị Zayọnụ a gbaban, ọkịkị hụn te wụ nke i lalazị, Jerusalẹm k'e rizi eze!

Maịka 5:4

O k'a pụha nwan, gi ikẹn Osolobuẹ, ọghọ rị ẹfan Osolobuẹ wụ Chuku ẹ zụn atụnrụn a. Onwọnzini ihiẹn k'e mẹ wẹ, makẹni o k'a wụ okẹn ịhịan elu ụwa ile;

Maịka 5:9

Ẹka ụnụ k'a dụ ndị-iṅẹnrẹn ụnụ, ndị-iṅẹnrẹn ụnụ ile k'a gụchanrịn.

Hagaị 2:22

M k'e wepụ ndị-nze alị-eze ichẹn-ichẹn ukpo, e tikpọ m ihiẹn ile alị-eze ichẹn-ichẹn gi a kpa ikẹn; m k'e titu ụgbọ-anyịnyan lẹ ndị rị a nyannị wẹ; ẹshin lẹ ndị rị e nyinni wẹ k'a dan, makẹni ndị rị e nyinni wẹ k'e gi ọpịa-agha gbu ibe wẹ.

Ọrụn Ndị-ozi 10:36

Ụnụ a marịnghọ ozi o zijẹnni ndị Izrẹlụ: oziọma ya lẹ ịhịan gi e dọn ghahanị Jesu Kristi Onyẹ nwọn ihiẹn ile lẹ ịhịan ile.

Ndị Kọrẹntị Nke Ẹbụọ 5:18

Ihiẹnni ile gha ẹka Osolobuẹ bịa, onyẹ hụn gi Kraịstị dọnzi ẹgbata ẹnyi lẹ ịya, we ọrụn idọnzi-ẹgbata ye ẹnyi.

Ndị Kọrẹntị Nke Ẹbụọ 5:20

Ndị-nnọkin ẹnya Kraịstị kẹ ẹnyi wụ nwan, Osolobuẹ gi ẹnyi a rịọ ụnụ; ẹnyi rị nwan a rịọdọnni Kraịstị: dodo ni, “Kinhẹn ni d'e kunrun Osolobuẹ!”

Ditrọnọmi 11:24

Ebe ọwụlẹ ụnụ zọye ụkụ k'a wụrụ nke ụnụ; alị ụnụ k'a gha atụ rị ẹbamịn ndịdan-mirin ru Lẹbanọnụ rị ẹbamịn-ugu, gha Iyi-Yufretisi rị ẹbamịn ọwụwa-ẹnyanwụn d'e ru Ohimin-uku Mẹditerenia rị ẹbamịn ọdịdan ẹnyanwụn.

Rẹvẹleshọnụ 11:15

Ya mmọn-ozi nke ẹsa nọ gbu opi ẹ, m nọ nụ okẹn olu rịsọnmẹ elu-igwee rị a sị, “Alị-eze ụwa a wụrụọlẹ nke Di-nwọnni-ẹnyi lẹ Kraịstị a; o k'a kị jẹnrin ejẹn!”