Zẹkaraya 8:23 - Ika

²³ Osolobuẹ ihiẹn ile rị okpuru ẹ sị: “O ru ogẹn hụ, ikẹnnyẹ iri ndị alị ọzọ, ndị a sụ asụsụ ọzọ, k'a dọdọn akpụ onyẹ Ju ohu ẹwuru, a rịọ a, ‘Dodo, nị ẹnyi sọn i la, nị ẹnyi a nụọlẹ nị Chuku rị azụụn nke ụnụ!’ ”

Zẹkaraya 8:23 ပူးပေါင်းရင်းမြစ်များ

Jẹnẹsisi 31:41

Ẹrịra k'o mẹ m ọrọgbọ ahụa ọgụnnị m nọ iwe i. M gi ahụa mmẹnọ fe i kẹni m lụrụ ụmụ ị ikpoho ẹbụọ, m nọzị gi ahụa isin fe i kẹni i gi ihiẹn-uriri i kwamanị m, kanị y'e mẹgbu m — gbehutọ ụgwọ ị te k'a kụ m mgbe iri!

Jẹnẹsisi 31:7

kanị nẹdi ụnụ e mẹgbuọlẹ m, mgbe iri k'o gbehutọpụ ihiẹn o te k'a kụ m, kanị Osolobuẹ anịnị a rụ m ẹhụ.

Ndị-nze Nke Ẹbụọ 2:6

Ẹlaịja nọ sị Ẹlaịsha, “Nọdị ebeni; Osolobuẹ zi m Iyi Jọdanị.” Ẹlaịsha nọ sị a, “Ma Osolobuẹ lẹ isi i, aghakọ m ebe ị rị pụ.” Ya wẹ ẹbụọ nọ jẹnsọnmẹ.

Ihiẹn Mẹni Nke Ibuzọ 12:18

Ya kẹ Mmọn (Chuku) nọ nu Amasaị hụn a kị Ndị Odogun-agha Iri kwasị ọgụn Ahụn, ọ nọ sị: “Defidi, nke i kẹ ẹnyi wụ! Nwa Jese, ẹnyi lẹ ịyụ wị! Ihun-ihun kẹ w'a gha a hụn ị; ihun-ihun kẹ w'a gha a hụn ndị e yeni i ẹka; makẹni Chuku i k'e yen'i ẹka.” Ya Defidi nọ nabanhan wẹ, gi wẹ họnrinsọnmẹ ndị a kịn'a itu ichẹn-ichẹn e jẹnn'ẹ ọgụn.

Ihiẹn Mẹni Nke Ẹbụọ 15:9

Ọ nọ kpọkikomẹ ndị Juda lẹ Bẹnjamini ile lẹ ndị Izrẹlụ Ẹbamịn ugu ghasọnmẹ Ifrem lẹ Manasẹ lẹ Simiọnụ bịa hụn bi imẹ igunrun wẹ, makẹni ndị bu ọda a ghagụọ Izrẹlụ Ẹbamịn ugu lụaburuhẹ ẹ ogẹn wẹ gi hụn nị Osolobuẹ wụ Chuku ẹ nọyen'ẹ anọyeni.

Ẹsta 8:17

Imẹ Ẹgbẹrẹ ọwụlẹ lẹ obodo ọwụlẹ, ebe ọwụlẹ iwu eze ru, ndị Ju rịn'a hụ a ghọghọ, ẹfọ hụ a sụọ wẹ ụsụọ, wẹ hụ e ri oriri, e mẹ mmẹmmẹ. Ndị bu ọda wụ ndị alị ọzọ nọ họnrin ndị Ju, makẹni egun ndị Ju rị a tụ wẹ.

Jobu 19:3

Mgbe iri kẹ ụnụ kparipụ m; ụnụ hụ a maye m! Ifẹnrẹn arịdẹ nwan ụnụ ẹnya ra?!

Ẹkịliziastisi 11:2

Yebeyedẹ madụ ẹsa mọbụ ẹsatọ ihiẹn i, nị y'a marịn ihiẹn k'e kunrun alị.

Azaya 3:6

Okẹnnyẹ k'a dọdọn nwẹnẹ ẹ imẹ ụlọ-iwe nẹdi ẹ, sị a, ‘Y'e nwọnghọdẹ ẹwuru: wụrụ nwan onyẹ-ndu ẹnyi; kịma mkpọkọ ụlọnị!’

Azaya 4:1

Ikpoho ẹsa k'a dọdọndẹ okẹnnyẹ ohu, sị a, “Dodo, ẹnyi nwọn chọrị ihiẹn-oriri ẹnyi, chọrịzịkwọ ẹkwa ẹnyi; ka werihụ ẹnyi nị ẹnyi zama ẹfan ị, gi ẹ wepụ ẹnyi ifẹnrẹn ẹnya!”

Azaya 45:14

“Osolobuẹ sị: Ndị Ijiptu lẹ ihiẹn wẹ rụn lẹ ndị Ẹtiopịa lẹ ibu-afịa wẹ lẹ ndị alị Sabia — ndị ahụn sue usue, k'e fetu, buruhẹ ụnụ, wụrụ nke ụnụ; wẹ k'e sọnlụa ụnụ, wẹ lẹ ẹgan wẹ kpọma wẹ. Wẹ k'e hulụanị ụnụ isi, a rịọ ụnụ, a sị, ‘Osolobuẹ nọyeni ụnụ anọyeni, onwọnni onyẹ ọzọ ọ wụ; Chuku ọzọ arịa.’ ”

Azaya 45:24

Wẹ k'a gha a sị, ‘Osolobuẹ sụọ e mẹ ihiẹn furuni, ikẹn wụzịkwọ nke ẹ.’ Wẹ ile hụn bun'ẹ olulu k'a bịa d'a rịọ a, ifẹnrẹn e mẹgbu wẹ.

Azaya 55:5

Eziẹ, ị k'a kpọ alị ndị ị marịnlẹni oku, alị ndị marịnlẹn'i a gbahadẹ d'a za ị, makẹ ufiri Osolobuẹ, Chuku i — Onyẹ-nsọ Izrẹlụ, makẹni o yeọlẹ i ọghọ ọda-ọda.

Azaya 60:14

Ụmụ ndị te bịangbu ụnụ k'a bịa d'a kụnị ụnụ isi-alị; ndị ile e legberi ụnụ k'a kụzịkwọnị ụnụ isi alị; wẹ k'a kpọ ụnụ Obodo Osolobuẹ, Zayọnụ hụn wụ nke Onyẹ-nsọ alị Izrẹlụ.

Azaya 60:3

Ndị alị ichẹn-ichẹn k'a bịa d'e kunrun ụnụ yeni ukpẹ ụnụ; ndị-nze k'a bịa d'e kunrun ụnụ makẹni eki e fọnpụgụọnị ụnụ.

Azaya 66:18

“Mmẹ nwẹn, ufiri omumẹ wẹ lẹ ihiẹn wẹ rị e ro, m lala d'e wegbama ndị alị ile lẹ ndị asụsụ ile, a bịa wẹ d'a hụn ọghọ m.

Maịka 5:5

O k'e mẹ udọn rị. Ndị Asiria a banhan alị ẹnyi; ụkụ wẹ ru ụlọ-uku ndị rị alị ẹnyi, ẹnyi e wepụhanị wẹ ndị-ndu ẹsa zu ọnụ, madụ ẹsatọ-dẹ hụn ru ogo.

Zẹfanaya 3:19

O ru ogẹn hụ, m k'e mẹshi ndị rị a bịangbuni ụnụ ikẹn. M k'a zụọpụha atụnrụn m ndụn rịlẹni, e wegbama m atụnrụn m wẹ chụzịza; e wepụha m wẹ imẹ ụya wẹ rị, ye wẹ ezigbo ẹfan w'a ja mma elu ụwa ile.

Ọgụngụn 14:22

ya wụ nị onyẹ ọwụlẹ imẹ ndịnị a banye alị ahụn m kwe nkwa a: ndịnị hụn ọghọ m lẹ ọrụn atụmẹnya ndị m rụnghọsị wẹ imẹ Ijiptu lẹ imẹ alị ọkpọ-nkụnnị pazị oku m, chọsọnmẹ ihiẹn rị m ọnụ mgbe iri;

Luku 8:44

Ọ nọ ghaha Jizọsị azụụn, tẹtụ ntịn-ẹkwa Jizọsị ẹka, ihiẹn rị a gban'a nọ kụsị ozigbo.

Ọrụn Ndị-ozi 19:12

nke wụ nị, wẹ e wedẹ hankachifu lẹ ẹwuru-ọrụn mẹtụ Pọlụ ẹhụ e jẹnni ndị ọrịa, emu wẹ a la, eje-mmọn a gha imẹ ndị wẹ rị imẹ wẹ pụ.

Ndị Kọrẹntị Ibuzọ 14:25

ihiẹn rị a obi a pụha ifọn. Ọ kụnị Osolobuẹ isi alị, ye Osolobuẹ ọghọ, sị, “Ezioku-ezioku, Osolobuẹ rị imẹ igunrun ụnụ!”

Joshụa 8:35

Onwọnni akpụ oku ohu Mozizi ku imẹ Iwu Joshụa gụnlẹnini igunrun Izrẹlụ ile, kẹ ikpoho kẹ ụmụ-ẹka kẹ abịamabịa ndị bi imẹ igunrun wẹ.